ԵՐԵՎԱՆԻ ՔԱՂԱՔԱՊԵՏ

N 1920-Ա

«27» մայիսի 2024 թ.

Ո Ր Ո Շ ՈՒ Մ

ԵՐԵՎԱՆ, ԱՐԱԲԿԻՐ, ՔԵՌՈՒ ՓՈՂՈՑ Հ.7 ՀԱՍՑԵՈՒՄ՝ ԸՆԴՀԱՆՈՒՐ ԲԱԺՆԱՅԻՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍՈՒՄ ՔԱՂԱՔԱՑԻՆԵՐ ԱՆԺԵԼ ԿԱՐԱՊԵՏԻ ԵՍԱՅԱՆԻ, ՄԱՐՏԻՆ ԳԵՎՈՐԳԻ ԵՍԱՅԱՆԻ, ԱՆՆԱ ԳԵՎՈՐԳԻ ԵՍԱՅԱՆԻ, ԱԼԵՆ ՄԻՆԱՍԻ ԵՍԱՅԱՆԻ ԵՎ ԱՀԱՐՈՆ ՄԻՆԱՍԻ ԵՍԱՅԱՆԻ ԿՈՂՄԻՑ ԻՆՔՆԱԿԱՄ ԻՐԱԿԱՆԱՑՎԱԾ ԿԱՌՈՒՅՑՆ ՕՐԻՆԱԿԱՆԱՑՆԵԼՈՒ ՄԱՍԻՆ

Ղեկավարվելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, Հայաստանի Հանրապետության կառավարության 2006 թվականի մայիսի 18–ի հ.912-Ն որոշմամբ հաստատված կարգի 8.1-ին, 10-րդ և 11-րդ կետերով, հիմք ընդունելով Երևանի քաղաքապետի 2010 թվականի նոյեմբերի 12-ի հ.5299-Ա որոշումը, կառույցը քաղաքացիական օրենսգրքի 188–րդ հոդվածի 5-րդ մասով սահմանված օրինականացման պայմաններին համապատասխանելու վերաբերյալ Երևանի քաղաքապետարանի աշխատակազմի ճարտարապետության և քաղաքաշինության վարչության կողմից 21.06.2023թ. տրված մասնագիտական եզրակացությունը, հաշվի առնելով ինքնակամ կառույցների արտաքին չափերի մասին «Վահագն Սարգսյան» Ա/Ձ-ի կողմից 06.12.2022թ. տրված տեղեկանքը, ինչպես նաև Անժել Եսայանի, Մարտին Եսայանի, Աննա Եսայանի, Ալեն Եսայանի և Ահարոն Եսայանի՝ ի դեմս ներկայացուցչի դիմումները (31.10.2022թ. հ.Դ-98562-22, 08.12.2022թ. հ.Դ-117923-22, 12.06.2023թ. հ.Դ-69036-23).

1. Երևան, Արաբկիր, Քեռու փողոց հ.7 հասցեում՝ ընդհանուր բաժնային սեփականություն (անշարժ գույքի նկատմամբ իրավունքների պետական գրանցման հ.15072022-01-0069 վկայական) հանդիսացող հողամասում քաղաքացիներ Անժել Կարապետի Եսայանի, Մարտին Գևորգի Եսայանի, Աննա Գևորգի Եսայանի, Ալեն Մինասի Եսայանի և Ահարոն Մինասի Եսայանի կողմից ինքնակամ իրականացված 44.5 քառ.մետր ընդհանուր մակերեսով կառույցը /բնակելի (ավտոտնակ նկուղ՝ 16.0 քառ.մետր, 1-ին հարկ՝ 16.2 քառ.մետր, արհեստանոց նկուղ՝ 9.9 քառ.մետր, 1-ին հարկ՝ 2.4 քառ.մետր)/ և ինքնակամ բացված պատուհանները 7/յոթ/ հատ ճանաչել օրինական։

2. Ընդունել ի գիտություն, որ.

1) կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը.

2) շինությունը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք։

3. Սահմանել, որ կառույցն իրականացրած անձինք.

1) սույն որոշման ընդունման օրվանից 60-օրյա ժամկետում, Երևան քաղաքի բյուջեի N900015211247 հաշվին պետք է վճարեն Հայաստանի Հանրապետության կառավարության 2006 թվականի մայիսի 18–ի հ.912-Ն որոշմամբ հաշվարկված 372088 (երեք հարյուր յոթանասուներկու հազար ութսունութ) Հայաստանի Հանրապետության դրամ օրինականացման վճարը.

2) իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը.

3) սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում սույն որոշումը համարվում է ուժը կորցրած։

4. Սույն որոշումը ՀՀ օրենսդրությամբ սահմանված կարգով ենթակա է պետական գրանցման։

5. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան` դրա ուժի մեջ մտնելու օրվանից երկամսյա ժամկետում:

6. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության վարչության պետի վրա։

7. Որոշման կատարման հսկողությունը դնել Երևանի քաղաքապետի առաջին տեղակալ Ա. Փամբուխչյանի վրա:

Տ. Ավինյան