ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
22 մայիսի 2023 թվականի |
թիվ 58 |
քաղ. Մոսկվա |
ՊԵՏԱԿԱՆ (ՄՈՒՆԻՑԻՊԱԼ) ԳՆՈՒՄՆԵՐԻ ՆՊԱՏԱԿՆԵՐՈՎ ԱՊՐԱՆՔՆԵՐԻ ԱՌԱՆՁԻՆ ՏԵՍԱԿՆԵՐԻ ԾԱԳՄԱՆ ԵՐԿԻՐԸ ՈՐՈՇԵԼՈՒ ԿԱՆՈՆՆԵՐԻ ԹԻՎ 1 ՀԱՎԵԼՎԱԾՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական հանձնաժողովի խորհուրդը որոշեց.
1. Եվրասիական տնտեսական հանձնաժողովի խորհրդի 2020 թվականի նոյեմբերի 23-ի թիվ 105 որոշմամբ հաստատված՝ Պետական (մունիցիպալ) գնումների նպատակներով ապրանքների առանձին տեսակների ծագման երկիրը որոշելու կանոնների թիվ 1 հավելվածում կատարել փոփոխություններ՝ համաձայն հավելվածի։
2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո:
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից՝ |
|
Մ. Գրիգորյան |
Ի. Պետրիշենկո |
Ս. Ժումանգարին |
Ա. Կասիմալիև |
Ա. Օվերչուկ |
|
ՀԱՎԵԼՎԱԾ Եվրասիական տնտեսականհանձնաժողովի խորհրդի 2023 թվականի մայիսի 22-ի թիվ 58 որոշման |
ՓՈՓՈԽՈՒԹՅՈՒՆՆԵՐ
պետական (մունիցիպալ) գնումների նպատակներով ապրանքների առանձին տեսակների ծագման երկիրը որոշելու կանոնների թիվ 1 հավելվածում կատարվող
1. VIII բաժինը «3701-ից, 3702-ից, 3704 00-ից, 3705 00-ից, 3707-ից Լուսանկարչական թիթեղներ և լուսանկարչական ժապավեն. լուսանկարչական ժապավեն՝ վայրկենական լուսանկարների համար. բաղադրություններ՝ քիմիական, և արտադրանք՝ չխառնուրդված, լուսանկարչական նպատակների համար օգտագործվող» դիրքից հետո լրացնել հետևյալ բովանդակությամբ դիրքով.
|
«3808 94 800 0 Ախտահանման նյութեր (բացառությամբ սույն հավելվածի XI բաժնով նախատեսված ապրանքների)
|
անդամ պետության իրավաբան անձ-հարկային ռեզիդենտի մոտ կոնստրուկտորական և (կամ) տեխնիկական փաստաթղթերի և (կամ) ախտահանող նյութերի արտադրության մասով տեխնոլոգիական փաստաթղթերի նկատմամբ լիցենզիոն կամ բացառիկ իրավունքների առկայություն: Իրավաբանական անձի մոտ Եվրասիական տնտեսական միության իրավունքին համապատասխան նրա անունով տրվող՝ արտադրվող միջոցների պետական գրանցման վերաբերյալ վկայականի առկայություն <5>. անդամ պետության տարածքում ախտահանող միջոցի արտադրությունը կանոնակարգող՝ արտադրող կազմակերպության հաստատված փաստաթղթին համապատասխան հետևյալ տեխնոլոգիական գործողությունների իրականացումը. ջրապատրաստում (պարտադիր իր մեջ ներառում է գործընթացներ) (մեխանիկական ֆիլտրում, երկաթի պարունակության նվազեցում, կոշտության նվազեցում) (75 բալ). ազդող նյութերի սինթեզ (100 բալ). խառնիչում (միախառնող մեխանիկական սարքվածքով ապարատում) բաղադրիչների միախառնում (75 բալ). չեզոքացում (50 բալ). տաքացում (հովացում) (25 բալ). ֆիլտրում (25 բալ). մանրացում (աղում, դիսպերսում) (50 բալ). չորացում (50 բալ). հատիկավորում (50 բալ). մամլում (հաբավորում) (50 բալ). սպառողական և խմբային փաթեթվածքում բաժնեծրարում (50 բալ). սպառողական և խմբային փաթեթվածքում բաժնեծրարում՝ մասնագիտացված ավտոմատացված հոսքագծերի կիրառմամբ (75 բալ). չգործված նյութի պատրաստում (ակոսահատում, ծակատում) (75 բալ). գլանափաթեթների ձևավորում՝ մասնագիտացված ավտոմատների կիրառմամբ՝ 75 բալ»: |
2. IX բաժինը «30-200 Վտ հզորությամբ էլեկտրական և ջերմային էներգիայի ինքնավար գեներատորներ» դիրքից հետո լրացնել հետևյալ բովանդակությամբ դիրքերով.
|
«8504 21 000 0 Տրանսֆորմատորներ հեղուկ դիէլեկտրիկով՝ 650 կՎԱ-ից ոչ ավելի հզորությամբ
8504 22 100 0 Տրանսֆորմատորներ հեղուկ դիէլեկտրիկով՝ 650 կՎԱ-ից ավելի, սակայն 1 600 կՎԱ-ից ոչ ավելի հզորությամբ
8504 22 900 0 Տրանսֆորմատորներ հեղուկ դիէլեկտրիկով՝ 1600 կՎԱ-ից ավելի, սակայն 10 000 կՎԱ-ից ոչ ավելի հզորությամբ
8504 23 000 9 Տրանսֆորմատորներ հեղուկ դիէլեկտրիկով՝ 10 000 կՎԱ-ից ավելի հզորությամբ
|
անդամ պետության հարկային ռեզիդենտ հանդիսացող իրավաբանական անձի մոտ համապատասխան արտադրանքի արտադրության, արդիականացման և զարգացման համար բավարար ծավալով տեխնիկական փաստաթղթերի նկատմամբ իրավունքների առկայություն՝ առնվազն 2 տարի ժամկետով.
անդամ պետություններից մեկի տարածքում արտադրանքի վերանորոգում, հետվաճառքային և երաշխիքային սպասարկում իրականացնելու համար լիազորված սերվիսային կենտրոնի առկայություն.
ապրանքի արտադրության համար երրորդ երկրների ծագում ունեցող նյութերի տոկոսային մասնաբաժնի պահպանում՝ ապրանքի արտադրության համար անհրաժեշտ նյութերի ընդհանուր քանակի 10 տոկոսից ոչ ավելի.
անդամ պետության տարածքում հետևյալ գործողությունների կատարում՝
մեկուսապատվածքի պատրաստում.
փաթույթների կծկում.
մագնիսապարփակչի հավաքում.
ակտիվ մասի հավաքում.
ճյուղերի միացում.
չորացում.
ակտիվ մասի տեղադրումը բաքում.
վակուումացում.
հեղուկ դիէլեկտրիկով տրանսֆորմատորի լիցքավորումը |
|
8504 33 000 9 Այլ տրանսֆորմատորներ 16 կՎԱ-ից ավելի, բայց 500 կՎԱ-ից ոչ ավելի հզորությամբ |
անդամ պետության իրավաբանական անձ-հարկային ռեզիդենտի մոտ համապատասխան արտադրանքի արտադրության, արդիականացման և զարգացման համար բավարար ծավալով տեխնիկական փաստաթղթերի նկատմամբ իրավունքների առկայություն՝ առնվազն 2 տարի ժամկետով. |
|
8504 34 000 0 Այլ տրանսֆորմատորներ 500 կՎԱ-ից ավելի հզորությամբ |
անդամ պետություններից մեկի տարածքում արտադրանքի վերանորոգում, հետվաճառքային և երաշխիքային սպասարկում իրականացնելու համար լիազորված սերվիսային կենտրոնի առկայություն.
ապրանքի արտադրության համար երրորդ երկրների ծագում ունեցող նյութերի տոկոսային մասնաբաժնի պահպանում՝ ապրանքի արտադրության համար անհրաժեշտ նյութերի ընդհանուր քանակի 10 տոկոսից ոչ ավելի.
անդամ պետության տարածքում հետևյալ գործողությունների կատարում.
մեկուսապատվածքի պատրաստում.
փաթույթների կծկում.
մագնիսապարփակչի հավաքում.
ակտիվ մասի հավաքում.
ճյուղերի միացում»: |
3. XI բաժինը «6307 90 980 0-ից Բժշկական դիմակներ (բացառությամբ FFP1, FFP2, FFP3 պաշտպանության զտող դասերի կիսադիմակների)» դիրքից առաջ լրացնել հետևյալ բովանդակությամբ դիրքերով.
|
«3808 94 Ախտահանող միջոցներ
|
անդամ պետության իրավաբանական անձ-հարկային ռեզիդենտի մոտ համապատասխան արտադրանքի արտադրության համար բավարար ծավալով տեխնիկական փաստաթղթերի նկատմամբ իրավունքների առկայություն՝ առնվազն 5 տարի ժամկետով.
արտադրության ժամանակ օգտագործված երրորդ երկրների նյութերի արժեքի տոկոսային մասի պահպանում՝ ապրանքի գնի 50 տոկոսից ոչ ավելի |
4. 5-րդ տողատակի ծանոթագրության 3-րդ ենթակետը տանսմեկերորդ պարբերությունից հետո լրացնել հետևյալ բովանդակությամբ պարբերությամբ.
«3808 94 800 0 «Ախտահանող միջոցներ (բացառությամբ սույն հավելվածի XI բաժնով նախատեսված ապրանքների)»՝ 200 բալից ոչ պակաս.»:
Պաշտոնական հրապարակման օրը՝ 10 հունվարի 2024 թվական: