«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԱՔՍԱՅԻՆ ՍԱՀՄԱՆԻՆ ԵՎ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԱՔՍԱՅԻՆ ՏԱՐԱԾՔՈՒՄ ԱՆԱՍՆԱԲՈՒԺԱԿԱՆ ՀՍԿՈՂՈՒԹՅՈՒՆ (ՎԵՐԱՀՍԿՈՂՈՒԹՅՈՒՆ) ԻՐԱԿԱՆԱՑՆԵԼՈՒ ՄԻԱՍՆԱԿԱՆ ԿԱՐԳԻ ՄԱՍԻՆ» ՀԻՄՆԱԴՐՈՒՅԹՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Սանիտարական, անասնաբուժասանիտարական և կարանտինային բուսասանիտարական միջոցառումների իրականացման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 12 հավելված) 9-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 49-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2010 թվականի հունիսի 18-ի թիվ 317 որոշմամբ հաստատված՝ «Եվրասիական տնտեսական միության մաքսային սահմանին և Եվրասիական տնտեսական միության մաքսային տարածքում անասնաբուժական հսկողություն (վերահսկողություն) իրականացնելու միասնական կարգի մասին» հիմնադրույթում կատարել փոփոխություններ՝ հավելվածի համաձայն:

2. Սույն որոշումն ուժի մեջ է մտնում դրա պաշտոնական հրապարակման օրվանից 180 օրացուցային օրը լրանալուց հետո։

1. Լրացնել հետևյալ բովանդակությամբ 6.13 և 6.14 կետերով՝

«6.13. Միության մաքսային տարածք հսկողության ենթակա այն ապրանքները ներմուծելիս, որոնք, միասնական անասնաբուժական պահանջներին համապատասխան, պետք է ուղեկցվեն անասնաբուժական սերտիֆիկատներով, արտահանող երկրի իրավասու մարմնի հետ համաձայնեցմամբ, անասնաբուժական հսկողության ընթացակարգի անցկացումն արագացնելու համար հնարավոր է հսկողության ենթակա ապրանքի համար տրված անասնաբուժական սերտիֆիկատի մասին նախնական ծանուցման մեխանիզմի կիրառում՝ թիվ 81 հավելվածի համաձայն սահմանված ձևով։ Նախնական ծանուցումն ուղարկվում է արտահանող երկրի իրավասու մարմնի կողմից այն անդամ պետության լիազորված մարմին, որն ապրանքի նշանակման երկիրն է, էլեկտրոնային փոստի միջոցով, համապատասխան վեբ ձևը լրացնելու կամ այլ այնպիսի եղանակով, որը համաձայնեցված է արտահանող երկրի իրավասու մարմնի և այդ անդամ պետության լիազորված մարմնի կողմից։ Արտահանող երկրի իրավասու մարմնի կողմից տրված, էլեկտրոնային տարբերակով ձևակերպված անասնաբուժական սերտիֆիկատի ուղեկցությամբ հսկողության ենթակա ապրանքը ներմուծելու դեպքում նախնական ծանուցման մեխանիզմ չի կիրառվում։

6.14. Ապրանքի նշանակման երկիր հանդիսացող անդամ պետության լիազորված մարմնի պաշտոնատար անձինք կարող են պակասեցնել սույն հիմնադրույթի 6.5 և 6.10 կետերում նշված՝ երրորդ երկրներից ներմուծված հսկողության ենթակա ապրանքների (արտադրանքի) զննվող խմբաքանակներն անցակետերում և այն ապրանքների նշանակման (առաքման) վայրերում` ելնելով Մաքսային միության հանձնաժողովի 2011 թվականի հոկտեմբերի 18-ի թիվ 835 որոշման համաձայն անցկացված ռիսկի գնահատման արդյունքներից, ինչպես նաև հաշվի առնելով արտաքին տնտեսական գործունեության մասնակիցների կողմից խախտումների բացակայությունը, որոնց հայտնաբերման դեպքում նշված պաշտոնատար անձանց կողմից ձևակերպվել են ակտեր՝ թիվ 1 և 6 հավելվածների համաձայն սահմանված ձևերով։»։

2. Լրացնել հետևյալ բովանդակությամբ թիվ 81 հավելվածով՝

«Հավելված թիվ 81

(ձև)

Պաշտոնական հրապարակման օրը՝ 4 մայիսի 2023 թվական: