ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 հուլիսի 1994 թ. N 307

քաղ. Երևան

ՕՊԵՐԱՏԻՎ ԿԱՌԱՎԱՐՄԱՆ ՍԵՎԱՆԻ ՏԱՐԱԾԱՇՐՋԱՆԱՅԻՆ ՇՏԱԲԻ ՄԱՍԻՆ

Սևանի տարածաշրջանում իրավիճակի կայունացման կապակցությամբ Հայաստանի Հանրապետության կառավարությունը որոշում է.

1. Հաստատել օպերատիվ կառավարման Սևանի տարածաշրջանային շտաբի կազմը.

Ա. Գոմցյան		- ՀՀ կառավարությանն առընթեր «Հայբնակկոմտնտ» ՀՄ-ի նախագահ (շտաբի պետ)
Լ. Նազարյան		- ՀՀ կառավարության գործերի կառավարչության տասներորդ վարչության պետի տեղակալ (շտաբի պետի տեղակալ)
Ս. Բարսեղյան		- պատգամավորների Վարդենիսի շրջխորհրդի գործկոմի նախագահ
Վ. Գասպարյան		- ՀՀ ներքին գործերի նախարարության Սևանի տարածաշրջանային վարչության պետ
Մ. Գրիգորյան		- ՀՀ գլխավոր դատախազի առաջին տեղակալ
Գ. Խաչատրյան		- պատգամավորների Հրազդանի քաղխորհրդի գործկոմի նախագահ
Վ. Հակոբյան		- պատգամավորների Կամոյի շրջխորհրդի գործկոմի նախագահ
Վ. Հարությունյան		ՀՀ վարչապետի խորհրդական
Գ. Հովեյան		- պատգամավորների Կամոյի քաղխորհրդի գործկոմի նախագահ
Ռ. Ղուկասյան		- պատգամավորների Սևանի քաղխորհրդի գործկոմի նախագահ
Ք. Մանուկյան		- պատգամավորների Հրազդանի շրջխորհրդի գործկոմի նախագահ
Հ. Սահակյան		- պատգամավորների Մարտունու շրջխորհրդի գործկոմի նախագահ
Զ. Սարգսյան		- պատգամավորների Կրասնոսելսկի շրջխորհրդի գործկոմի նախագահ
Դ. Սիմոնյան		- պատգամավորների Սևանի շրջխորհրդի գործկոմի նախագահ
Ռ. Քրմոյան		- ՀՀ տրանսպորտի և հաղորդակցության նախարարի տեղակալ

2. Օպերատիվ կառավարման Սևանի տարածաշրջանային շտաբին` շարունակել տարածաշրջանի պաշտպանության ամրապնդման գործում Հայաստանի Հանրապետության նախարարությունների, պետական վարչությունների, գերատեսչությունների, պատգամավորների տեղական խորհուրդների գործկոմների փոխհամաձայնեցված մասնակցությունն ապահովելու աշխատանքները:

3. Հայաստանի Հանրապետության նախարարություններին, պետական վարչություններին, գերատեսչություններին, Սևանի տարածաշրջանի պատգամավորների տեղական խորհուրդների գործկոմներին` օպերատիվ կառավարման Սևանի տարածաշրջանային շտաբին ցույց տալ անհրաժեշտ աջակցություն նրա առջև դրված խնդիրների լուծման, ստեղծված իրավիճակին համապատասխան տարածաշրջանի բնակավայրերում հասարակական պատշաճ կարգուկանոնի հաստատման գործում,

4. Պատգամավորների Վարդենիսի շրջխորհրդի գործկոմին` ստեղծել անհրաժեշտ պայմաններ օպերատիվ կառավարման Սևանի տարածաշրջանային շտաբի գործունեության համար նրա նստավայրում` Վարդենիս քաղաքատիպ անվանում:

5. Ուժը կորցրած ճանաչել Հայաստանի Հանրապետության կառավարության 1994 թվականի փետրվարի 7-ի «Օպերատիվ կառավարման Սևանի տարածաշրջանային շտաբ ստեղծելու մասին» N 69 որոշումը:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ