ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔԻ ԱՎԱԳԱՆԻ

12 սեպտեմբերի 2023 թ.

N 854-Ն

ԵՐԵՎԱՆ ՔԱՂԱՔԻ ԱՎԱԳԱՆՈՒ 2023 ԹՎԱԿԱՆԻ ՓԵՏՐՎԱՐԻ 14-Ի N 718-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով՝

Երևան քաղաքի ավագանին որոշում է.

1. Երևան քաղաքի ավագանու 2023 թվականի փետրվարի 14-ի «Երևան համայնքի վարչական տարածքում հանրային սննդի ծառայություն մատուցող անձանց տվյալ օբյեկտին հարակից ընդհանուր օգտագործման տարածքներում ամառային (մայիսի 1-ից մինչև հոկտեմբերի 31-ը ներառյալ) և ձմեռային (նոյեմբերի 1-ից մինչև ապրիլի 30-ը ներառյալ) սեզոններին հանրային սննդի ծառայության կազմակերպման համար տարածքի օգտագործման կարգը, պայմաններն ու սահմանափակումները սահմանելու մասին» N 718-Ն որոշման հավելվածում կատարել հետևյալ փոփոխությունը և լրացումները․

1) 3-րդ կետի 4-րդ ենթակետի «համապատասխան,» բառից հետո լրացնել «թղթային՝ 2 օրինակից և էլեկտրոնային տարբերակով,» բառերը,

2) 3-րդ կետի 5-րդ ենթակետը ճանաչել ուժը կորցրած,

3) 7-րդ կետի 3-րդ ենթակետի «գոտին» բառից հետո լրացնել «և հետիոտնի երթևեկության համար նախատեսված ազատ անցուղին» բառերը,

4) 16-րդ կետի 2-րդ ենթակետում «մասշտաբով,» բառից հետո լրացնել «որտեղ նշվում են տարածքի ուրվագծային չափերը և մակերեսը,» բառերը։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Երևանի քաղաքապետի առաջին տեղակալ, Երևանի քաղաքապետի պաշտոնակատար	Լ.  Հովհաննիսյան
2023 թ. սեպտեմբերի 12 Երևան

Պաշտոնական հրապարակման օրը՝ 18 սեպտեմբերի 2023 թվական: