Ելնելով «Հայաստանի Հանրապետության բյուջետային համակարգի մասին» օրենքի պահանջներից, արտասահմանում Հայաստանի Հանրապետության դիվանագիտական ներկայացուցչությունների և հյուպատոսական հիմնարկների ֆինանսավորման վերահսկելիությունը և ֆինանսական միջոցների բաշխման հավասարությունն ապահովելու նպատակով`

Հրամայում եմ`

Հաստատել արտասահմանում Հայաստանի Հանրապետության դիվանագիտական ներկայացուցչությունների և հյուպատոսական հիմնարկների ֆինանսավորման կարգը (կցվում է):

Նախարար`

Վ. Օսկանյան

Հաստատված է Հայաստանի Հանրապետության արտաքին գործերի նախարարի 2000 թ. սեպտեմբերի 1-ի N 571 հրամանով

Կ Ա Ր Գ

ԱՐՏԱՍԱՀՄԱՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԵՎ ՀՅՈՒՊԱՏՈՍԱԿԱՆ ՀԻՄՆԱՐԿՆԵՐԻ ՖԻՆԱՆՍԱՎՈՐՄԱՆ

1. Սույն կարգով կարգավորվում են արտասահմանում Հայաստանի Հանրապետության դիվանագիտական ներկայացուցչությունների և հյուպատոսական հիմնարկների ֆինանսավորման հետ կապված հարաբերությունները:

2. Արտասահմանում Հայաստանի Հանրապետության դիվանագիտական ներկայացուցչությունների և հյուպատոսական ֆինանսավորումն իրականացվում է պետական բյուջեի միջոցների հաշվին, իսկ օրենսդրությամբ սահմանված դեպքերում` նաև այլ միջոցների հաշվին:

3. «Հայաստանի Հանրապետության բյուջետային համակարգի մասին» օրենքի և «Պետական բյուջեի մասին» տվյալ տարվա օրենքի դրույթներից ելնելով` պետական բյուջեից Հայաստանի Հանրապետության դիվանագիտական ներկայացուցչությունների և հյուպատոսական հիմնարկների ֆինանսավորումն իրականացվում է ըստ բյուջեում դիվանագիտական ներկայացուցչության և հյուպատոսական հիմնարկի համար սահմանված տողի` բոլոր դիվանագիտական ներկայացուցչությունների և հյուպատոսական հիմնարկների համար ընդհանուր առաջնայնությամբ:

Բյուջեում նախատեսված տողով դիվանագիտական ներկայացուցչություններին և հյուպատոսական հիմնարկներին ֆինանսական հատկացումները կատարվում են ծախսային հետևյալ ուղղություններով.

դիվանագիտական ներկայացուցչությունների և հյուպատոսական հիմնարկների դիվանագիտական անձնակազմի աշխատավարձի վճարում.

բնակարանների և դեսպանությունների և հյուպատոսական հիմնարկների շենքերի վարձակալության ծախսեր.

այլ ծախսեր:

Արտասահմանում Հայաստանի Հանրապետության դիվանագիտական ներկայացուցչություններում և հյուպատոսական հիմնարկներում ֆինանսական միջոցների օգտագործման սահմանված կարգի անշեղորեն պահպանման պատասխանատվությունը կրում են դիվանագիտական ներկայացուցչությունների և հյուպատոսական հիմնարկների ղեկավարները:

Սույն կետի առաջին պարբերության դրույթները գործում են «Հայաստանի Հանրապետության 2001 թվականի պետական բյուջեի մասին» օրենքի ուժի մեջ մտնելու պահից:

4. Արտասահմանում Հայաստանի Հանրապետության դիվանագիտական ներկայացուցչությունների և հյուպատոսական հիմնարկների շենքերի և բնակարանների վարձակալության չափերը, կապիտալ ծախսերը համաձայնեցվում են արտաքին գործերի նախարարության հետ:

5. Արտասահմանում Հայաստանի Հանրապետության դիվանագիտական ներկայացուցչությունների և հյուպատոսական հիմնարկների ֆինանսական միջոցների բաշխման աշխատանքները կազմակերպում է համապատասխան դիվանագիտական ներկայացուցչության և հյուպատոսական հիմնարկի ֆինանսական և հաշվապահական գործառույթներ իրականացնող աշխատակիցը:

6. Արտասահմանում Հայաստանի Հանրապետության դիվանագիտական ներկայացուցչությունները և հյուպատոսական հիմնարկները երեք ամիսը մեկ անգամ Հայաստանի Հանրապետության արտաքին գործերի նախարարություն են ներկայացնում իրենց ֆինանսական գործունեության հետ կապված բոլոր փաստաթղթերի (բանկային հաշիվներ, ապահովագրական փաստաթղթեր, ներկայացուցչական ծախսեր, հեռախոսային խոսակցությունների հաշիվներ և այլն) պատճենները և կիսամյակային ֆինանսական հաշվետվությունները հավելվածում սահմանված ձևով (կցվում է):

7. Արտաքին գործերի նախարարությունը տարեկան երկու անգամ կազմակերպում և իրականացնում է դիվանագիտական ներկայացուցչությունների և հյուպատոսական հիմնարկների գործունեության ընթացիկ ստուգում` ըստ իր կողմից սահմանված կարգի:

8. Արտասահմանում Հայաստանի Հանրապետության դիվանագիտական ներկայացուցչությունների և հյուպատոսական հիմնարկների գույքագրումը, հյուպատոսական ծառայությունների համար գանձումները կանոնակարգվում են առանձին կարգերով:

Հավելված

Ձև 1

Հ Ա Շ Վ Ե Տ Վ ՈՒ Թ Յ ՈՒ Ն

 __________________________________ ՀՀ դեսպանության 2001 թ.

_________________ եռամսյակի ծախսերի նախահաշվի կատարման մասին

հազ. ամ. դոլար

Հոդված N/N ՀՈԴՎԱԾԻ ԱՆՎԱՆՈՒՄԸ ՊԼԱՆ ՄՈՒՏՔԵՐ ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ ԿԱՏԱՐՎԱԾ ԾԱԽՍԵՐ 1 2 3 4 5   ՄՆԱՑՈՐԴԸ ԵՌԱՄՍՅԱԿԻ ՍԿԶԲՈՒՄ       ՍՏԱՑՎԵԼ է ՀԱՇՎԵՏՈՒ ԵՌԱՄՍՅԱԿՈՒՄ, այդ թվում   - ՀՀ ԱԳՆ-ից     x - հյուպատոսական գանձումներից     x - նվիրատվություններից     x - այլ մուտքեր     x ՓԱՍՏԱՑԻ ԾԱԽՍՎԵԼ Է ՀԱՇՎԵՏՈՒ ԵՌԱՄՍՅԱԿՈՒՄ, այդ թվում 01 Աշխատավարձ, այդ թվում   x   - հաստիքային աշխատողների   x   - ոչ հաստիքային աշխատողների   x           02 Ծառայողական շենքի վարձակալում   x   Բնակարանի վարձակալում (բն.)   x   03 Պահպանման այլ ծախսեր, այդ թվում`   x   - գրասենյակային և տնտեսական ծախսեր   x   - գործուղման ծախսեր   x   - տրանսպորտի պահպանման ծախսեր   x   - կապի ծախսեր   x   - ծառայողական շենքի ապահովագրում   x   - տրանսպորտի ապահովագրություն   x   - բժշկական ապահովագրություն   x   - ծառայողական շենքի կոմունալ ծախսեր   x   -փոստային ծախսեր   x   - թերթերի բաժանորդագրում   x   - ներկայացուցչական ծախսեր   x     ԸՆԴԱՄԵՆԸ ՓԱՍՏԱՑԻ ԾԱԽՍԵՐ   x     ՄՆԱՑՈՐԴԸ ՀԱՇՎԵՏՈՒ ԵՌԱՄՍՅԱԿԻ ՎԵՐՋՈՒՄ   x

Կ. Տ.

ՀՀ ԴԵՍՊԱՆ _________________

 

Հավելված

Ձև 2

ՏԵՂԵԿԱՆՔ ՊԱՐՏՔԵՐԻ ՎԵՐԱԲԵՐՅԱԼ

 __________________________________ ՀՀ դեսպանության 2001 թ.

_________________________ եռամսյակի

հազ. ամ. դոլար

Հոդված N/N ՀՈԴՎԱԾԻ ԱՆՎԱՆՈՒՄԸ ՊԱՐՏՔԻ ԳՈՒՄԱՐԸ ՊԱՐՏՔԻ ՄԱՐՄԱՆ ԱՂԲՅՈՒՐԸ       ԲՅՈՒՋԵԻՑ ԱՅԼ ԱՂԲՅՈՒՐՆԵՐԻՑ 1 2 3 4 5 ՊԱՐՏՔԵՐԸ ՀԱՇՎԵՏՈՒ ԺԱՄԱՆԱԿԱՇՐՋԱՆԻ ՍԿԶԲՈՒՄ       01 Աշխատավարձ, այդ թվում         - հաստիքային աշխատողների         - ոչ հաստիքային աշխատողների       02 Ծառայողական շենքի վարձակալում       Բնակարանի վարձակալում (բն.)       03 Պահպանման այլ ծախսեր, այդ թվում`         - գրասենյակային և տնտեսական ծախսեր         - գործուղման ծախսեր         - տրանսպորտի պահպանման ծախսեր         - կապի ծախսեր         - ծառայողական շենքի ապահովագրում     •   - տրանսպորտի ապահովագրություն         - բժշկական ապահովագրություն         - ծառայողական շենքի կոմունալ ծախսեր         - փոստային ծախսեր         - թերթերի բաժանորդագրում         - ներկայացուցչական ծախսեր

Կ. Տ.

ՀՀ ԴԵՍՊԱՆ _________________

Գրանցված է
Հայաստանի Հանրապետության
արդարադատության նախարարության կողմից
27 սեպտեմբերի 2000 թ.
Պետական գրանցման թիվ 10400088