114.0097.28.06.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍԵՓԱԿԱՆԱՇՆՈՐՀՄԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

28.06.1999 թ. ք. Երևան

N 97-Հ

«ՊԵՏԱԿԱՆ ԳՈՒՅՔԻ ՄՐՑՈՒՅԹՈՎ (ԱՅԴ ԹՎՈՒՄ` ՄԻՋԱԶԳԱՅԻՆ ՄՐՑՈՒՅԹՈՎ) ՄԱՍՆԱՎՈՐԵՑՄԱՆ ԺԱՄԱՆԱԿ ՀՀ ՍԵՓԱԿԱՆԱՇՆՈՐՀՄԱՆ ՆԱԽԱՐԱՐՈՒԹՅԱՆ ԿՈՂՄԻՑ ՍՏԵՂԾՎԱԾ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱՆՈՆԱԿԱՐԳԸ» ՀԱՍՏԱՏԵԼՈՒ ՄԱՍԻՆ

ՀՀ կառավարության 1998 թ. հոկտեմբերի 29-ի «Մրցույթով (այդ թվում` միջազգային մրցույթով) պետական գույքի մասնավորեցման կարգը հաստատելու մասին» թիվ 669 որոշմամբ հաստատված Մրցույթով (այդ թվում` միջազգային մրցույթով) պետական գույքի մասնավորեցման կարգ»-ի 5-րդ կետով նախատեսված պետական գույքի մրցույթով (այդ թվում` միջազգային մրցույթով) մասնավորեցման ժամանակ ՀՀ սեփականաշնորհման նախարարության կողմից ստեղծված մրցութային հանձնաժողովի գործունեությունը կանոնակարգելու նպատակով`

Հրամայում եմ.

Հաստատել «Պետական գույքի մրցույթով (այդ թվում` միջազգային մրցույթով) մասնավորեցման ժամանակ ՀՀ սեփականաշնորհման նախարարության կողմից ստեղծված մրցութային հանձնաժողովի գործունեության կանոնակարգ»-ը:

Նախարար`

Պ. Ղալթախչյան

Հաստատված է ՀՀ սեփականաշնորհման նախարարի 1999 թ. հունիսի 28-ի N 97-հ հրամանով

Կ Ա Ն Ո Ն Ա Կ Ա Ր Գ

Պետական գույքի մրցույթով

(այդ թվում` միջազգային մրցույթով)

մասնավորեցման ժամանակ ՀՀ սեփականաշնորհման

նախարարության կողմից ստեղծված մրցութային

հանձնաժողովի գործունեության

Հաստատված է ՀՀ սեփականաշնորհման նախարարի 1999 թ. հունիսի 28-ի N 97-հ հրամանով

Կ Ա Ն Ո Ն Ա Կ Ա Ր Գ

ՊԵՏԱԿԱՆ ԳՈՒՅՔԻ ՄՐՑՈՒՅԹՈՎ (ԱՅԴ ԹՎՈՒՄ` ՄԻՋԱԶԳԱՅԻՆ ՄՐՑՈՒՅԹՈՎ ՄԱՍՆԱՎՈՐԵՑՄԱՆ ԺԱՄԱՆԱԿ ՀՀ ՍԵՓԱԿԱՆԱՇՆՈՐՀՄԱՆ ՆԱԽԱՐԱՐՈՒԹՅԱՆ ԿՈՂՄԻՑ ՍՏԵՂԾՎԱԾ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ

1. Ընդհանուր դրույթներ

1.1. Մրցութային հանձնաժողովը (այսուհետ` հանձնաժողով) ստեղծվում է ՀՀ սեփականաշնորհման նախարարի հրամանով, եթե մրցույթով մասնավորեցման մասին ՀՀ կառավարության որոշմամբ հանձնաժողովի կազմը սահմանված չէ:

1.2. Հանձնաժողովի կազմը սահմանվում է առնվազն 5 անձից: Հանձնաժողովի կազմում կարող են ընդգրկվել նաև մասնավորեցվող օբյեկտի պետական բաժնեմասը տնօրինող պետական կառավարման մարմնի (մարմինների) և պետական կառավարման տարածքային և տեղական ինքնակառավարման մարմինների ներկայացուցիչ(ներ):

1.3. Հանձնաժողովն իր աշխատանքներում ղեկավարվում է «Պետական գույքի մասնավորեցման (սեփականաշնորհման) մասին» ՀՀ օրենքով, մասնավորեցման մասին ՀՀ կառավարության որոշումներով, «Մրցույթով (այդ թվում` միջազգային մրցույթով) պետական գույքի մասնավորեցման կարգը հաստատելու մասին») ՀՀ կառավարության 1998 թ.-ի հոկտեմբերի 29-ի թիվ 669 որոշմամբ հաստատված «Մրցույթով (այդ թվում` միջազգային մրցույթով) պետական գույքի մասնավորեցման կարգ»-ով և սույն կանոնակարգով:

2. Մրցութային առաջարկների ընդունում

2.1. Մրցութային առաջարկը, որը ներառում է ՀՀ կառավարության «Մրցույթով (այդ թվում` միջազգային մրցույթով) պետական գույքի մասնավորեցման կարգը հաստատելու մասին» որոշման 11-րդ կետով սահմանված փաստաթղթերը (այդ թվում հայտ` ձև 1), փակ ծրարով ներկայացվում է ՀՀ սեփականաշնորհման նախարարության ընդհանուր բաժին` մինչև մրցույթի մասին հրապարակված տեղեկատվության մեջ նշված ժամկետի ավարտը:

2.2. Մրցութային առաջարկների ընդունման համար սահմանված վերջին ժամկետից հետո ներկայացվող առաջարկները չեն ընդունվում:

2.3. Մրցութային առաջարկները կարող են ընդունվել նաև ֆաքսիմիլային կապով: Ստացված փաստաթղթերը ՀՀ սեփականաշնորհման նախարարության ընդհանուր բաժնում դրվում են ծրարի մեջ և փակվում:

2.4. Ներկայացված ծրարները ընդհանուր բաժնի կողմից կնքվում և մուտքագրվում են:

2.5. Ծրարը պետք է հասցեագրված լինի մրցութային հանձնաժողովին` նշելով մասնավորեցվող օբյեկտի անվանումը:

2.6. Մրցութային առաջարկները ներկայացվում են հայերեն լեզվով, իսկ օտար լեզուներով գրված փաստաթղթերը կարող են ուղեկցվել թարգմանություններով: Թարգմանությունների բացակայության դեպքում փաստաթղթերը կթարգմանվեն հանձնաժողովի կողմից:

2.7. Մրցույթին ներկայացվող փաստաթղթերը ներկայացվում են տպագիր կամ պարզ ընթեռնելի ձեռագրով:

2.8. Մրցութային պայմանների համար մրցույթի մասնակիցների ներկայացրած առաջարկությունները պետք է արտահայտված լինեն թվային ցուցանիշներով և փոքր չլինեն ՀՀ կառավարության կողմից սահմանված նվազագույն արժեքներից, եթե դրանք սահմանված են:

2.9. Մինչև մրցույթի անցկացման համար սահմանված ժամկետը դիմողները կարող են գրավոր դիմում ներկայացնել հանձնաժողովին մրցույթին չմասնակցելու համար: Սահմանված ժամկետից ուշ ներկայացրած դիմումները չեն դիտարկվում հանձնաժողովի կողմից:

2.10. Մրցույթի կանխավճարի գումարը ընդգրկվում է օբյեկտի գնի և մրցույթում չհաղթելու կամ մինչև մրցույթի անցկացման ժամկետը մրցույթին մասնակցելուց հրաժարվելու դեպքում ետ է վերադարձվում:

3. Մրցութային հանձնաժողովի աշխատանքի կազմակերպում

3.1. ՀՀ կառավարության որոշմամբ սահմանված լինելու դեպքում հանձնաժողովը կարող է իրականացնել մասնակիցների նախնական որակավորում, որում հաշվի են առնվում տվյալ բնագավառում համապատասխան փորձի առկայությունը, համապատասխան արտադրական, շինարարական հզորությունների, նյութատեխնիկական միջոցների, մասնագիտացված կադրերի առկայությունը, ֆինանսական վիճակը և երկարաժամկետ ֆինանսատնտեսական ծրագրի առկայությունը:

3.2. ՀՀ կառավարության որոշմամբ սահմանված ժամկետում, կամ մրցույթից առնվազն 30 օր առաջ հանձնաժողովն ապահովում է մամուլում և զանգվածային լրատվության մյուս միջոցներով մրցույթի մասին տեղեկատվության հրապարակումը:

3.3. Մասնավորեցման մասին ՀՀ կառավարության որոշմամբ մրցութային պայմանների նվազագույն արժեքներ և մրցութային պայմանների գնահատման կշռային գործակիցներ սահմանված լինելու դեպքում դրանք հրապարակվում են մրցույթի մասին տեղեկատվության մեջ:

3.4. Մրցույթին մասնակցելու կանխավճարի չափը սահմանվում է ընկերության կանոնադրական հիմնադրամի, կամ մասնավորեցվող գույքի գնահատված արժեքի 5 (հինգ) տոկոսի չափով, եթե հանձնաժողովն այլ բան չի նախատեսել: Մրցույթի կանխավճարի չափը հրապարակվում է մրցույթի մասին տեղեկատվության մեջ:

3.5. Ծրարները հանձնաժողովի կողմից բացվում են մրցույթի անցկացման համար սահմանված ժամկետին հրավիրված նիստում:

3.6. Մրցույթին առաջարկներ ներկայացրած մասնակիցներին և (կամ) նրանց լիազոր ներկայացուցիչներին, ինչպես նաև մամուլի ներկայացուցիչներին և միջազգային կազմակերպություններին ներկայացնող պաշտոնական դիտորդներին հնարավորություն է տրվում ներկա լինել ծրարների բացմանը և մրցույթի արդյունքների հայտարարմանը` հանձնաժողովի թույլտվությամբ: Առաջարկությունների քննարկմանը, որոշման կայացմանը բացի հանձնաժողովի անդամներից այլ անձինք չեն մասնակցում:

3.7. Ծրարները կարող են զննվել հանձնաժողովի անդամների, մրցույթի մասնակցի, կամ նրա լիազոր ներկայացուցչի կողմից` ծրարի ամբողջականությունը ստուգելու նպատակով, եթե մրցույթի մասնակցի կողմից եղել է առարկություն: Առարկություններ չլինելու դեպքում ծրարը բացվում է և ստուգվում է անհրաժեշտ փաստաթղթերի առկայությունը:

3.8. Ծրարում առկա անհրաժեշտ փաստաթղթերի համապատասխանության դեպքում մրցութային առաջարկ ներկայացրած սուբյեկտը ձեռք է բերում մրցույթի մասնակցի կարգավիճակ, իսկ անհրաժեշտ փաստաթղթերի ոչ լրիվ լինելու դեպքում մրցույթի մասնակցի կարգավիճակ չի տրվում և մրցութային առաջարկը հանվում է հետագա քննարկումից` համապատասխան նշում կատարելով արձանագրության մեջ:

3.9. Հանձնաժողովի անդամներն առաջարկությունների հստակեցման նպատակով իրավունք ունեն դիմել մրցույթի մասնակիցներին` իրենց առաջարկությունների վերաբերյալ պարզաբանումներ ստանալու համար:

3.10. Հանձնաժողովը մրցույթի արդյունքների մասին որոշում է կայացնում ոչ ուշ քան մեկամսյա ժամկետում:

3.11. Մրցույթի արդյունքների հաստատված արձանագրության (ձև 3) մեկական օրինակ 10-օրյա ժամկետում տրվում է հաղթողին և ՀՀ սեփականաշնորհման նախարարության պայմանագրերի և վճարումների բաժնին: Մրցույթի մյուս մասնակիցները կարող են ստանալ արձանագրության պատճենները:

4. Մրցութային առաջարկությունների գնահատում

4.1. Եթե ՀՀ կառավարության որոշմամբ սահմանվել են համապատասխան մրցույթի պայմանների նվազագույն արժեքներ և կշռային գործակիցներ, ապա մրցութային առաջարկների գնահատման համար հանձնաժողովի կողմից հաշվարկվում են մրցույթի հաղթողի որոշման պայմանների վերաբերյալ մասնակիցների կողմից ներկայացված արժեքների և նրանց համապատասխան նվազագույն արժեքների տարբերությունները (շեղումներ): Ընտրվում են այդ շեղումների առավելագույն արժեքներն ըստ մասնակիցների:

4.2. Յուրաքանչյուր մասնակցի համար հաշվարկվում են շեղումների և դրանց առավելագույն արժեքների հարաբերությունները, որպեսզի յուրաքանչյուր պայմանի համար գնահատվի նրա շեղման միավորը նվազագույն արժեքից:

4.3. Ստացված միավորները բազմապատկվում են մրցութային պայմանների համար ՀՀ կառավարության որոշմամբ սահմանված կշռային միջին գործակիցներով:

4.4. Յուրաքանչյուր մասնակցի համար հաշվարկվում է բոլոր պայմանների միավորների հանրագումարը:

4.5. Հանձնաժողովի կողմից մրցույթի հաղթող է ճանաչվում այն մասնակիցը, որը ստանում է հաշվարկված հանրագումարի ամենաբարձր միավորը (ձև 2):

4.6. Միայն մեկ առաջարկ լինելու դեպքում հանձնաժողովի կողմից ստուգվում են միայն առաջարկում ներկայացված ցուցանիշների համապատասխան նվազագույն արժեքներից փոքր չլինելը:

4.7. ՀՀ կառավարության որոշմամբ, մրցույթի պայմանների նվազագույն արժեքներ և (կամ) միջին կշռային գործակիցներ սահմանված չլինելու դեպքում հանձնաժողովը մրցույթի հաղթողին որոշում է քվեարկությամբ, եթե հանձնաժողովի կողմից այլ բան չի նախատեսված:

4.8. Քվեարկությամբ որոշումներ ընդունելիս հանձնաժողովի անդամների ձայների հավասարության դեպքում նախագահի ձայնը վճռորոշ է:

Հաստատված է ՀՀ սեփականաշնորհման նախարարի 1999 թ. հունիսի 28-ի N 97-հ հրամանով

Ձև 1

Հ Ա Յ Տ

մրցույթով (միջազգային մրցույթով) մասնավորեցմանը մասնակցելու _________________________________________ (հայտը ներկայացնող կազմակերպության (անձի) _________________________________________ լրիվ անվանումը (անունը), հասցեն, հեռախոս) 1. Ծանոթանալով 199___ թ.-ի _______________ -ին կայանալիք մրցույթում վաճառվող օբյեկտի մասին հրապարակված տեղեկություններին` ցանկանում ենք (եմ) մասնակցել __________________________________________ (օբյեկտի լրիվ անվանումը, հասցեն) __________________________________________ -ի մրցույթին: 2. Մրցույթում հաղթելու դեպքում պարտավորվում ենք (եմ) մրցույթի արձանագրությունը ստանալուց հետո ______ օրվա ընթացքում վճարել առաջարկված գինը և ______ օրվա ընթացքում կնքել մասնավորեցման պայմանագիր: 3. Համաձայն ենք (եմ), որ համապատասխան վճարումները չկատարելու և պայմանագիրը չկնքելու դեպքում մուծված կանխավճարը չվերադարձվի: 4. Անձնագրային տվյալներ ___________________________ 5. Ռեկվիզիտներն են` ____________________________________________ (հաշվի համարը, բանկը) 6. Կից ներկայացվում են ● գրավոր առաջարկ մրցույթի պայմանների վերաբերյալ. ● կանխավճարի մուծումը հաստատող փաստաթղթերի պատճենները. ● գրանցման և հիմնադիր փաստաթղթերի պատճենները (իրավաբանական անձանց համար). ● մրցույթի մասնակցի կողմից տրված լիազորագիր (եթե մրցույթին ներկայանում է լիազորված անձը). ● գործարար ծրագիր հետմասնավորեցման ______ տարվա համար:   Մրցույթի մասնակից (լիազորված ներկայացուցիչ) _________________                                                                                                (ստորագրություն)   ___  ___________ 199 ___ թ.

Հաստատված է ՀՀ սեփականաշնորհման նախարարի 1999 թ. հունիսի 28-ի N 97-հ հրամանով

Ձև 2

________________________

(մրցույթով մասնավորեցվող օբյեկտի անվանումը)

Ա ղ յ ու ս ա կ

մրցույթի հաղթողի որոշման

N

Պայմաններ

Նվազագույն գին M

Կշռային գործա-կիցներ K

1. Մասնակից

2. Մասնակից

Առավելագույն շեղում Y

առաջարկվող գումար X

շեղում X-M

առաջարկվող գումար X

շեղում X-M

1.

2.

3.

Ընդամենը

Մրցութային հանձնաժողովի նախագահ __________

Անդամներ` ________ __________

__________ __________

 

Հաստատված է ՀՀ սեփականաշնորհման նախարարի 1999 թ. հունիսի 28-ի N 97-հ հրամանով

Ձև 3

Ա Ր Ձ Ա Ն Ա Գ Ր ՈՒ Թ Յ ՈՒ Ն

____________________________________ -ի

(օբյեկտի անվանումը)

մրցույթով (միջազգային մրցույթով) մասնավորեցման արդյունքների

Մրցույթի անցկացման ամսաթիվը __________________________

Անցկացման վայրը ___________________________________

Մրցութային հանձնաժողով ստեղծելու մասին տվյալներ

_______________________________________________

Մրցութային հանձնաժողովի կազմը.

_______________________________________________

_______________________________________________

Մրցույթին ներկայացված օբյեկտի

անվանումը _____________________________________

հասցեն _______________________________________

Մրցույթի կանխավճարի չափը ____________________________

Ստացվել են ___________ հայտ.

Աղյուսակ 1

Տեղեկություններ հայտեր ներկայացրածների մասին	Ներկայացված փաստաթղթերի համապատասխանությունը մրցույթի պահանջներին
1
2
3

Արդյունքում մրցույթի մասնակցի կարգավիճակ ստացել են.

Աղյուսակ 2

Մասնակիցների անվանումները	Առաջարկություններ (ըստ համապատասխան պայմանների)
	1.	2.	3.
1.
2.
3.

Հանձնաժողովը հաստատեց մրցույթի հետևյալ արդյունքները.

Աղյուսակ 3

Օբյեկտի անվանում, հասցե	Վաճառքի գին	Ներդրումներ	Սոցիալական երաշխիքներ	Այլ պայմաններ	Մրցույթի հաղթողի անվանում, հասցե

Մրցույթի հաղթողը նաև պարտավորվում է. ___________________________________________ ___________________________________________

Մրցութային հանձնաժողովը որոշեց.

Մրցութային հանձնաժողովի նախագահ   անդամներ`       Մրցույթի հաղթող`   Լրացվել է ___ __________ թ.	__________________________ __________________________ __________________________ __________________________ __________________________ __________________________

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅաՆ ԿՈՂՄԻՑ

12 հուլիսի 1999 թ.

ՊԵՏԱԿԱՆ ԳՐԱՆՑՄԱՆ ԹԻՎ 114990115