ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 հոկտեմբերի 2024 թվականի N 1680-Ա

Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման (այսուհետ՝ որոշում) պահանջներով` Հայաստանի Հանրապետության կառավարությունը որոշում է.

1. Բավարարել «ԳԵՊՈՏԱՆԻՔ» սահմանափակ պատասխանատվությամբ ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը համաձայն հավելվածի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:

2. Սույն որոշման առաջին կետով սահմանված ծրագրի շրջանակներում ներմուծվող և հավելվածով սահմանված ցանկի «ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ» աղյուսակում ներկայացված լիզինգով ձեռք բերվող գույքի (ցանկի 3-րդ կետի) ներմուծման ժամանակ մաքսատուրքից ազատման արտոնություն տրամադրվում է 2024 թվականի հուլիսի 3-ի N TFL002340 լիզինգի պայմանագրով սահմանված՝ «ԱՄԵՐԻԱԲԱՆԿ» փակ բաժնետիրական ընկերությանը (այսուհետ՝ լիզինգատու կազմակերպություն)՝ պայմանով, որ գույքը ներմուծելուց հետո այն հանձնվելու է «ԳԵՊՈՏԱՆԻՔ» սահմանափակ պատասխանատվությամբ ընկերությանը՝ ներդրումային ծրագրի իրականացման համար։

3. Ներդրումային ծրագրի իրականացման ընթացքում լիզինգի պայմանագիրը լուծվելու դեպքում լիզինգատու կազմակերպությունը ներմուծված ապրանքները կարող է օտարել այլ անձանց՝ արտոնությամբ տրամադրված մաքսատուրքերը վճարելուց հետո:

4. Սահմանել, որ՝

1) ներդրումային ծրագրի շրջանակներում ներմուծված ապրանքների, այդ թվում՝ լիզինգատու կազմակերպության կողմից «ԳԵՊՈՏԱՆԻՔ» սահմանափակ պատասխանատվությամբ ընկերությանը հանձնված ապրանքների նկատմամբ կիրառվում են Եվրասիական տնտեսական միության մաքսային օրենսգրքի և որոշմամբ սահմանված սահմանափակումները․

2) սույն որոշման հավելվածում նշված են ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները․

3) ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի ներմուծումն իրականացվելու է 2024 թվականի սեպտեմբերի 10-ից մինչև 2027 թվականի սեպտեմբերի 9-ը ներառյալ․

4) ներդրումային ծրագրի իրականացման ժամկետ է սահմանվում սույն որոշումն ուժի մեջ մտնելուց հետո 3 տարի։

Հայաստանի Հանրապետության փոխվարչապետ	Տ. ԽԱՉԱՏՐՅԱՆ
Երևան

24.10.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2024 թվականի հոկտեմբերի 24-ի N 1680-Ա որոշման

NN ը/կ	ԱՏԳ ԱԱ-ի ծածկա-գիրը՝ 10 նիշի մակար-դակով	Անվանումը	Տեխնիկական բնութագիրը	Չափի միա-վորը	Քա-նակը	Ծագման երկիրը	Արտա- հանման երկիրը	Ար-ժեքը (դրամ)	Այլ տեղեկու- թյուններ
ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ
1.	8455220008	Սառը գլոցման հաստոց	Սառը գլոցման հաստոցներ՝ կազմաքանդված, մետաղյա հարթ թիթեղից պրոֆիլավորված թիթեղ արտադրելու համար	հատ	5	Չինաստան	Չինաստան	70 000 000
2.	8462290000	Համալրող մասեր կտրող և ծալող հաստոց	Հաստոց, նախատեսված մետաղի ծալման, ձևման և կտրման համար	հատ	1	Չինաստան	Չինաստան	170 000 000
3.	8704213200	Բեռնատար	Բեռնատար մեքենա նախատեսված արդյունաբերական ապրանքի բեռնափոխադրման համար մինչև 4.2 տոննա բեռ	հատ	3	ԱՄԷ	ԱՄԷ	28 000 000	Լիզինգի պայմանա- գիր թիվ TFL002340
ՀՈՒՄՔ ԵՎ ՆՅՈՒԹԵՐ
1.	7210490009	Չներկված ցինկապատ հարթ թիթեղ	Սև ցինկապատ հարթ թիթեղ գլանափաթեթով, առանց պոլիմերային ծածկույթի, չներկված	կգ	3 200 000	Իրան, Կորեա, Չինաստան, Թուրքիա	Իրան, Կորեա, Չինաստան, Վրաստան	1 568 000 000
2.	7210708000	Ներկված ցինկապատ հարթ թիթեղ	Պողպատյա ցինկապատ հարթ թիթեղ՝ ջերմագլոցված, ոչ պոլիմերով պատված, ներկված, գլանափաթեթով	կգ	1 500 000	Իրան, Կորեա, Չինաստան, Թուրքիա	Իրան, Կորեա, Չինաստան, Վրաստան	807 600 000
3.	7209289000	Պողպատից հարթ թիթեղ, չներկված, ոչ ցինկապատ	Չլեգիրացված պողպատից հարթ թիթեղ թերթերով՝ առանց գլանափաթեթի, սառը գլոցված, ոչ ցինկապատ, առանց պոլիմերային ծածկույթի, չներկված	կգ	300 000	Իրան, Չինաստան, Թուրքիա	Իրան, Չինաստան, Վրաստան	133 500 000
4.	7214200000	Ամրան	- փորվածքներ, ելուստներ, ակոսներ, լամ այլ դեֆորմացիաներ ունեցող՝ ստացված գլանման պրոցեսով, Սև մետաղական ամրաններ՝ ակոսավոր	կգ	4 000 000	Իրան	Իրան	1 188 000 000
5.	7213911000	Ամրալար	Բետոնի ամրանավորման համար օգտագործվող, պողպատից մետաղալար 14 մմից ոչ ավել տրամագծով, կլոր հատմամբ, ոչ ցինկապատ	կգ	300 000	Իրան	Իրան	85 800 000
6.	7306301909	Կլոր խողովակ	Սև մետաղական խողովակ, կլոր հատումով՝ 2 մմից ավելի պատի հաստությամբ՝ ոչ ցինկապատ	կգ	200 000	Իրան	Իրան	76 525 000
7.	7306619909	Քառանկյուն և ուղղանկյուն խողովակ	Սև մետաղական զոդովի կարով խողովակ, քառակուսի և ուղղանկյուն լայնակի համան, 2 մմից ավել պատի հաստությամբ	կգ	500 000	Իրան	Իրան	195 120 000
8.	7217209000	Մետաղալար ցինկապատ	Երկաթյա մետաղալար՝ ցինկապատ, 0.6% զանգվածային բաժնից ավելի ածխածին պարունակող	կգ	160 000	Իրան	Իրան	61 440 000
9.	7217109000	Մետաղալար երկաթյա, ջերմամշակված	Երկաթյա մետաղալար՝ վառված, ոչ ցինկապատ, 0.6% զանգվածային բաժնից ավելի ածխածին պարունակող	կգ	120 000	Իրան	Իրան	52 200 000
10.	7313000000	Փշալար	Փշալար սև մետաղներից, ոլորված գոտեկապի պողպատ կամ մի մասից կազմված (ոչ կրկնակի) հարթ մետաղ, Սև մետաղից, ցինկապատ փշալար	կգ	30 000	Իրան	Իրան	11 850 000
11.	6806100001	Հանքաբամբակ	հանքաբամբակ (հիմնանյութ բանջարեղեն աճեցնելու համար)	կգ	300 000	Իրան	Իրան	130 000 000
12.	7019800009	Ապակե բամբակ	Ապակե բամբակոչ գործվածքային նյութերից՝ գլափաթեթով, ալյումինե նրբաթիթեղի հիմքով	կգ	150 000	Իրան	Իրան	75 000 000
13.	3907999000	Սոսինձ	--- այլ, սոսինձ, նախատեսված մետաղի, հանքաբամբակի, փրփրապլաստի և այլ նյութերի միացման համար	կգ	20 000	Իրան	Իրան	33 000 000
14.	7326909807	Բետոնի ամրացման մետաղական դետալներ	Սև մետաղից, հավաքվող, բետոնի հիմքում ներկառուցվող ամրացման դետալներ՝ կոնստրուկցիայի ամրացման համար	կգ	150 000	Իրան, Թուրքիա	Իրան, Վրաստան	82 800 000
	Ընդամենը							4 768 835 000

Հայաստանի Հանրապետության վարչապետի աշխատակազմի ղեկավար

Ա. ՀարությունՅԱՆ

24.10.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ