ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 դեկտեմբերի 1994 թ. N 601

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ԵՎ ԴՐԱՆՑՈՒՄ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ի կատարումն Հայաստանի Հանրապետության Գերագույն խորհրդի 1994 թվականի մայիսի 25-ի «Մշակութային արժեքների պահպանման և ներմուծման մասին» Հայաստանի Հանրապետության օրենքի կիրարկման մասին» որոշման, Հայաստանի Հանրապետության կառավարությունը որոշում է.

1. Ուժը կորցրած ճանաչել Հայաստանի Հանրապետության կառավարության մի շարք որոշումներ (ցանկը կցվում է):

2. Փոփոխություններ և լրացումներ կատարել Հայաստանի Հանրապետության կառավարության մի շարք որոշումներում (ցանկը կցվում է):

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ԱՌԱՋԻՆ ՏԵՂԱԿԱԼ

Վ. ՄԱՆՈՒԿՅԱՆ

ՀԱստատված է ՀՀ կառավարության 1994 թ. դեկտեմբերի 27-ի N 601 որոշմամբ

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՒԺԸ ԿՈՐՑՐԱԾ ՈՐՈՇՈՒՄՆԵՐԻ

1. Հայկական ԽՍՀ Մինիստրների խորհրդի 1989 թվականի դեկտեմբերի 14-ի «ԽՍՀՄ Մինիստրների խորհրդի 1989 թվականի նոյեմբերի 18-ի «ԽՍՀՄ բերվող նշանակալից մշակութային արժեք ներկայացնող առարկաները մաքսատուրքի վճարումից ազատելու մասին» N 1008 որոշումը» N 623 որոշումը:

2. Հայաստանի Հանրապետության կառավարության 1992 թվականի հունիսի 18-ի N 235 կարգադրությունը:

ՀԱստատված է ՀՀ կառավարության 1994 թ. դեկտեմբերի 27-ի N 601 որոշմամբ

Ց Ա Ն Կ

1. Հայկական ՍՍՀ Մինիստրների սովետի 1970 թվականի ապրիլի 17-ի «Հայկական ՍՍՀ կուլտուրայի մինիստրության կանոնադրության հաստատման մասին» N 201 որոշմամբ հաստատված կանոնադրության 6-րդ կետի «ե» ենթակետը լրացնել հետևյալ բովանդակությամբ երկրորդ և երրորդ պարբերություններով`

«Մշակութային արժեքների արտահանման և ներմուծման մասին» Հայաստանի Հանրապետության օրենքին համապատասխան կարգավորում է մշակութային արժեքների արտահանումն ու ներմուծումը և իր իրավասության սահմաններում հսկողություն է իրականացնում դրանց նկատմամբ:

Քննարկում է մշակութային արժեքների պահպանության վարչության կողմից ներկայացված բռնագրավված մշակութային արժեքները Հայաստանի Հանրապետության պետական թանգարաններին, արխիվներին և գրադարաններին մշտական պահպանության տալու կամ համապատասխան այլ հաստատություններին հանձնելու հարցը»:

Այս կապակցությամբ երկրորդ և երրորդ պարբերությունները համապատասխանաբար համարել երրորդ և չորրորդ պարբերություններ:

2. Հայկական ՍՍՀ Մինիստրների սովետի 1971 թվականի հոկտեմբերի 5-ի «Հայկական ՍՍՀ ֆինանսների մինիստրության կանոնադրության հաստատման մասին» N 611 որոշման 6-րդ կետը լրացնել հետևյալ բովանդակությամբ «մ» ենթակետով`

«մ) «Մշակութային արժեքների արտահանման և ներմուծման մասին» Հայաստանի Հանրապետության օրենքին համապատասխան կարգավորում է մշակութային արժեքների արտահանումը և իր իրավասության սահմաններում հսկողություն է իրականացնում դրանց նկատմամբ»:

3. Հայաստանի Հանրապետության կառավարության 1992 թվականի հունվարի 30-ի «Հայաստանի Հանրապետության մաքսային վարչության մասին» N 68 որոշմամբ հաստատված Հայաստանի Հանրապետության մաքսային վարչության ժամանակավոր կանոնադրության 3-րդ կետը 4-րդ պարբերությունից հետո լրացնել հետևյալ բովանդակությամբ նոր պարբերությամբ`

«Մշակութային արժեքների արտահանման և ներմուծման մասին» Հայաստանի Հանրապետության օրենքին համապատասխան մշակութային արժեքների արտահանման ու ներմուծման կարգավորումը և իր իրավասության սահմաններում դրանց նկատմամբ հսկողության իրականացումը»:

4. Հայաստանի Հանրապետության կառավարության 1992 թվականի հունվարի 31-ի «Հայաստանի Հանրապետության թանկարժեք մետաղների քարերի և դրանցից պատրաստված իրերի պահպանության պետական գանձարան ստեղծելու մասին» N 77 որոշման 3-րդ կետում «բացառությամբ հնագիտական նշանակություն ունեցող իրերի» բառերից հետո լրացնել «որոնց օգտագործման կարգը որոշվում է Հայաստանի Հանրապետության օրենսդրությամբ սահմանված կարգով» բառերը:

5. Հայաստանի Հանրապետության կառավարության 1992 թվականի ապրիլի 25-ի «Հայաստանի Հանրապետության կառավարությանն առընթեր հուշարձանների պահպանության վարչության մասին» N 247 որոշմամբ հաստատված կանոնադրության 2-րդ կետը լրացնել հետևյալ բովանդակությամբ «ե» ենթակետով`

«ե) Հայաստանի Հանրապետության մշակութային արժեքների նկատմամբ հսկողության իրականացումն իր իրավասության սահմաններում»:

6. Հայաստանի Հանրապետության կառավարության 1992 թվականի նոյեմբերի 18-ի «Բռնագրավված, տիրազուրկ, ժառանգական իրավունքով պետությանն անցած նյութական և դրամական արժեքների օգտագործման մասին» N 585 որոշման 1-ին կետի «դ» ենթակետը շարադրել հետևյալ խմբագրությամբ`

«դ) պատմական, թանգարանային, մշակութային, գիտական արժեք ներկայացնող իրերի օգտագործման կարգը որոշվում է Հայաստանի Հանրապետության օրենսդրությամբ սահմանված կարգով»:

7. Հայաստանի Հանրապետության կառավարության 1993 թվականի հունիսի 2-ի «Հայաստանի Հանրապետության կառավարությանն առընթեր արխիվային գործի վարչության մասին» N 291 որոշմամբ հաստատված կանոնադրության 2-րդ կետը լրացնել հետևյալ բովանդակությամբ «թ» ենթակետով`

«թ) «Մշակութային արժեքների արտահանման և ներմուծման մասին» Հայաստանի Հանրապետության օրենքին համապատասխան մշակութային արժեքների արտահանման և ներմուծման կարգավորումը և իր իրավասության սահմաններում դրանց նկատմամբ հսկողության իրականացումը»:

8. Հայաստանի Հանրապետության կառավարության 1993 թվականի դեկտեմբերի 6-ի «Հայաստանի Հանրապետության մաքսատուրքերի սահմանման մասին» N 615 որոշմամբ հաստատված Հայաստանի Հանրապետությունից արտահանման համար արգելվող ապրանքների ցանկի (N 2 հավելված) 4-րդ կետը շարադրել հետևյալ խմբագրությամբ`

«4. Մշակութային այն արժեքները, որոնք «Մշակութային արժեքների արտահանման և ներմուծման մասին» Հայաստանի Հանրապետության օրենքին համապատասխան ենթակա չեն արտահանման մշակութային արժեքների պահպանության վարչության պետական փորձագիտական հանձնաժողովի տված եզրակացության առկայության դեպքում»:

Նույն որոշմամբ հաստատված Հայաստանի Հանրապետություն ներմուծման համար արգելված ապրանքների ցանկը (N 4 հավելված) լրացնել հետևյալ բովանդակությամբ 4-րդ կետով`

«4. Մշակութային արժեքներ, որոնց ներմուծումը «Մշակութային արժեքների արտահանման և ներմուծման մասին» Հայաստանի Հանրապետության օրենքին համապատասխան արգելվում է մշակութային արժեքների պահպանության վարչության պետական փորձագիտական հանձնաժողովի տված եզրակացության առկայության դեպքում»: