ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2011 թվականի մայիսի 23-ին

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. Վարչական իրավախախտումների վերաբերյալ Հայաստանի Հանրապետության 1985 թվականի դեկտեմբերի 6-ի օրենսգրքի (այսուհետ` Օրենսգիրք) 88-րդ հոդվածում`

1) 1-ին մասի սանկցիայի «երեսնապատիկից մինչև հիսնապատիկի» բառերը փոխարինել «յոթանասունապատիկից մինչև հարյուրքառասունապատիկի» բառերով, իսկ «հիսնապատիկից մինչև հարյուրապատիկի» բառերը` «հարյուրապատիկից մինչև երկուհարյուրապատիկի» բառերով.

2) 2-րդ մասի սանկցիայի «հիսնապատիկից մինչև ութսունապատիկի» բառերը փոխարինել «հարյուրհիսնապատիկից մինչև երկուհարյուրհիսնապատիկի» բառերով, իսկ «հարյուրապատիկից մինչև հարյուրհիսնապատիկի» բառերը` «հարյուրյոթանասունապատիկից մինչև երկուհարյուրհիսնապատիկի» բառերով։

Հոդված 2. Օրենսգրքի 89-րդ հոդվածի սանկցիայում «երեսնապատիկից մինչև հիսնապատիկի» բառերը փոխարինել «հիսնապատիկից մինչև հարյուրապատիկի» բառերով, իսկ «ութսունապատիկից մինչև հարյուրապատիկի» բառերը` «հարյուրապատիկից մինչև երկուհարյուրապատիկի» բառերով։

Հոդված 3. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը։

Հայաստանի Հանրապետության Նախագահ	Ս. Սարգսյան
2011 թ. հունիսի 15 Երևան ՀՕ-178-Ն