ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2011 թվականի մայիսի 11-ին

«ԿՐԹՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Կրթության մասին» Հայաստանի Հանրապետության 1999 թվականի ապրիլի 14-ի ՀՕ-297 օրենքի (այսուհետ` Օրենք) 37-րդ հոդվածի 4-րդ ենթակետից հանել «և պետական հավատարմագրումը» բառերը:

Հոդված 2. Օրենքի 42-րդ հոդվածում`

1) 2-րդ կետի «և ժամկետները» բառերը փոխարինել «և հավատարմագրի գործողության ժամկետները» բառերով.

2) 3-րդ կետը շարադրել հետևյալ խմբագրությամբ.

«3. Անկախ մասնագիտական ուսումնական հաստատության գերատեսչական ենթակայությունից և կազմակերպաիրավական ձևից` պետական հավատարմագրումն իրականացվում է Հայաստանի Հանրապետության կառավարության սահմանած կարգով:».

3) 4-րդ կետի 2-րդ ենթակետը ուժը կորցրած ճանաչել.

4) 7-րդ կետը շարադրել հետևյալ խմբագրությամբ.

«7. Ուսումնական հաստատությունների, դրանց մասնագիտությունների հավատարմագրումն իրականացվում է առանձին փուլերով՝ ըստ կրթական ծրագրերի:»:

Հոդված 3. Օրենքի 43-րդ հոդվածում`

1) 1-ին կետը շարադրել հետևյալ խմբագրությամբ.

 «1. Ուսումնական հաստատությունների լիցենզավորման համար եզրակացություն տալու նպատակով կրթության պետական կառավարման լիազորված մարմինն ստեղծում է լիցենզավորման ծառայություն:».

2) 2-րդ, 3-րդ, 4-րդ, 5-րդ և 6-րդ կետերը ուժը կորցրած ճանաչել:

Հոդված 3. Սույն օրենքն ուժի մեջ է մտնում պաշտոնական հրապարակմանը հաջորդող օրվանից: