ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 մայիսի 2024 թվականի N 717-Ա

Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ, 6-րդ և 7-րդ մասերը, «Նորմատիվ իրավական ակտերի մասին» Հայաստանի Հանրապետության օրենքի 33-րդ ու 34-րդ հոդվածները, Հայաստանի Հանրապետության կառավարության 2023 թվականի ապրիլի 21-ի N 595-Ն որոշման N 1 հավելվածի 3-րդ կետը՝ Հայաստանի Հանրապետության կառավարությունը որոշում է.

1. Հայաստանի Հանրապետության սեփականությունը հանդիսացող՝ Երևան քաղաքի Շենգավիթ վարչական շրջանի Հ. Մանանդյան փողոց 41 հասցեում գտնվող՝ 5,011,971,790 դրամ շուկայական արժեքին մոտարկված կադաստրային արժեքով, 3658.9 քառ. մետր ընդհանուր մակերեսով անշարժ գույքը (տարածքում առկա են նաև 5421,5 քառ. մետր ընդհանուր մակերեսով ինքնակամ կառուցված շինություններ) և դրա զբաղեցրած, սպասարկման և օգտագործման համար անհրաժեշտ 717,944,022 դրամ շուկայական արժեքին մոտարկված կադաստրային արժեքով 2.88463 հա հողատարածքը (անշարժ գույքի նկատմամբ իրավունքի պետական գրանցման N 04112020-01-0192 վկայական) (այսուհետ՝ անշարժ գույք) և 7017110.13 դրամ սկզբնական արժեքով 30 հատ շարժական գույքը՝ համաձայն հավելվածի, ինչպես նաև Հայաստանի Հանրապետության Արմավիրի մարզի Արաքս համայնքի Ջրառատ գյուղի Իսահակյան փողոցի 5 հասցեում կառուցված` 76.778.878 դրամ շուկայական արժեքին մոտարկված կադաստրային արժեքով, 978.1 քառ. մետր մակերեսով Սիմոն Մարտիրոսյանի անվան մարզակառույցը և 1.465.200 դրամ շուկայական արժեքին մոտարկված կադաստրային արժեքով 0.12 հեկտար մակերեսով հողամասը (անշարժ գույքի նկատմամբ իրավունքի պետական գրանցման N 06052024-04-0097 վկայական) հետ վերցնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեից և անշարժ գույքն ամրացնել, իսկ շարժական գույքերը փոխանցել Հայաստանի Հանրապետության կրթության, գիտության, մշակույթի և սպորտի նախարարությանը (այսուհետ՝ լիազոր մարմին):

(1-ին կետը փոփ. 05.09.24 N 1398-Ա)

2. Լիազոր մարմնի ղեկավարին ու Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշումն ուժի մեջ մտնելուց հետո եռամսյա ժամկետում սահմանված կարգով ապահովել 1-ին կետում նշված անշարժ և շարժական գույքերի հանձնման-ընդունման աշխատանքները:

3. Սահմանել, որ սույն որոշման 1-ին կետում նշված անշարժ և շարժական գույքն անժամկետ, անհատույց օգտագործման իրավունքով հանձնվում է «Սպորտի կառավարման կենտրոն» փակ բաժնետիրական ընկերությանը (այսուհետ՝ ընկերություն):

4. Հայաստանի Հանրապետության Տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշման 2-րդ կետում նշված աշխատանքների ավարտից հետո երկամսյա ժամկետում ընկերության հետ կնքել սույն որոշման 1-ին կետում նշված անշարժ և շարժական գույքի անժամկետ, անհատույց օգտագործման պայմանագիր (այսուհետ՝ պայմանագիր)՝ դրանում նախատեսելով դրույթ, որ ընկերությունը լիազոր մարմնի համաձայնության դեպքում՝

1) սույն որոշման 3-րդ կետով անհատույց օգտագործման իրավունքով հանձնվող գույքը կարող է հանձնել վարձակալության.

2) անհատույց օգտագործման իրավունքով հանձնվող գույքով մատուցել ծառայություններ.

3) մասնակցել տեղական և միջազգային մրցաշարերի կազմակերպմանը:

5. Պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերը ենթակա են իրականացման ընկերության միջոցների հաշվին:

6. Հայաստանի Հանրապետության կառավարության 2024 թվականի փետրվարի 15-ի «Հողամասի նվիրատվությունն ընդունելու, գույք ամրացնելու և անհատույց օգտագործման իրավունքով տրամադրելու մասին» N 212–Ա որոշման (այսուհետ՝ որոշում) մեջ կատարել հետևյալ փոփոխությունները՝

1) որոշման վերնագրից հանել «, ԳՈՒՅՔ ԱՄՐԱՑՆԵԼՈՒ ԵՎ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏՐԱՄԱԴՐԵԼՈՒ» բառերը.

2) որոշման նախաբանից հանել «և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին մասը» բառերը.

3) ուժը կորցրած ճանաչել որոշման 2-րդ կետի 4-րդ և 5-րդ ենթակետերը:

Հայաստանի Հանրապետության վարչապետ	Ն. Փաշինյան
Երևան

20.05.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2024 թվականի մայիսի 16-ի N 717-Ա որոշման

NN ը/կ	Անվանումը	Չափի միա-վորը	Տարե-թիվը	Քա-նակը	Գինը (դրամ)	Սկզբնական արժեքը (դրամ)	Կուտակված մաշվածու-թյունը (դրամ)	Հաշվե-կշռային արժեքը (դրամ)
1.	ԳԱԶ-31105 Սեդան ավտոմեքենա	հատ	2015 թ.	1	4295000	4295000.00	4295000.00	0.00
2.	Տեսախցիկ DS-2CD2420F-I	հատ	2016 թ.	3	68333.33	204999.99	98094.51	106905.48
3.	Տեսախցիկ DS-2CD2020F-I	հատ	2016 թ.	3	72500	217500.00	104075.88	113424.12
4.	Ցանցային բաժանարար JG537A HP 1910-8- PօE+Switcհ	հատ	2016 թ.	1	179166.67	179166.67	126338.57	52828.10
5.	Տեսագրող սարք DS-7608NI- E2+HDD seagate 2TB 64mbx2	հատ	2016 թ.	1	166666.67	166666.67	79751.63	86915.04
6.	Թվային ընդունող և ձայնագրող սարք «Հիկվիժիոն»	հատ	2016 թ.	1	40000	40000.00	15238.60	24761.4
7.	Տեսախցիկ «Հիկվիժիոն»	հատ	2016 թ.	4	35000	140000.00	53335.07	86664.93
8.	Տեսախցիկ «Հիկվիժիոն»	հատ	2016 թ.	2	20000	40000.00	15238.6	24761.4
9.	Մոնիթոր LED 20 AQC 2043F	հատ	2012 թ.	2	52500	105000.00	105000.00	0.00
10.	Շարժական աթոռ	հատ	2012 թ.	6	26462.8	158776.80	158776.80	0.00
11.	Դրսի ցուցանակ Մարզական համալիր	հատ	2015 թ.	1	980000	980000.00	589453.44	390546.56
12.	Պատի ցուցանակ	հատ	2015 թ.	2	95000	190000.00	114281.78	75718.22
13.	Ցուցանակ	հատ	2016 թ.	2	95000	190000.00	93261.28	96738.72
14.	Բենզինային խոտհնձիչ 4HP	հատ	2016 թ.	1	110000	110000.00	56375.59	53624.41
	Ընդամենը			30		7017110.13	5904221.75	1112888.38

Հայաստանի Հանրապետության վարչապետի աշխատակազմի ղեկավար

Ա. Հարությունյան

20.05.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ