ԵՐԵՎԱՆԻ ՔԱՂԱՔԱՊԵՏ
|
14 հոկտեմբերի 2020 թ. |
Հ. 3247-Ա |
Ո Ր Ո Շ ՈՒ Մ
«ԵՐԵՎԱՆԻ Հ.176 ՀԻՄՆԱԿԱՆ ԴՊՐՈՑ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿՈԼԵԳԻԱԼ ԿԱՌԱՎԱՐՄԱՆ ՄԱՐՄՆԻ՝ ԽՈՐՀՐԴԻ ԱՆԴԱՄՆԵՐԻ ԼԻԱԶՈՐՈՒԹՅՈՒՆՆԵՐԸ ԴԱԴԱՐԵՑՆԵԼՈՒ ԵՎ ԵՐԵՎԱՆԻ ՔԱՂԱՔԱՊԵՏԻ 2016 ԹՎԱԿԱՆԻ ՓԵՏՐՎԱՐԻ 25-Ի N 632 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ հոդվածի 1-ին մասի 1-ին կետով, «Հանրակրթության մասին» օրենքի 11-րդ հոդվածի 3-րդ մասի 1-ին և 4-րդ կետերով, Հայաստանի Հանրապետության կառավարության 2002 թվականի հուլիսի 25-ի N1392-Ն որոշման N 3 հավելվածի 32-րդ կետով, Հայաստանի Հանրապետության կրթության և գիտության նախարարի 2010 թվականի մարտի 18-ի N 113-Ն հրամանով հաստատված կարգով, հիմք ընդունելով Արմինե Արայիկի Աղաբաբյանի անձնական դիմումը և «Երևանի հ.176 հիմնական դպրոց» ՊՈԱԿ-ի 24.09.2020 թվականի կոլեգիալ կառավարման մարմնի՝ խորհրդի որոշումը (արձանագրություն հ.9) և Երևանի քաղաքապետարանի աշխատակազմի հանրակրթության վարչության պետի ժամանակավոր պաշտոնակատարի 07.10.2020թ. հ.12-Ա9644, 12-99769 զեկուցագիրը.
1. Դադարեցնել «Երևանի հ.176 հիմնական դպրոց» ՊՈԱԿ-ի կառավարման խորհրդի անդամների՝ Արմինե Արայիկի Աղաբաբյանի և Արմեն Սամվելի Ավետիսյանի լիազորությունները:
2. Երևանի քաղաքապետի 2016 թվականի փետրվարի 19-ի «Երևանի Աջափնյակ, Արաբկիր, Ավան, Դավթաշեն, Էրեբունի, Կենտրոն, Մալաթիա-Սեբաստիա, Նոր Նորք, Նորք-Մարաշ, Նուբարաշեն, Շենգավիթ, Քանաքեռ-Զեյթուն վարչական շրջանների հանրակրթական և հատուկ հանրակրթական դպրոց պետական ոչ առևտրային կազմակերպությունների կոլեգիալ կառավարման մարմինների՝ խորհուրդների կազմերը հաստատելու մասին» N 632-Ա որոշման հավելվածի 92-րդ կետում կատարել հետևյալ փոփոխությունները՝
1) 5-րդ սյունակում՝ «Աղաբաբյան Արմինե Արայիկի» բառերը փոխարինել «Միրզոյան Սաթենիկ Վարդանի» բառերով, իսկ «Ավետիսյան Արմեն Սամվելի» բառերը՝ «Վարժապետյան Արիանա Վահագնի» բառերով.
2) 6-րդ սյունակում՝ «Երևանի քաղաքապետարանի աշխատակազմի իրավաբանական վարչության առաջատար մասնագետ» բառերը փոխարինել ««Ա.Ցիցիկյանի անվան երաժշտական դպրոց» ՀՈԱԿ, ջութակի ուսուցիչ» բառերով, իսկ «Երևանի քաղաքապետարանի աշխատակազմի տարածքային և հասարակական կարգի պահպանման ծառայության երրորդ բաժնի առաջին կարգի մասնագետ» բառերը՝ ««Ստեփան Ջրբաշյանի անվան երաժշտական դպրոց» ՀՈԱԿ, դաշնամուրային բաժնի դասատու» բառերով:
3. Սույն որոշման կատարման կազմակերպումը և պատասխանատվությունը դնել Երևանի քաղաքապետարանի աշխատակազմի հանրակրթության վարչության պետի վրա:
4. Որոշման կատարման հսկողությունը դնել Երևանի քաղաքապետի տեղակալ Տ.Վիրաբյանի վրա:
|
Երևանի քաղաքապետ |
Հ. ՄԱՐՈՒԹՅԱՆ |