ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Կ Ա Ր Գ Ա Դ Ր ՈՒ Թ Յ ՈՒ Ն
|
16 փետրվարի 2018 թվականի |
թիվ 2 |
քաղ. Մոսկվա |
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ 2016 ԹՎԱԿԱՆԻ ՀՈԿՏԵՄԲԵՐԻ 18-Ի ԹԻՎ 32 ԿԱՐԳԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական միջկառավարական խորհրդի 2016 թվականի ապրիլի 13-ի «Եվրասիական տեխնոլոգիական հարթակների ձևավորման և գործառման վերաբերյալ հիմնադրույթը հաստատելու մասին» թիվ 2 որոշման 3-րդ կետի իրականացման նպատակով`
1. Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի «Եվրասիական տեխնոլոգիական առաջնահերթ հարթակների ձևավորման մասին» թիվ 32 կարգադրության մեջ կատարել փոփոխություններ՝ համաձայն հավելվածի:
2. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից:
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից` |
|
Վ. Գաբրիելյան |
Վ. Մատյուշևսկի |
Ա. Մամին |
Ս. Մուկանբետով |
Ի. Շուվալով |
|
ՀԱՎԵԼՎԱԾ Եվրասիական տնտեսական հանձնաժողովի խորհրդի 2018 թվականի փետրվարի 16-ի թիվ 2 որոշման |
ՓՈՓՈԽՈՒԹՅՈՒՆՆԵՐ
Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 32 կարգադրության մեջ կատարվող
1. 2-րդ կետում «13» թիվը փոխարինել «14» թվով։
2. Նշված կարգադրության թիվ 1 հավելվածում՝
ա) առաջին սյունակը լրացնել հետևյալ բովանդակությամբ 10-րդ դիրքով՝
«10. Արդյունաբերական տեխնոլոգիաներ»,
բ) երկրորդ սյունակը լրացնել հետևյալ բովանդակությամբ 13-րդ դիրքով՝
«13. Շինարարական ինդուստրիայի ապահովման արդյունաբերական տեխնոլոգիաներ»։
3. Նշված կարգադրության թիվ 13 հավելվածի համարակալված վերնագիրը շարադրել հետևյալ խմբագրությամբ. «Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 32 կարգադրության թիվ 13 հավելված»։
5. Լրացնել հետևյալ բովանդակությամբ թիվ 14 հավելվածով՝
|
«ՀԱՎԵԼՎԱԾ ԹԻՎ 14 Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 32 կարգադրության |
ԱՆՁՆԱԳԻՐ
«Շինարարական ինդուստրիայի ապահովման արդյունաբերական տեխնոլոգիաներ» եվրասիական տեխնոլոգիական հարթակի
1. Հիմնադիրները՝
«Ցեմենտ արտադրողների միություն» ոչ առևտրային կազմակերպություն «ՍՈՅՈՒԶՑԵՄԵՆՏ» ՈԱԿ» (քաղ. Մոսկվա, Ռուսաստանի Դաշնություն),
Հայաստանի ինովացիոն և արդյունաբերական զարգացման հիմնադրամ (քաղ. Երևան, Հայաստանի Հանրապետություն),
«Բելստրոյցենտր» ինժեներական հանրապետական ունիտար ձեռնարկություն (քաղ. Մինսկ, Բելառուսի Հանրապետություն),
Ղրղզստանի Ի. Ռազզակովի անվան պետական տեխնիկական համալսարան (քաղ. Բիշքեկ, Ղրղզստանի Հանրապետություն)։
2. Նպատակները՝
Եվրասիական տնտեսական միության անդամ պետությունների (այսուհետ` անդամ պետություններ) փոխգործակցության արդյունավետության բարձրացում՝ շինարարական ոլորտում և շինանյութերի արդյունաբերության մեջ արդյունաբերական ու գիտատեխնիկական ներուժն օգտագործելու մասով.
անդամ պետությունների շուկաներում և համաշխարհային շուկայում նորարարական տեխնոլոգիաների և մրցունակ արտադրանքի ստեղծում ու առաջմղում.
արդյունաբերական և գիտատեխնիկական ներուժի բարձրացում, անդամ պետությունների նորարարական զարգացման արագացում՝ շինարարության տեխնոլոգիաների արդյունավետ օգտագործման և շինանյութերի արտադրության հիման վրա.
պետության, բիզնեսի, գիտության, հասարակական կազմակերպությունների ջանքերի ու ռեսուրսների համակցում և համակարգում՝ դրանց հիման վրա շինարարության հեռանկարային տեխնոլոգիաների ու շինանյութերի արտադրության, բարձր տեխնոլոգիական և մրցունակ արտադրանքի ու ծառայությունների ստեղծման և ներդրման գործում.
անդամ պետությունների տեխնոլոգիական, կազմակերպական և կառավարչական ռեսուրսների համախմբում՝ բարձր տեխնոլոգիական արտադրանքի համաշխարհային շուկա մուտք գործելուն աջակցելու նպատակով, անդամ պետությունների գլոբալ մրցունակության բարձրացում:
սպառողական շուկայի ձևավորում, անդամ պետությունների տնտեսավարող սուբյեկտների միջազգային և միջճյուղային համագործակցության և առևտրային կապերի զարգացում՝ շինարարության հեռանկարային տեխնոլոգիաների ստեղծման և ներդրման ու նոր շինանյութերի ստացման նպատակներով:
3. Խնդիրները՝
մրցունակ արտադրանքի ստեղծում.
անդամ պետությունների տնտեսությունների իրական հատվածի՝ նոր տեխնոլոգիաների և նյութերի տրամադրման կարիքի որոշում.
ստանդարտների միասնական քաղաքականության մշակում՝ նոր նյութերի մասով ստանդարտների, տեխնիկական պայմանների և տեխնիկական պահանջների ձևավորման հիման վրա.
անդամ պետությունների՝ նորարարական մշակումներ օգտագործող տնտեսավարող սուբյեկտների մասնակցությամբ՝ համատեղ ձեռնարկությունների ստեղծում.
անդամ պետությունների գիտատեխնիկական և նորարարական համագործակցության արդյունքների դիտանցման իրականացում:
4. Գործունեության հիմնական ուղղությունները՝
շինարարական ոլորտի և շինանյութերի արդյունաբերության արտադրական ներուժի բարձրացում՝ արտադրության տեխնիկական վերազինման և արդիականացման, ճեղքումային տեխնոլոգիաների ներդրման և նոր բարձր արտադրողական արտադրությունների ստեղծման հիման վրա.
մրցունակության բարձրացում և գիտատար արտադրանքի թողարկման ծավալների ավելացում՝ տնտեսության առաջնահերթ ճյուղերի և բնակչության համար.
աշխատանքային ռեսուրսների վերարտադրության, աշխատողների, մենեջերների և ղեկավար կադրերի պատրաստման ու վերապատրաստման համակարգերի զարգացում.
նոր շինանյութերի, արտադրատեսակների և կոնստրուկցիաների ստացման տեխնոլոգիաների զարգացում։»։
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|