հայաստանի հանրապետության նախարարների խորհուրդ

ո ր ո շ ու մ

3 հունիսի 1991 թվականի N 381

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻՆ ԱՌԸՆԹԵՐ ՊԵՏԱԿԱՆ ՈՒՆԵՑՎԱԾՔԻ ՏՆՕՐԻՆՄԱՆ ԵՎ ԱՊԱՊԵՏԱԿԱՆԱՑՄԱՆ ԿՈՄԻՏԵԻ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. Ավելացնել Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեի կենտրոնական ապարատի աշխատողների թվաքանակը 25 միավորով, սահմանելով այն 77 միավոր (առանց վարչական շենքը պահպանող և սպասարկող անձնակազմի):

2. 1991 թվականի հունիսի 1-ից Հայաստանի Հանրապետության Նախարարների խորհրդին առընթեր պետական ունեցվածքի տնօրինման և ապապետականացման կոմիտեի ապարատի պահպանման ծախսերը կատարել պետական ունեցվածքի ետգնումից ստացվող միջոցների հաշվին` մինչև 1,0 տոկոսի չափով:

Սահմանել, որ կոմիտեի ապարատի պահպանման ծախսերի նախահաշիվը հաստատում է կոմիտեի նախագահը, համաձայնեցնելով Հայաստանի Հանրապետության ֆինանսների նախարարության հետ:

3. Հայաստանի Հանրապետության էկոնոմիկայի պետական կոմիտեին` Հայաստանի Հանրապետության ֆինանսների նախարարության հետ համատեղ 20-օրյա ժամկետում Հայաստանի Հանրապետության Նախարարների խորհուրդ ներկայացնել առաջարկություն պետական ունեցվածքի տնօրինման և ապապետականացման կոմիտեի ապարատի աշխատողների պաշտոնային դրույքների, նյութական խրախուսման կարգի և աշխատանքի վարձատրության ֆոնդի մասին:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ