«Գրանցված է»

ՀՀ արդարադատության

նախարարության կողմից

19 սեպտեմբերի 2002 թ.

Պետական գրանցման թիվ 10602194

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ

9 սեպտեմբերի 2002 թ. ք. Երևան

N 238-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ 2002 ԹՎԱԿԱՆԻ ՀՈՒՆՎԱՐԻ 31-Ի N 29 ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության գյուղատնտեսության նախարարության 31.01.2002 թ. N 29 հրամանով հաստատված «Հարկման նպատակով համախառն եկամտից նվազեցվող կոնյակի սպիրտների և կոնյակների գծով փաստացի կորստի (բնական կորստի) նորմաներ»-ում փոփոխություններ կատարելու նպատակով

ՀՐԱՄԱՅՈՒՄ ԵՄ՝

1. Հաստատել «Հայաստանի Հանրապետության գյուղատնտեսության նախարարության 31.01.2002 թ. N 29 հրամանով հաստատված «Հարկման նպատակով համախառն եկամտից նվազեցվող կոնյակի սպիրտների և կոնյակների գծով փաստացի կորստի (բնական կորստի) նորմաներ»-ում փոփոխություններ կատարելու մասին» գերատեսչական նորմատիվ ակտը:

2. Նախարարության սննդի և վերամշակող արդյունաբերության գլխավոր վարչությանը (Մ. Գրիգորյան)՝ յոթնօրյա ժամկետում «Հարկման նպատակով համախառն եկամտից նվազեցվող կոնյակի սպիրտների և կոնյակների գծով փաստացի կորստի (բնական կորստի) նորմաներում փոփոխություններ կատարելու մասին» գերատեսչական նորմատիվ ակտը ներկայացնել ՀՀ պետական եկամուտների նախարարություն՝ համաձայնեցման և ՀՀ արդարադատության նախարարություն՝ պետական գրանցման, համաձայն «Իրավական ակտերի մասին» ՀՀ օրենքի:

3. Սույն հրամանի կատարման հսկողությունը վերապահել նախարարի տեղակալ Լ. Ռուխկյանին:

Նախարար

Դ. Զադոյան

Համաձայնեցված է՝ ՀՀ պետական եկամուտների նախարարություն __ ________ 2002 թ.

Հաստատված է՝ ՀՀ գյուղատնտեսության նախարարության 9 սեպտեմբերի 2002 թ. N 238-Ն հրամանով

ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ 2002 թ. ՀՈՒՆՎԱՐԻ 31-Ի N 29 ՀՐԱՄԱՆՈՎ ՀԱՍՏԱՏՎԱԾ «ՀԱՐԿՄԱՆ ՆՊԱՏԱԿՈՎ ՀԱՄԱԽԱՌՆ ԵԿԱՄՏԻՑ ՆՎԱԶԵՑՎՈՂ ԿՈՆՅԱԿԻ ՍՊԻՐՏՆԵՐԻ ԵՎ ԿՈՆՅԱԿՆԵՐԻ ԳԾՈՎ ՓԱՍՏԱՑԻ ԿՈՐՍՏԻ (ԲՆԱԿԱՆ ԿՈՐՍՏԻ) ՆՈՐՄԱՆԵՐ»-ՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՀՀ գյուղատնտեսության նախարարության 2002 թվականի հունվարի 31-ի N 29 հրամանով հաստատված «Հարկման նպատակով համախառն եկամտից նվազեցվող կոնյակի սպիրտների և կոնյակների գծով փաստացի կորստի (բնական կորստի) նորմաներ»- ում կատարել հետևյալ փոփոխությունները՝

1. II գլխի 2-րդ կետը շարադրել հետևյալ խմբագրությամբ՝

«Կոնյակի սպիրտների առաջին և երկրորդ տարվա պահպանման և հասունացման ընթացքում ընդունված բնական կորուստների նորմաները բոլոր տեսակի տարաներում նվազում են երրորդ տարվա հասունացման համար 5%-ի, իսկ չորրորդ տարվա հասունացման համար10%-ի չափով: Հետագա տարիների հասունացման բնական կորուստները պահպանվում են չորրորդ տարվա կորուստի չափով:

Օրինակ՝ մինչև 70 դալ տարողությամբ կաղնե տակառում կոնյակի սպիրտի պահպանման և հասունացման ընթացքում բնական կորուստը կազմում է՝

-երրորդ տարվա համար՝	4,2- (4,2x 5)։ 100= 3,99%,
-չորրորդ տարվա համար՝	3.99-(3.99x10)։ 100= 3,59%,
-հինգերորդ տարվա համար՝	3.59%,
-վեցերորդ տարվա համար՝	3.59% և այլն:»,

2. V գլխի 3-րդ կետի ա) ենթակետի բանաձևում «1.7%»-ը, իսկ դրա մեկնաբանության մեջ «1.7»-ը փոխարինել «0.55»-ով: