ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 

Օ Ր Ե Ն Ք Ը

Ընդունված է ՀՀ Նախագահի

առարկությունով և առաջարկություններով

2007 թվականի դեկտեմբերի 18-ին 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆՏՐԱԿԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ 

Հոդված 1. Հայաստանի Հանրապետության ընտրական օրենսգրքի (5 փետրվարի 1999 թվականի, այսուհետ` օրենսգիրք) 14-րդ հոդվածի 5-րդ կետը շարադրել հետևյալ խմբագրությամբ. 

«5. Ընտրողների ցուցակներում անճշտությունների վերաբերյալ վեճերը կարող են բողոքարկվել Հայաստանի Հանրապետության վարչական դատավարության օրենսգրքով սահմանված կարգով և ժամկետներում:»: 

Հոդված 2. Օրենսգրքի 17¹ -րդ հոդվածի 7-րդ կետում «որոշման պաշտոնական հրապարակման պահից 7 օրվա ընթացքում» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 3. Օրենսգրքի 18-րդ հոդվածի 8-րդ կետում «հնգօրյա ժամկետում, իսկ քվեարկությանը նախորդող 5 օրվա ընթացքում` անհապաղ» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 4. Օրենսգրքի 40-րդ հոդվածում` 

1) 2-րդ կետի «ընտրատարածքային ընտրական հանձնաժողովի գտնվելու վայրի առաջին ատյանի» բառերը փոխարինել «վարչական» բառով, իսկ «և տեղական ինքնակառավարման մարմինների ընտրությունների» բառերը հանել.

2) 3-րդ կետի «վերաքննիչ» բառը փոխարինել «վարչական» բառով.

3) 5-րդ կետի «որոշումը հրապարակվելուց, գործողությունը կատարվելուց կամ անգործության հետևանքով օրենսդրության խախտումը հայտնաբերվելուց հետո` երկօրյա ժամկետում, բայց ոչ ուշ, քան քվեարկության օրվանից մինչև 5 օր հետո` մինչև ժամը 12.00-ն, բացառությամբ սույն հոդվածի 6-րդ, 9-րդ և 12-րդ կետերով սահմանված դեպքերի» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում, բացառությամբ սույն հոդվածի 6-րդ և 9-րդ կետերով սահմանված դեպքերի» բառերով.

4) 8-րդ, 10-րդ, 11-րդ և 12-րդ կետերն ուժը կորցրած ճանաչել: 

Հոդված 5. Օրենսգրքի 75-րդ հոդվածի 1-ին կետում «որոշումն ընդունելու օրվանից եռօրյա ժամկետում կարող է բողոքարկվել դատարան» բառերը փոխարինել «որոշումը կարող է բողոքարկվել Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 6. Օրենսգրքի 79-րդ հոդվածի 10-րդ կետի երկրորդ նախադասությունը հանել:

Հոդված 7. Օրենսգրքի 102-րդ հոդվածի 8-րդ կետում «, այն ընդունվելու օրվանից եռօրյա ժամկետում, կարող է բողոքարկվել դատարան» բառերը փոխարինել «, կարող է բողոքարկվել Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 8. Օրենսգրքի 108-րդ հոդվածի 9-րդ կետում «ընդունման օրվանից եռօրյա ժամկետում» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 9. Օրենսգրքի 124-րդ հոդվածի 4-րդ կետում «որոշումն ընդունվելու օրվանից եռօրյա ժամկետում» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 10. Օրենսգրքի 133-րդ հոդվածի 6-րդ կետում «այն ընդունելուց հետո` 3 օրվա ընթացքում» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 11. Օրենսգրքի 134-րդ հոդվածի 9-րդ կետում «այն ընդունելուց հետո` 3 օրվա ընթացքում» բառերը փոխարինել «Հայաստանի Հանրապետության վարչական դատավարության օրենսգրքով սահմանված կարգով և ժամկետներում» բառերով: 

Հոդված 12. Սույն օրենքն ուժի մեջ է մտնում 2008 թվականի հունվարի 1-ից:

Հայաստանի Հանրապետության Նախագահ	Ռ. Քոչարյան
2007 թ. դեկտեմբերի 20 Երևան ՀՕ-285-Ն