հայաստանի հանրապետության նախարարների խորհուրդ

ո ր ո շ ու մ

31 հունվարի 1991 թ. N 60

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻՆ ԱՌԸՆԹԵՐ ՊԵՏԱԿԱՆ ՈՒՆԵՑՎԱԾՔԻ ՏՆՕՐԻՆՄԱՆ ԵՎ ԱՊԱՊԵՏԱԿԱՆԱՑՄԱՆ ԿՈՄԻՏԵԻ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. Հաստատել Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեի կենտրոնական ապարատի կառուցվածքը, համաձայն հավելվածի:

Կոմիտեի ապարատի պահպանման ծախսերը կատարել հանրապետության բյուջեի միջոցների հաշվին:

2. Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեի կենտրոնական ապարատի աշխատողների թվաքանակը (առանց վարչական շենքը պահպանող և սպասարկող անձնակազմի) սահմանել 52 միավոր:

3. Թույլատրել Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեին ունենալու նախագահի 2 տեղակալ, այդ թվում` մեկ առաջին տեղակալ, և 9 անդամից բաղկացած կոլեգիա:

4. Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեի կոլեգիային իրավունք վերապահել անհրաժեշտության դեպքում բաժինների կազմի մեջ մտցնել փոփոխություններ` կոմիտեի կենտրոնական ապարատի աշխատողների հաստատված թվաքանակի սահմաններում:

5. Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեին հատկացնել ծառայողական մարդատար ավտոմեքենաների պահպանման 6 միավորի սահմանաքանակ:

6. Թույլատրել Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեին ապապետականացման աշխատանքներում պայմանագրային հիմունքներով ներգրավել մասնագիտացված խորհրդատու կազմակերպությունների և առանձին մասնագետների:

7. Պետական ունեցվածքի ապապետականացման կազմակերպման և գործնական աշխատանքի իրականացման նպատակով հանրապետության նախարարություններում, գերատեսչություններում և ժողովրդական պատգամավորների տեղական խորհուրդների գործադիր կոմիտեներում կազմավորել սեփականաշնորհման աշխատանքային խմբեր:

8. Հանրապետական բանկերին` սեփականաշնորհված ձեռնարկությունների համար բացել հաշվարկային ու այլ հաշիվներ և այդ ձեռնարկությունների արդյունավետ գործունեության ապահովման համար նրանց մատուցել անհրաժեշտ բանկային ծառայություններ:

9. Հայաստանի Հանրապետության կառավարության տնտեսական բարեփոխումների և սեփականաշնորհման գծով պետական հանձնաժողովը վերանվանել Հայաստանի Հանրապետության Նախարարների խորհրդի տնտեսական բարեփոխումների պետական հանձնաժողով:

Այդ կապակցությամբ Հայաստանի Հանրապետության Մինիստրների խորհրդի 1990 թվականի հոկտեմբերի 2-ի N 440 որոշման վերնագրում և տեքստում «Հայաստանի Հանրապետության կառավարության տնտեսական բարեփոխումների և սեփականաշնորհման գծով պետական հանձնաժողով» բառերը փոխարինել «Հայաստանի Հանրապետության Նախարարների խորհրդի տնտեսական բարեփոխումների պետական հանձնաժողով» բառերով:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ

ՀԱՎելվաԾ Հայաստանի Հանրապետության Նախարարների խորհրդի 1991 թվականի հունվարի 31-ի N 60 որոշման

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻՆ ԱՌԸՆԹԵՐ ՊԵՏԱԿԱՆ ՈՒՆԵՑՎԱԾՔԻ ՏՆՕՐԻՆՄԱՆ ԵՎ ԱՊԱՊԵՏԱԿԱՆԱՑՄԱՆ ԿՈՄԻՏԵԻ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԸ

Ապապետականացման աշխատանքային խմբերի կազմավորման և հրահանգավորման բաժին

Տեղեկության հավաքագրման և մարկետինգի բաժին

Պետական ունեցվածքի հաշվառման բաժին

Գույքի գնահատման բաժին

Պետական ունեցվածքի ապապետականացման վարչություն

Իրավաբանական բաժին

Տնտեսական բաժին

Հաշվապահություն

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ