հայաստանի հանրապետության ԿԱՌԱՎԱՐՈՒԹՅՈՒՆ

ո ր ո շ ու մ

16 Մարտի 1992 թվականի N 154

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓԱԽՍՏԱԿԱՆՆԵՐԻ ՀԱՐՑԵՐԻ ՊԵՏԱԿԱՆ ՎԱՐՉՈՒԹՅԱՆ ՄԱՍԻՆ

Ի կատարումն Հայաստանի Հանրապետության կառավարության 1991 թվականի դեկտեմբերի 19-ի «Հայաստանի Հանրապետության կառավարության կազմի և կառուցվածքի մասին» Հայաստանի Հանրապետության օրենքի կատարման միջոցառումների մասին» N 686 որոշման, Հայաստանի Հանրապետության կառավարությունը որոշում է`

1. Հաստատել Հայաստանի Հանրապետության փախստականների հարցերի պետական վարչության կենտրոնական ապարատի աշխատողների վարձատրության ֆոնդը` տարեկան 742,2 հազար ռուբլի:

2. Թույլատրել փախստականների հարցերի պետական վարչությանը ունենալ վարչության պետի 3 տեղակալ, որից` մեկ առաջին տեղակալ, և 11 անդամից բաղկացած կոլեգիա:

3. Հայաստանի Հանրապետության փախստականների հարցերի պետական վարչությանը ենթարկել «Որոնում» ինժեներատեխնիկական կենտրոնը:

4. Ուժը կորցրած ճանաչել Հայաստանի Հանրապետության Մինիստրների խորհրդի 1990 թվականի նոյեմբերի 15-ի «Հայաստանի Հանրապետության Մինիստրների խորհրդին առընթեր փախստականների հարցերի կոմիտե ստեղծելու մասին» N 503, 1991 թվականի հունվարի 7-ի «Հայաստանի Հանրապետության Նախարարների խորհրդին առընթեր փախստականների հարցերի կոմիտեի և կենտրոնական ապարատի կառուցվածքի հաստատման մասին» N 4 որոշումները:

ՀԱՅԱՍՏԱՆի հանրապետության փոխնախագահ, ՎԱՐՉԱՊԵՏ

Գ. ՀԱՐՈՒԹՅՈՒՆՅԱՆ

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ