ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 մայիսի 1993 թ. N 249

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱԳՐԱՐԱՅԻՆ ՌԵՖՈՐՄԻ ԵՎ ՍԵՓԱԿԱՆԱՇՆՈՐՀՄԱՆ ՈՒՂՂՈՒԹՅԱՄԲ ԻՐԱԿԱՆԱՑՎՈՂ ԱՇԽԱՏԱՆՔՆԵՐԻ ՄԱՍԻՆ

Նկատի ունենալով, որ Հայաստանի Հանրապետության Գերագույն խորհրդի 1991 թվականի փետրվարի 4-ի «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքը կիրարկելու մասին» որոշմանը համապատասխան ագրարային ռեֆորմի և սեփականաշնորհման շրջանային ու տեղական հանձնաժողովների իրավասությունները վերապահվել են պատգամավորների համապատասխան տեղական խորհուրդներին, ինչպես նաև հաշվի առնելով «Պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» Հայաստանի Հանրապետության օրենքով նախատեսված Հայաստանի Հանրապետության նախարարությունների և գերատեսչությունների կողմից սեփականաշնորհման և ապապետականացման ուղղությամբ կատարվելիք աշխատանքները, Հայաստանի Հանրապետության կառավարությունը որոշում է.

 1. Հայաստանի Հանրապետությունում ագրարային ռեֆորմի և սեփականաշնորհման ուղղությամբ իրականացվող աշխատանքների օպերատիվ ղեկավարումն ու վերահսկողությունը, ինչպես նաև ռեֆորմին առնչվող օրենսդրական ակտերի նախագծերի մշակման կազմակերպումն ու կոորդինացումը դնել Հայաստանի Հանրապետության գյուղատնտեսության նախարարության վրա:

2. Հայաստանի Հանրապետության կառավարության ագրարային ռեֆորմի և սեփականաշնորհման կենտրոնական պետական հանձնաժողովի աշխատակազմի հիման վրա ստեղծել Հայաստանի Հանրապետության գյուղատնտեսության նախարարության ագրարային ռեֆորմի և սեփականաշնորհման գլխավոր վարչություն:

3. Հայաստանի Հանրապետության կառավարության 1992 թվականի մարտի 16-ի «Հայաստանի Հանրապետության գյուղատնտեսության նախարարության մասին» N 155 որոշման 2-րդ կետը շարադրել հետևյալ խմբագրությամբ`

«2. Թույլատրել Հայաստանի Հանրապետության գյուղատնտեսության նախարարությանն ունենալ նախարարի հինգ տեղակալ, այդ թվում` մեկ առաջին տեղակալ, և 13 անդամից բաղկացած կոլեգիա»:

4. Հայաստանի Հանրապետության գյուղատնտեսության նախարարության կենտրոնական ապարատի աշխատողների աշխատանքի վարձատրության տարեկան ֆոնդն ավելացնել 3339,0 հազար ռուբլով:

5. Հանձնարարել Հայաստանի Հանրապետության գյուղատնտեսության նախարարությանը` պատգամավորների շրջանային խորհուրդների գործադիր կոմիտեների գյուղվարչությունների կազմում կառավարության լիազոր ներկայացուցչի պաշտոնը վերանվանել ագրարային ռեֆորմի և սեփականաշնորհման գծով գյուղվարչության պետի տեղակալ:

6. Հայաստանի Հանրապետության կառավարության ագրարային ռեֆորմի և սեփականաշնորհման կենտրոնական պետական հանձնաժողովի աշխատակազմի ֆունկցիաները Հայաստանի Հանրապետության գյուղատնտեսության նախարարության վրա դնելու կապակցությամբ ստեղծել հանձնման-ընդունման հանձնաժողով հետևյալ կազմով`

Ա. Հյուսիսյան		- ՀՀ կառավարության գործերի կառավարչի առաջին տեղակալ
Վ. Աբրահամյան		- ՀՀ գյուղատնտեսության նախարարի առաջին տեղակալ
Մ. Ազարյան		- ՀՀ կառավարության ագրարային ռեֆորմի և սեփականաշնորհման կենտրոնական պետական հանձնաժողովի աշխատակազմի ղեկավար
Ս. Չարյան		- ՀՀ գյուղատնտեսության նախարարության գործերի կառավարիչ

7. Ուժը կորցրած ճանաչել Հայաստանի Հանրապետության Նախարարների խորհրդի 1991 թվականի հունվարի 22-ի «Հայաստանի Հանրապետության նախարարների խորհրդի հողային ռեֆորմի և սեփականաշնորհման կենտրոնական պետական հանձնաժողովի և նրա աշխատանքային ապարատի ստեղծման մասին» N 43, Հայաստանի Հանրապետության կառավարության 1992 թվականի հունվարի 30-ի «Հայաստանի Հանրապետության կառավարության ագրարային ռեֆորմի և սեփականաշնորհման կենտրոնական պետական հանձնաժողովի կազմը հաստատելու մասին» N 70 և 1992 թվականի հունվարի 30-ի «Հայաստանի Հանրապետության կառավարության ագրարային ռեֆորմի և սեփականաշնորհման կենտրոնական պետական հանձնաժողովի աշխատակազմ ստեղծելու մասին» N 71 որոշումները:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ա. ԽԱՉԱՏՐՅԱՆ