ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2011 թվականի հունիսի 23-ին
«ԵՐԵՎԱՆ ՔԱՂԱՔՈՒՄ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Երևան քաղաքում տեղական ինքնակառավարման մասին» Հայաստանի Հանրապետության 2008 թվականի դեկտեմբերի 26-ի ՀՕ-5-Ն օրենքի (այսուհետ` Օրենք) 12-րդ հոդվածի 1-ին մասում`
1) 19-րդ կետը շարադրել հետևյալ խմբագրությամբ.
«19) որոշում է ընդունում Երևան քաղաքի գլխավոր հատակագծի, դրա փոփոխությունների, ինչպես նաև նախագծման առաջադրանքի վերաբերյալ.».
2) 20-րդ կետը «նախագծերի» բառից հետո լրացնել «, ինչպես նաև նախագծման առաջադրանքի» բառերով.
3) լրացնել հետևյալ բովանդակությամբ 20.1-ին կետով.
«20.1) որոշում է ընդունում հողամասերի նպատակային նշանակության փոփոխության մասին.»:
Հոդված 2. Օրենքի 53-րդ հոդվածի 1-ին մասում`
1) 9-րդ կետը շարադրել հետևյալ խմբագրությամբ.
«9) Երևան քաղաքի գլխավոր հատակագծի և դրա փոփոխությունների, ինչպես նաև նախագծման առաջադրանքի նախագծերը` Հայաստանի Հանրապետության օրենսդրությամբ սահմանված կարգով.».
2) 10-րդ կետը «գոտիավորման» բառից հետո լրացնել «, ինչպես նաև նախագծման առաջադրանքի» բառերով.
3) լրացնել հետևյալ բովանդակությամբ 11-րդ կետով.
«11) հողամասերի նպատակային նշանակության փոփոխության մասին նախագծերը` Հայաստանի Հանրապետության օրենսդրությամբ սահմանված կարգով և դեպքերում:»:
Հոդված 3. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Ս. Սարգսյան |
|
2011 թ. հուլիսի 13 |