Գլխավոր տեղեկություն
Номер
N 24
Տիպ
Որոշում
Тип
Исходный акт (-по сей день)
Первоисточник
ՀՀԿՈ 1993/3-4, մարտ, ապրիլ 1993
Принят
ՀՀ կառավարություն
Дата принятия
30.01.1993
Подписан
ՀՀ վարչապետ ՀՀ կառավարության գործերի կառավարչի պաշտոնակատար

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

  

Ո Ր Ո Շ ՈՒ Մ

 

30 հունվարի 1993 թ. N 24

Քաղ. Երևան

 

ՀԱՅԱՍՏԱՆԻ ՈՒՍԱՆՈՂԱԿԱՆ ՋՈԿԱՏՆԵՐԻ ԽՆԴԻՐՆԵՐԻ ՄԱՍԻՆ

 

Հաշվի առնելով, որ Հանրապետական ուսանողական ջոկատը (ՀՈՒՋ) գործուն մասնակցություն է ցույց տալիս աղետի գոտու վերականգնման և հանրապետության առջև ծառացած այլ խնդիրների լուծման գործում, ունի ամուր կապեր և համատեղ գործունեության լայն հեռանկարներ կամավորական աշխատանքի արտասահմանյան բազմաթիվ կազմակերպությունների, ինչպես նաև ՅՈՒՆԵՍԿՕ-ի, ՄԱԿ-ի համապատասխան հանձնաժողովների ու կոմիտեների հետ և բնակչության զբաղվածության, աշխատանք փնտրելու, այդ թվում` նաև հանրապետությունից դուրս, երիտասարդության սոցիալական վիճակը բարելավելու լայն հնարավորություններ, Հայաստանի Հանրապետության կառավարությունը որոշում է.

1. Ուսանողական ջոկատների հանրապետական շտաբին՝

ա) յուրաքանչյուր տարի կազմավորել մինչև 5 հազար հոգուց բաղկացած ուսանողական ջոկատներ՝ աղետի գոտում և հանրապետության կարևորագույն կառույցներում շինարարական և վերականգնողական աշխատանքների իրականացման, փայտի կուտակման, բնապահպանական գործունեության, գյուղատնտեսական մթերքների բերքահավաքի և վերամշակման, ինչպես նաև այն ձեռնարկություններում և կազմակերպություններում աշխատելու համար, որտեղ էներգետիկական ճգնաժամի պատճառով ձեռքի աշխատանքների ծավալը զգալիորեն մեծացել է.

բ) Հայաստանի Հանրապետության շինարարության նախարարության, պատգամավորների Գյումրիի և Սպիտակի քաղաքային խորհուրդների գործկոմների հետ համատեղ լուծել նշված քաղաքներում միջազգային ճամբարների ստեղծման հարցը.

գ) մրցութային սկզբունքով ընտրել առավել արժանի 20 ուսանող՝ Արևմտյան Եվրոպայի միջազգային երիտասարդական ճամբարներում աշխատելու համար, ինչպես նաև ընդլայնել կապերը միջազգային երիտասարդական և աշխատանքի կամավորական կազմակերպությունների հետ` պայմանագրային հիմունքներով հայ ուսանողությանը արտասահման կարճատև աշխատանքի ուղարկելու համար.

դ) աղետի գոտու պատգամավորների քաղխորհուրդների, շրջխորհուրդների գործկոմների հետ համատեղ կատարեք արտասահմանից եկած կամավորների լբերած օգնության բաշխումն առավել տուժած և կարիքավոր բնակիչների շրջանում, անհրաժեշտ օժանդակություն ցուցաբերել որբերին և հաշմանդամներին օգնել ցանկացող արտասահմանցիներին.

ե) ելնելով նոր պայմաններից և խնդիրներից, մեկամսյա ժամկետում Հայաստանի Հանրապետության կառավարության հաստատմանը ներկայացնել հանրապետական ուսանողական ջոկատի նոր կանոնադրությունը։

2. Ուսանողական ջոկատներն ընդունող նախարարություններին և գերատեսչություններին`

ա) ժամանակին ապահովել կազմակերպությունների կողմից ջոկատների ընդունման նպատակով հայտերի ներկայացումը և պայմանագրերի կնքումը.

բ) ուսանողական ջոկատներն ապահովել աշխատանքի, կենցաղի և հանգստի համար անհրաժեշտ բոլոր պայմաններով։

3. Հայաստանի Հանրապետության աշխատանքի և սոցիալական ապահովության նախարարությանը` ուսանողական ջոկատների հանրապետական շտաբի ու Հայաստանի Հանրապետության բարձրագույն կրթության և գիտության նախարարության հետ համատեղ երկամսյա ժամկետում Հայաստանի Հանրապետության կառավարություն ներկայացնել համապատասխան առաջարկություններ՝ կարիքավոր ուսանողներին հերթափոխային և կարճաժամկետ արտաժամյա աշխատանքներում ընդգրկելու վերաբերյալ։

4. Հայաստանի Հանրապետության բարձրագույն կրթության և գիտության նախարարությանը, բուհերի ռեկտորատներին և միջնակարգ-մասնագիտական ուսումնական հաստատությունների տնօրեններին`

ա) ուսանողական ջոկատների հանրապետական շտաբի հետ համատեղ ջոկատների աշխատանքներում առաջին հերթին ընդգրկել նյութապես առավել վատ ապահովված ուսանողների.

բ) անհրաժեշտության դեպքում պրակտիկան համատեղել ուսանողական ջոկատների աշխատանքների հետ, կազմակերպել ուսանողական ջոկատների անդամների քննությունների արտահերթ հանձնումը։

5. Հայաստանի Հանրապետության առևտրի նախարարությանը և Հայկոոպի վարչությանը՝ կազմակերպել ուսանողական ջոկատների անդամների և միջազգային ճամբարների ուսանողական սնունդը։

6. Հայաստանի Հանրապետության արտաքին գործերի նախարարությանը և ներքին գործերի նախարարությանը՝ ձևակերպել արտասահման (միջազգային և այլ ճամբարներ) մեկնող Հայաստանի ուսանողների և երիտասարդների ելքի փաստաթղթերը և աշխատանքի ու մարդասիրական օգնության համար աղետի գոտի ժամանող արտասահմանցի ուսանողների և երիտասարդների մուտքի փաստաթղթերը։

7. Հայաստանի Հանրապետության կառավարությանն առընթեր ավիացիայի գլխավոր վարչությանը և Հայաստանի Հանրապետության երկաթգծին՝ ապահովել Հայաստանից ուսանողների տեղափոխումը։

8. Սահմանել, որ շինարարներին օժանդակության և մարդասիրական օգնության համար արտասահմանից ուսանողական ջոկատների հանրապետական շտաբի հրավերով ժամանած ուսանողական և երիտասարդական խմբերի անդամներն աշխատանքների ավարտից հետո Երևանից Մոսկվա և նախկին ԽՍՀՄ այլ տարանցիկ վայրերով վերադարձի ճանապարհածախսը մուծում են ռուբլով։

9. Հայաստանի Հանրապետության տրանսպորտի և հաղորդակցության նախարարությանը՝ ուսանողական ջոկատների անդամներին ապահովել ավտոբուսներով, իսկ միջազգային ճամբարների անդամներին՝ անհրաժեշտ բոլոր փոխադրամիջոցներով։

10. Օպերատիվ կառավարման հանրապետական շտաբին և Հայաստանի Հանրապետության էներգետիկայի և վառելիքի նախարարությանը՝ ուսանողական ջոկատների հանրապետական շտաբն ապահովել վառելանյութով ըստ նորմաների։

11. Հայաստանի Հանրապետության առողջապահության նախարարությանը` իրականացնել վերահսկողություն ջոկատների ուսանողների առողջական և ճամբարների սանիտարական վիճակի նկատմամբ։

12. Հայաստանի Հանրապետության ֆինանսների նախարարությանը՝ լուծել ուսանողական ջոկատների հանրապետական շտաբին 1993 թվականին 650 հազ. ռուբլի տրամադրելու հարցը՝ Հայաստանի ուսանողական ջոկատների աշխատանքների կազմակերպման և կամավորների փոխանակման միջազգային ծրագրերի իրականացման համար։

13. Ուսանողական ջոկատների ղեկավարման կառավարության օպերատիվ խմբի նախագահի պարտականությունները դնել պետնախարար Վ, Չիտեչյանի վրա։

 

Հայաստանի Հանրապետության

վարչապետ

Խ. Հարությունյան

 

Հայաստանի Հանրապետության

կառավարության գործերի

կառավարչի պաշտոնակատար

Հ. Քոթանյան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան