ԵՐԵՎԱՆԻ ՔԱՂԱՔԱՊԵՏ

ԷՐԵԲՈՒՆԻ ԱՆՎԱՆՈՒՄՆ ՕԳՏԱԳՈՐԾԵԼՈՒ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

Հաշվի առնելով «ԷՐԵԲՈՒՆԻ-ՊԼԱԶԱ» սահմանափակ պատասխանատվությամբ ընկերության տնօրեն Վռամ Վլադիմիրի Կարապետյանի կողմից լիազորված անձանց՝ Մարինե Ղազարյանի ու Մերի Ավետիսյանի դիմումները, ղեկավարվելով «Տեղական տուրքերի և վճարների մասին» օրենքի 9-րդ հոդվածի 1-ին մասի 15-րդ կետով, «Երևան քաղաքում տեղական ինքնակառավարման մասին» օրենքի 52-րդ հոդվածի 1-ին մասի 4.1-ին կետով, Հայաստանի Հանրապետության կառավարության 2012 թվականի նոյեմբերի 8-ի N 1617-Ն որոշմամբ հաստատված կարգի 5-րդ կետով և Երևան քաղաքի ավագանու 2023 թվականի դեկտեմբերի 26-ի N 42-Ն որոշման հավելվածի 17-րդ կետով.

1. «ԷՐԵԲՈՒՆԻ-ՊԼԱԶԱ» սահմանափակ պատասխանատվությամբ ընկերությանը` 2024 թվականի (ընթացիկ տարվա) համար թույլատրել «ԷՐԵԲՈՒՆԻ-ՊԼԱԶԱ» սահմանափակ պատասխանատվությամբ ընկերության ֆիրմային անվանման մեջ և «ԷՐԵԲՈՒՆԻ ՊԼԱԶԱ» (EREBUNI PLAZA) ապրանքային նշանում օգտագործել Էրեբունի անվանումը։

2. Ընդունել ի գիտություն, որ Էրեբունի անվանումը ֆիրմային անվանման մեջ և ապրանքային նշանում օգտագործելու թույլտվության համար ընթացիկ տարվա տեղական տուրքերը վճարված են:

3. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի առևտրի, ծառայությունների և գովազդի վարչության պետի վրա:

4. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի տեղակալ Սուրեն Գրիգորյանը:

5. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

Տ. Ավինյան