040.0727.01.12.99

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
1 դեկտեմբերի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 դեկտեմբերի 1999 թվականի N 727
քաղ. Երևան

ՄԻ ՇԱՐՔ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՄԱՐՏԻ 29-Ի N 94 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇ ՈՐՈՇՈՒՄՆԵՐ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. «Մարտունու կոմունալ տնտեսություն» պետական փակ բաժնետիրական ընկերության լուծարման հանձնաժողովին` Հայաստանի Հանրապետության կառավարության 1999 թվականի մայիսի 27-ի «Մի շարք բաժնետիրական ընկերություններ լուծարելու մասին» N 354 որոշման համաձայն լուծարվող «Մարտունու կոմունալ տնտեսություն» պետական փակ բաժնետիրական ընկերության գույքը` սեփականության իրավունքով, անհատույց, և պարտավորությունները 15-օրյա ժամկետում հանձնել Մարտունու քաղաքային համայնքին, որից հետո 10-օրյա ժամկետում` Հայաստանի Հանրապետության օրենսդրությամբ սահմանված կարգով ավարտել ընկերության լուծարման աշխատանքները:

2. (կետն ուժը կորցրել է 21.12.00 N 856)

3. «Տավուշի բնակարանային կոմունալ տնտեսություն» պետական փակ բաժնետիրական ընկերության լուծարման հանձնաժողովին` Հայաստանի Հանրապետության կառավարության 1999 թվականի հունիսի 4-ի «Մի շարք բաժնետիրական ընկերություններ լուծարելու մասին» N 386 որոշման համաձայն լուծարվող «Տավուշի բնակարանային կոմունալ տնտեսություն» պետական փակ բաժնետիրական ընկերության գույքը` սեփականության իրավունքով, անհատույց, և պարտավորությունները 15-օրյա ժամկետում հանձնել Բերդի քաղաքային համայնքին, որից հետո 10-օրյա ժամկետում` Հայաստանի Հանրապետության օրենսդրությամբ սահմանված կարգով ավարտել ընկերության լուծարման աշխատանքները:

4. «Նոյեմբերյանի բնակարանային կոմունալ տնտեսություն» պետական փակ բաժնետիրական ընկերության լուծարման հանձնաժողովին` Հայաստանի Հանրապետության կառավարության 1999 թվականի մարտի 11-ի «Մի շարք բաժնետիրական ընկերություններ լուծարելու մասին» N 142 որոշման համաձայն լուծարվող «Նոյեմբերյանի բնակարանային կոմունալ տնտեսություն» պետական փակ բաժնետիրական ընկերության գույքը` սեփականության իրավունքով, անհատույց, և պարտավորությունները 15-օրյա ժամկետում հանձնել Նոյեմբերյանի քաղաքային համայնքին, որից հետո 10-օրյա ժամկետում` Հայաստանի Հանրապետության օրենսդրությամբ սահմանված կարգով ավարտել ընկերության լուծարման աշխատանքները:

5. Հայաստանի Հանրապետության քաղաքաշինության նախարարությանը` լուծարել «Արարատ» հյուրանոցը (Արարատի մարզ, քաղ. Արարատ, Աղբյուր Սերոբի 12) և դրա գույքը մեկամսյա ժամկետում` Հայաստանի Հանրապետության օրենսդրությամբ սահմանված կարգով, սեփականության իրավունքով, անհատույց հանձնել Արարատի քաղաքային համայնքին:

6. Հայաստանի Հանրապետության գյուղատնտեսության նախարարությանը` լուծարել`

ա) Տավուշի «Ալրաղաց սարքավորումներ» օբյեկտը (Տավուշի մարզ, գ. Պառավաքար) և դրա գույքը մեկամսյա ժամկետում` Հայաստանի Հանրապետության օրենսդրությամբ սահմանված կարգով, սեփականության իրավունքով, անհատույց հանձնել Պառավաքարի գյուղական համայնքին:

բ) Սպիտակի «Ալրաղաց սարքավորումներ» օբյեկտը (Լոռու մարզ, քաղ. Սպիտակ) և դրա գույքը մեկամսյա ժամկետում` Հայաստանի Հանրապետության օրենսդրությամբ սահմանված կարգով, սեփականության իրավունքով, անհատույց հանձնել Սպիտակի քաղաքային համայնքին:

7. Հայաստանի Հանրապետության կառավարության 1996 թվականի մարտի 29-ի «Հայաստանի Հանրապետության անավարտ շինարարության օբյեկտների սեփականաշնորհման մասին» N 94 որոշման մեջ կատարել հետևյալ փոփոխությունը`

հանել որոշմանը կից ցանկի «ՀՀ քաղաքաշինության նախարարություն» բաժնի «29. Հյուրանոց (137 տեղ) քաղ. Նոյեմբերյան» տողը:

8. Ուժը կորցրած ճանաչել`

ա) Հայաստանի Հանրապետության կառավարության 1997 թվականի հուլիսի 8-ի «Հայաստանի Հանրապետության պետական ձեռնարկությունների սեփականաշնորհման և վարձակալած գույքի գնման թույլտվություն տալու մասին» N 254 որոշման 14.2-րդ կետը.

բ) Հայաստանի Հանրապետության կառավարության 1998 թվականի սեպտեմբերի 22-ի «Հայաստանի Հանրապետության պետական գույքի մասնավորեցման, Հայաստանի Հանրապետության կառավարության մի շարք որոշումներում փոփոխություններ կատարելու և Հայաստանի Հանրապետության կառավարության մի շարք որոշումներ մասնակիորեն ուժը կորցրած ճանաչելու մասին» N 600 որոշման 4.2-րդ կետը:

9. Սույն որոշումն ուժի մեջ է մտնում 1999 թվականի դեկտեմբերի 1-ից:

Հայաստանի Հանրապետության վարչապետ

Ա. Սարգսյան