ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
Ո Ր Ո Շ ՈՒ Մ
ԿՈԴ
050.0123 Ն. 08.08.23
|
08 օգոստոսի 2023 թվականի |
թիվ 123-Ն |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2011 ԹՎԱԿԱՆԻ ՄԱՅԻՍԻ 2-Ի ԹԻՎ 117-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Նպատակ ունենալով ապահովել ֆոնդերի գրանցման միասնական ընթացակարգը և վերացնել կարգավորման ասիմետրիան,
հիմք ընդունելով «Ներդրումային ֆոնդերի մասին» օրենքի 21-րդ հոդվածի 2-րդ մասը և 61-րդ հոդվածի 4-րդ մասը,
ղեկավարվելով «Հայաստանի Հանրապետության կենտրոնական բանկի մասին» օրենքի 2-րդ հոդվածի 3-րդ մասով, 20-րդ հոդվածի 1-ին մասի «ե» կետով, «Նորմատիվ իրավական ակտերի մասին» օրենքի 33-րդ հոդվածի 1-ին և 3-րդ մասերով և 34-րդ հոդվածով` Հայաստանի Հանրապետության կենտրոնական բանկի խորհուրդը
Որոշում է․
1. Հայաստանի Հանրապետության կենտրոնական բանկի խորհրդի 2011 թվականի մայիսի 2-ի ««Ներդրումային ֆոնդի (ֆոնդի կանոնների) գրանցումը, օտարերկրյա ներդրումային ֆոնդի արժեթղթերը Հայաստանի Հանրապետությունում վաճառելու համար նախնական թույլտվություն տրամադրելու կարգն ու պայմանները» կանոնակարգ 10/11-ը հաստատելու մասին» թիվ 117-Ն որոշմամբ հաստատված «Ներդրումային ֆոնդի (ֆոնդի կանոնների) գրանցումը, օտարերկրյա ներդրումային ֆոնդի արժեթղթերը Հայաստանի Հանրապետությունում վաճառելու համար նախնական թույլտվություն տրամադրելու կարգն ու պայմանները» կանոնակարգ 10/11-ում (այսուհետ՝ Կանոնակարգ) կատարել հետևյալ լրացումներն ու փոփոխությունները.
1) Կանոնակարգի նախաբանում «25-րդ հոդվածի 6-րդ մասը,» բառերից հետո լրացնել «61-րդ հոդվածի 4-րդ մասը,» բառերը:
2) Կանոնակարգի 1.1 կետը ուժը կորցրած ճանաչել:
3) Կանոնակարգի 4-րդ կետը շարադրել հետևյալ խմբագրությամբ.
«4. Սույն կանոնակարգով պահանջվող բոլոր փաստաթղթերը Կենտրոնական բանկ են ներկայացվում էլեկտրոնային տարբերակով` Սի-Բի-Էյ-նեթ համակարգի միջոցով կամ կարգավորվող շուկայի օպերատորի առցանց գրանցման համակարգի միջոցով, իսկ անհնարինության դեպքում` էլեկտրոնային կրիչով կամ պատվիրված նամակով, կամ առձեռն Կենտրոնական բանկ մուտքագրման միջոցով: Ընդ որում, փաստաթղթերը ներկայացվում են հայերեն, Յունիկոդ տառատեսակով, «Փի Դի Էֆ» ֆորմատով:»:
4) Կանոնակարգի 4.3-րդ կետը շարադրել հետևյալ խմբագրությամբ.
«4.3. Սույն կանոնակարգով սահմանված փաստաթղթերը, ինչպես նաև ի լրումն ներկայացվող փաստաթղթերն ու տեղեկությունները Կենտրոնական բանկ են ներկայացվում կից միջնորդագրով (դիմումով)` ստորագրված կառավարման իրավասու մարմնի կողմից:»:
5) Կանոնակարգի 4.9-րդ կետի «մասին» բառից հետո լրացնել «ինչպես նաև նշվում է նախկինում արդեն ներկայացված տեղեկատվության ամսաթիվը» բառերը:
6) Կանոնակարգի 12-րդ կետի 6-րդ ենթակետն ուժը կորցրած ճանաչել:
7) Կանոնակարգի 18-րդ կետի 10-րդ ենթակետը շարադրել հետևյալ խմբագրությամբ.
«10) փոստային և էլեկտրոնային հասցեները, որով ֆոնդը (կառավարիչը, իսկ եթե ոչ հրապարակային ֆոնդի գործադիր կառավարումը պատվիրակվել է կառավարիչ չհանդիսացող այլ անձի՝ այդ անձը) համաձայն կլինի ստանալ իրեն վերաբերող փաստաթղթերն ու ծանուցումները և իրականացնել նամակագրություն:»:
8) Կանոնակարգի 18-րդ կետը լրացնել հետևյալ բովանդակությամբ 12-14-րդ ենթակետերով.
«12) ֆոնդի մասնակիցների ռեեստրավարի անվանումը և գտնվելու վայրը,
13) միջնորդագիր ներկայացրած անձի իրական շահառուի վերաբերյալ տեղեկություններ՝ համաձայն Հայաստանի Հանրապետության կենտրոնական բանկի խորհրդի 2011 թվականի մայիսի 2-ի թիվ 116-Ն որոշման,
14) ֆոնդի ֆիրմային անվանման գրանցման հայտ (կորպորատիվ ֆոնդի դեպքում), որին ներկայացվող պահանջները, դրա հետ ներկայացվող փաստաթղթերի ցանկը, ինչպես նաև հայտի քննարկման ու ֆիրմային անվանման և դրա փոփոխությունների գրանցման հետ կապված հարաբերությունները կարգավորվում են Կենտրոնական բանկի և Հայաստանի Հանրապետության կառավարության լիազոր մարմնի կողմից համատեղ սահմանված կարգով:»:
9) Կանոնակարգի 21-րդ կետը շարադրել հետևյալ խմբագրությամբ.
«21. Կենտրոնական բանկի խորհուրդը որոշում է կայացնում ֆոնդի գրանցման կամ գրանցումը մերժելու մասին սույն կանոնակարգի 18-րդ կետի 1-ին ենթակետով նախատեսված միջնորդագիրը և կից ներկայացվող փաստաթղթերը ներկայացնելու պահից (միջնորդավորված ընթացակարգով դիմելու դեպքում՝ փաստաթղթերը և տեղեկությունները Կենտրոնական բանկի կողմից ստանալու պահից) 10 աշխատանքային օրվա ընթացքում:»:
10) Կանոնակարգի 26-րդ կետը լրացնել հետևյալ բովանդակությամբ 10-13-րդ ենթակետերով.
«10) փոստային և էլեկտրոնային հասցեները, որով ֆոնդը (կառավարիչը, իսկ եթե ոչ հրապարակային ֆոնդի գործադիր կառավարումը պատվիրակվել է կառավարիչ չհանդիսացող այլ անձի՝ այդ անձը) համաձայն կլինի ստանալ իրեն վերաբերող փաստաթղթերն ու ծանուցումները և իրականացնել նամակագրություն,
11) ֆոնդի մասնակիցների ռեեստրավարի անվանումը և գտնվելու վայրը,
12) միջնորդագիր ներկայացրած անձի իրական շահառուի վերաբերյալ տեղեկություններ՝ համաձայն Հայաստանի Հանրապետության կենտրոնական բանկի խորհրդի 2011 թվականի մայիսի 2-ի թիվ 116-Ն որոշման,
13) ֆոնդի ֆիրմային անվանման գրանցման հայտ (կորպորատիվ ֆոնդի դեպքում), որին ներկայացվող պահանջները, դրա հետ ներկայացվող փաստաթղթերի ցանկը, ինչպես նաև հայտի քննարկման ու ֆիրմային անվանման և դրա փոփոխությունների գրանցման հետ կապված հարաբերությունները կարգավորվում են Կենտրոնական բանկի և Հայաստանի Հանրապետության կառավարության լիազոր մարմնի կողմից համատեղ սահմանված կարգով:»:
11) Կանոնակարգի 29-րդ կետը շարադրել հետևյալ խմբագրությամբ.
«29. Կենտրոնական բանկի խորհուրդը որոշում է կայացնում ֆոնդի կանոնների գրանցման կամ գրանցումը մերժելու մասին սույն կանոնակարգի 26-րդ կետի 1-ին ենթակետով նախատեսված միջնորդագիրը և կից ներկայացվող փաստաթղթերը ներկայացնելու պահից (միջնորդավորված ընթացակարգով դիմելու դեպքում՝ փաստաթղթերը և տեղեկությունները Կենտրոնական բանկի կողմից ստանալու պահից) 10 աշխատանքային օրվա ընթացքում:»:
12) Կանոնակարգը 32-րդ կետից հետո լրացնել հետևյալ բովանդակությամբ նոր 8-րդ գլխով և 32.1-32.6-րդ կետերով՝ «ԳԼՈՒԽ 8. ՈՉ ՀՐԱՊԱՐԱԿԱՅԻՆ ՖՈՆԴԻ ՄԻՋՆՈՐԴԱՎՈՐՎԱԾ ԸՆԹԱՑԱԿԱՐԳՈՎ ԿԱՆՈՆՆԵՐԻ (ԿԱՆՈՆԱԴՐՈՒԹՅԱՆ) ԵՎ ՓՈՓՈԽՈՒԹՅՈՒՆՆԵՐԻ ԳՐԱՆՑՈՒՄԸ».
«32.1 Ոչ հրապարակային ֆոնդի կանոնների (կանոնադրության) և փոփոխությունների գրանցումը կարող է իրականացվել միջնորդավորված ընթացակարգով՝ Կենտրոնական բանկի խորհրդի 2021 թվականի մայիսի 25-ի թիվ 80-Ն որոշման 4-րդ կետի երրորդ ենթակետով նախատեսված ծառայություններ մատուցելու իրավունք ունեցող կարգավորվող շուկայի օպերատորի (այսուհետ՝ միջնորդ ընկերություն) առցանց գրանցման համակարգի միջոցով:
32.2 Միջնորդավորված ընթացակարգով ֆոնդի կանոնների (կանոնադրության) գրանցման համար կարող է դիմել միայն Օրենքով սահմանված ֆոնդի կառավարման լիցենզիա ստացած անձը կամ իրավաբանական անձը, որն իրականացնելու է տվյալ ֆոնդի գործադիր կառավարումը։
32.3 Ֆոնդի կանոնները (կանոնադրությունը) միջնորդավորված ընթացակարգով գրանցելու նպատակով միջնորդագիր ներկայացրած անձը միջնորդ ընկերության առցանց գրանցման համակարգի միջոցով ներկայացնում է կորպորատիվ ֆոնդի դեպքում՝ սույն կանոնակարգի 18-րդ կետով, իսկ պայմանագրային ֆոնդի դեպքում՝ 26-րդ կետով սահմանված փաստաթղթերը:
32.4 Կենտրոնական բանկը կարող է միջնորդագիր ներկայացրած անձից պահանջել լրացուցիչ տեղեկություններ և փաստաթղթեր, որոնք անհրաժեշտ են սույն կանոնակարգի 32.3-րդ կետով ներկայացված փաստաթղթերի հավաստիությունը գնահատելու համար:
32.5 Կենտրոնական բանկը միջնորդավորված ընթացակարգով ֆոնդի կանոնները (կանոնադրությունը) գրանցելու կամ գրանցումը մերժելու մասին որոշումը կայացնելու պահից 2 աշխատանքային օրվա ընթացքում այն փոխանցում է միջնորդագիր ներկայացրած անձին՝ միջնորդ ընկերության առցանց գրանցման համակարգի միջոցով:
32.6 Միջնորդավորված ընթացակարգով գրանցված ֆոնդի կանոնների՝ սույն կանոնակարգի 23-րդ կամ 30-րդ կետով սահմանված փոփոխությունները կարող են ներկայացվել սույն կանոնակարգի 4-րդ կետով սահմանված եղանակներով:»:
13) Կանոնակարգի 40-րդ կետի 3-րդ ենթակետը շարադրել հետևյալ խմբագրությամբ.
«3) Օտարերկրյա ֆոնդի արժեթղթերը Հայաստանի Հանրապետությունում վաճառելու ռազմավարության հակիրճ նկարագիրը,»:
14) Կանոնակարգի հավելված 1-ի աղյուսակը լրացնել 1.1-1.3-րդ կետերով՝ հետևյալ բովանդակությամբ.
| « |
|
»: |
15) Կանոնակարգի հավելված 2-ի աղյուսակը լրացնել 1.1-1.3-րդ կետերով՝ հետևյալ բովանդակությամբ.
| « |
|
»: |
16) Կանոնակարգի հավելված 6-ի աղյուսակը «Կազմակերպության հիմնական գործունեության հակիրճ նկարագրությունը» պարբերությունից հետո լրացնել հետևյալ բովանդակությամբ պարբերությամբ.
| « |
|
»: |
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության կենտրոնական բանկի նախագահի տեղակալ` |
Ա. Նուրբեկյան |
|
Երևան |
Պաշտոնական հրապարակման օրը՝ 15 օգոստոսի 2023 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|