Գլխավոր տեղեկություն

Номер

ՀՕ-58-Ն

Տիպ

Օրենք

Тип

Ինկորպորացիա (01.07.2014-01.07.2018)

Статус

Գործողությունը դադարեցված է

Первоисточник

ՀՀՊՏ 2014.06.30/34(1047) Հոդ.517

Принят

ՀՀ Ազգային ժողով

Дата принятия

11.06.2014

Подписан

ՀՀ Նախագահ

Дата подписания

25.06.2014

Дата вступления в силу

01.07.2014

Ուժը կորցնելու ամսաթիվ

01.07.2018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2014 թվականի հունիսի 11-ին

«ԴԱՏԱԿԱՆ ԾԱՌԱՅՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Դատական ծառայության մասին» Հայաստանի Հանրապետության 2006 թվականի հուլիսի 7-ի ՀՕ-159-Ն օրենքի (այսուհետ՝ Օրենք) 25-րդ հոդվածի 1-ին մասում «տարին մեկ անգամ» բառերը փոխարինել «յուրաքանչյուր կիսամյակ» բառերով, իսկ «տարեկան» բառը` «կիսամյակային» բառով:

Հոդված 2. Օրենքի 33-րդ հոդվածում՝

1) 1-ին մասի «Դատական ծառայողների վարձատրության մասին» բառերը փոխարինել «Պետական պաշտոններ զբաղեցնող անձանց վարձատրության մասին» բառերով.

2) 2-րդ և 3-րդ մասերն ուժը կորցրած ճանաչել։

Հոդված 3. Օրենքի 37-րդ հոդվածի 1-ին մասը «տեսակներ:» բառից հետո լրացնել հետևյալ բովանդակությամբ նոր նախադասությունով. «Ընդ որում, դատական ծառայողի նկատմամբ որպես խրախուսանքի տեսակ դրամական պարգևատրումը կիրառվում է «Պետական պաշտոններ զբաղեցնող անձանց վարձատրության մասին» Հայաստանի Հանրապետության օրենքով սահմանված պահանջներին համապատասխան:»:

Հոդված 4. Օրենքի 42-րդ հոդվածից հանել «Սույն օրենքի 33-րդ հոդվածն ուժի մեջ է մտնում 2007 թվականի հունվար ամսվա առաջին աշխատանքային օրվանից: Մինչև «Դատական ծառայողի վարձատրության մասին» Հայաստանի Հանրապետության օրենքի ընդունումը դատական ծառայողների վարձատրությունն իրականացվում է «Քաղաքացիական ծառայողների վարձատրության մասին» Հայաստանի Հանրապետության օրենքով սահմանված կարգով:» նախադասությունները:

Հոդված 5. Սույն օրենքն ուժի մեջ է մտնում 2014 թվականի հուլիսի 1-ից:

Հայաստանի Հանրապետության
Նախագահ
Ս. Սարգսյան

2014 թ. հունիսի 25

Երևան

ՀՕ-58-Ն