ԿՈՏԱՅՔԻ ՄԱՐԶ

ՀՐԱԶԴԱՆ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

10 սեպտեմբեր 2021 թվականի N 157-Ն

ԿԱՌՈՒՑԱՊԱՏԱՄԱՆ ԿԱՄ ՎԱՐՁԱԿԱԼՈՒԹՅԱՆ ԻՐԱՎՈՒՆՔՈՎ ՏՐԱՄԱԴՐՎԱԾ ՀՈՂԱՄԱՍԵՐԻ ՆԿԱՏՄԱՄԲ ԻՐԱՎՈՒՆՔՆԵՐԸ ԴԱԴԱՐԵՑՆԵԼՈՒ ԵՎ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՈՒՄԻՑ ԱԶԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության Քաղաքացիական օրենսգրքի 431-րդ հոդվածով, Հայաստանի Հանրապետության Հողային օրենսգրքի 1-ին հոդվածով, 48-րդ հոդվածի 1-ին մասով, 56-րդ հոդվածի 5-րդ մասով, 112-րդ հոդվածի 2-րդ մասով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ և 42-րդ կետերով.

Հրազդան համայնքի ավագանին ՈՐՈՇՈՒՄ Է՝

1.Սահմանել, որ Հրազդան համայնքի սեփականություն հանդիսացող հողամասերի նկատմամբ կառուցապատման կամ վարձակալության իրավունք ունեցող անձանց կողմից հողամասերի նկատմամբ իրավունքից հրաժարվելու դեպքում կազատվեն այդ հողամասերի վարձակալության կամ կառուցապատման իրավունքի պայմանագրերի հիման վրա գոյացած վարձավճարի (վճարի) գծով պարտավորությունների կատարումից:

2.Գոյացած վարձավճարի (վճարի) գծով պարտավորությունների կատարումից ազատման հիմք է հանդիսանում հողամասի նկատմամբ կառուցապատման կամ վարձակալության իրավունքի դադարման պետական գրանցումը:

3.Սույն որոշումն ուժի մեջ է մտնում պաշտոնական հրապարակման հաջորդ օրը և գործում է մինչև 2021 թվականի դեկտեմբերի 31-ը:

Համայնքի ղեկավար`	Ս. Միքայելյան
10 սեպտեմբեր 2021 թ. ք. Հրազդան

Պաշտոնական հրապարակման օրը` 23 սեպտեմբերի 2021 թվականի: