ԿՈԼԵԳԻԱ

«ԳՅՈՒՂԱՏՆՏԵՍՈՒԹՅԱՆ ՆՊԱՏԱԿՆԵՐՈՎ ՄԵՔԵՆԱՆԵՐԻ ԵՎ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ՈԼՈՐՏՈՒՄ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՀԱՆՁՆԱՐԱՐԱԿԱՆԻ ՆԱԽԱԳԾԻ ՄԱՍԻՆ

1. Հավանություն տալ «Գյուղատնտեսության նպատակներով մեքենաների և սարքավորումների արտադրության ոլորտում Եվրասիական տնտեսական միության անդամ պետությունների համագործակցության զարգացման մասին» Եվրասիական տնտեսական հանձնաժողովի խորհրդի հանձնարարականի նախագծին (կցվում է) և այն ներկայացնել Եվրասիական տնտեսական հանձնաժողովի խորհրդի քննարկմանը:

2. Սույն Կարգադրությունն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Վ. Խրիստենկո

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

 ԽՈՐՀՈՒՐԴ

ՀԱՆՁՆԱՐԱՐԱԿԱՆ

14 ապրիլի 2015 թվականի

թիվ 26

քաղ. Մոսկվա

ԳՅՈՒՂԱՏՆՏԵՍՈՒԹՅԱՆ ՆՊԱՏԱԿՆԵՐՈՎ ՄԵՔԵՆԱՆԵՐԻ ԵՎ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ՈԼՈՐՏՈՒՄ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ

Եվրասիական տնտեսական հանձնաժողովի խորհուրդը, հիմնվելով Եվրասիական տնտեսական միության անդամ պետություններում (այսուհետ՝ անդամ պետություններ) գյուղատնտեսության նպատակներով մեքենաների և սարքավորումների արտադրության վիճակի վերլուծության արդյունքների վրա, հաշվի առնելով արդյունաբերական արտադրության զարգացման, անդամ պետությունների արդյունաբերական կոոպերացիայի խորացման, գիտատեխնիկական ու նորարարական համագործակցության, գյուղատնտեսության նպատակներով մեքենաների և սարքավորումների մրցունակության բարձրացման ու բարեխիղճ մրցակցության զարգացման համար պայմաններ ստեղծելու կարևորությունը,

«Արդյունաբերական համագործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 27 հավելված) 2-րդ կետի 2-րդ ենթակետի երկրորդ պարբերությանը համապատասխան,

հանձնարարում է անդամ պետություններին սույն Հանձնարարականի պաշտոնական հրապարակման օրվանից՝

Եվրասիական տնտեսական հանձնաժողովի համակարգմամբ գյուղատնտեսության նպատակներով մեքենաների և սարքավորումների արտադրության ոլորտում իրականացնել համագործակցություն՝ ըստ հավելվածով սահմանված միջոցառումների ցանկի.

նշված համագործակցությունն իրականացնելու նպատակով մինչև 2015 թվականի դեկտեմբերի 1–ը Եվրասիական տնտեսական հանձնաժողով ներկայացնել իրավական ակտերի նախագծերի մշակմանն առնչվող առաջարկներ:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշեւսկի	Բ. Սագինտաեւ	Ի. Շուվալով

ՀԱՎԵԼՎԱԾ