Գլխավոր տեղեկություն
Номер
N 919-Ն
Տիպ
Որոշում
Тип
Исходный акт (21.06.2024-по сей день)
Статус
Գործում է
Первоисточник
Միասնական կայք 2024.06.10-2024.06.23 Պաշտոնական հրապարակման օրը 20.06.2024
Принят
ՀՀ կառավարություն
Дата принятия
20.06.2024
Подписан
ՀՀ վարչապետ
Дата подписания
20.06.2024
Дата вступления в силу
21.06.2024

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

20 հունիսի 2024 թվականի N 919-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՄԱՅԻՍԻ 14-Ի N 758-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2020 թվականի մայիսի 14-ի «Առգրավված, վերցված, կամավոր հանձնված կամ գտնված (այդ թվում՝ համապատասխանության սերտիֆիկատ չունեցող) զենքը կամ ռազմամթերքը ոստիկանությանը փոխանցելու, դրանք ընդունելու և ոչնչացնելու կարգը հաստատելու մասին» N 758-Ն որոշման (այսուհետ` որոշում) մեջ կատարել հետևյալ լրացումները և փոփոխությունները`

1) որոշման վերնագիրը «զենքը» բառից հետո լրացնել «, հրազենի հիմնական բաղկացուցիչ մասերը» բառերով․

2) որոշման 1-ին կետը «զենքը» բառից հետո լրացնել «, հրազենի հիմնական բաղկացուցիչ մասերը» բառերով․

3) որոշման հավելվածի վերնագիրը, 1-ին, 2-րդ, 3-րդ, 4-րդ, 5-րդ, 7-րդ, 8-րդ, 9-րդ և 10-րդ կետերը «զենքը» բառից հետո լրացնել «, հրազենի հիմնական բաղկացուցիչ մասերը» բառերով․

4) որոշման հավելվածի 6-րդ, 12-րդ, 13-րդ, 16-րդ և 18-րդ կետերը «զենքի» բառից հետո լրացնել «, հրազենի հիմնական բաղկացուցիչ մասերի» բառերով.

5) որոշման հավելվածի 15-րդ կետի «զենքը և դրա մասերը» բառերը փոխարինել «զենքը, դրա մասերը և հրազենի հիմնական բաղկացուցիչ մասերը» բառերով.

6) որոշման հավելվածի 11-րդ կետը շարադրել հետևյալ խմբագրությամբ՝

«11. Ոչ պիտանի զենքի, հրազենի հիմնական բաղկացուցիչ մասերի ոչնչացման նպատակով ստեղծվում է հանձնաժողով։ Հանձնաժողովը պետք է կազմված լինի առնվազն 5 անդամից, որոնցից առնվազն 1-ը՝ համապատասխան փորձագետ։ Հանձնաժողովը ձևավորվում է ներքին գործերի նախարարի հրամանով։ Հանձնաժողովի նախագահին և անդամներին նշանակում է ներքին գործերի նախարարը՝ հաշվի առնելով զենքի հետ վարվելու անվտանգության կանոնների իմացությունը։ Հանձնաժողովի կողմից ոչ պիտանի զենքը, հրազենի հիմնական բաղկացուցիչ մասերը ոչնչացման նպատակով զինապահեստից ելքի փաստաթղթով դուրս են գրվում: Մինչև ոչնչացնելը հանձնաժողովը մանրակրկիտ ստուգում է բոլոր զենքերը և հրազենի հիմնական բաղկացուցիչ մասերը: Հանձնաժողովի անդամները պետք է խստորեն պահպանեն զենքի հետ վարվելու անվտանգության կանոնները:»։

2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

 Ն. Փաշինյան

 

Երևան

 

20.06.2024

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

 

Պաշտոնական հրապարակման օրը՝ 20 հունիսի 2024 թվական: