Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Տարբեր ձևերի (օրինակ՝ կլորավուն, ձևավոր) և չափերի օդապարիկներ (օդապարիկների հավաքածուներ)՝ պատրաստված տարբեր նյութերից (օրինակ՝ լատեքսից, վինիլից, լավսանաթաղանթից), գրաֆիկական ձևավորմամբ (օրինակ՝ նկարներով, նախշերով, գրություններով) կամ առանց դրա, ներսում մանր առարկաներ (օրինակ՝ կոնֆետտի, օձերիզ) պարունակող կամ չպարունակող, ներսից կամ դրսից լուսադիոդային ժապավեններով լուսավորվող կամ չլուսավորվող՝ նախատեսված երեխաներին և մեծահասակներին զվարճացնելու համար, ինչպես նաև՝ որպես ձևավորման տարրեր, տարբեր տարածքների, օբյեկտների զարդարանք և գովազդային նպատակներով օգտագործվող, Արտաքին տնտեսական գործունեության միասնական ապրանքային անվանացանկի մեկնաբանության 1-ին հիմնական կանոնին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 9503 00 ապրանքային դիրքում:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Պաշտոնական հրապարակման օրը՝ 10 հունվարի 2025 թվական: