ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

«ԳԻՏԱՏԵԽՆԻԿԱԿԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ» ՁԵՎ 1-ԳԻՏՈՒԹՅՈՒՆ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՕԳՈՍՏՈՍԻ 19-Ի ԹԻՎ 196-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Գիտատեխնիկական աշխատանքների կատարման մասին» Ձև 1-գիտություն (տարեկան) վիճակագրական հաշվետվության ձևը՝ համաձայն հավելված 1-ի:

2. Հաստատել «Գիտատեխնիկական աշխատանքների կատարման մասին» Ձև 1-գիտություն (տարեկան) վիճակագրական հաշվետվության լրացման հրահանգը՝ համաձայն հավելված 2-ի:

(2-րդ կետը փոփ. 22.12.22 թիվ 12-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 19-ի ««Հաշվետվություն գիտատեխնիկական աշխատանքների կատարման մասին» Ձև թիվ 1-գիտություն պետական վիճակագրական հաշվետվության ձևը և լրացման հրահանգը հաստատելու մասին» թիվ 196-Ն որոշումը:

4. Սույն որոշումն ուժի մեջ է մտնում 2019 թվականի հունվարի 1-ից:

Նախագահ՝

Ս. Մնացականյան

(հավելվածը խմբ. 22.12.22 թիվ 12-Ն)

Հ Ր Ա Հ Ա Ն Գ

1. Սույն հրահանգը կարգավորում է «Գիտատեխնիկական աշխատանքների կատարման մասին» Ձև 1-գիտություն (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը լրացնում են գիտական կամ գիտատեխնիկական կազմակերպությունները (միավորումներ, բարձրագույն ուսումնական հաստատություններ, նախագծակոնստրուկտորական, տեխնոլոգիական, կազմակերպություններ) (այսուհետ՝ ռեսպոնդենտներ), որոնք հաշվետու տարում զբաղվել են կամ ունեցել են գիտատեխնիկական աշխատանքներով զբաղվող ստորաբաժանումներ և որոնք այդ մասին նախապես իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության վիճակագրական կոմիտե՝ մինչև հաշվետու ժամանակաշրջանին հաջորդող տարվա մարտի 25-ը:

4. Սույն հրահանգի իմաստով.

1) գիտատատեխնիկական աշխատանքներ են համարվում գիտական հետազոտությունները և մշակումները, նախագծակոնստրուկտորական, տեխնոլոգիական, շինարարության համար նախագծային աշխատանքները, արտադրանքի փորձանմուշների պատրաստումը և գիտատեխնիկական ծառայությունները.

2) գիտական և գիտատեխնիկական գործունեություն է համարվում ձեռք բերած գիտելիքների ընդլայնմանը և նոր գիտելիքների ստացմանն ու կիրառմանն ուղղված մտավոր ստեղծագործական գործունեությունը ներառյալ`

ա. հիմնարար գիտական հետազոտություններ` բնության օրենքների, մարդու գործունեության, հասարակության կառուցվածքի և զարգացման հիմնական օրինաչափությունների մասին ունեցած գիտելիքների ընդլայնմանն ու նոր գիտելիքների ձեռքբերմանն ուղղված տեսական կամ փորձարարական գործունեություն,

բ. կիրառական գիտական հետազոտություններ` հիմնականում գործնական նշանակություն ունեցող, որոշակի խնդիրների լուծմանը նպատակաուղղված հետազոտություններ,

գ. փորձարարական մշակումներ` գիտական հետազոտությունների կամ գործնական փորձի միջոցով ձեռք բերված գիտելիքների վրա հիմնված և մարդու կյանքի ու առողջության պահպանմանը, նոր նյութերի, արտադրանքի, ծառայությունների, համակարգերի կամ մեթոդների ստեղծմանը և դրանց հետագա կատարելագործմանն ուղղված գործունեություն.

3) Գիտական հետազոտություններ և մշակումներ համարվում է գիտական գործունեությունը, որը իրականացվում է գիտական գիտելիքների հարստացման և նրանց փորձնական կիրառության նոր ոլորտների որոնման նպատակով: Ընդ որում գիտական հետազոտությունների և մշակումների մեջ չեն ներառվում`

ա. կադրերի ուսուցումն ու պատրաստումը,

բ. գիտատեխնիկական գործունեության և ծառայությունների այլ ձևեր գիտատեխնիկական ծառայություններ, այդ թվում` մարկետինգ, որևէ կոնկրետ գործունեության չվերաբերող, ընդհանուր նշանակության տվյալների հավաքում և մշակում, փորձարկումներ և չափորոշումներ, մինչնախագծային աշխատանքներ, մասնագիտացված բժշկական ծառայություններ, գոյություն ունեցող ծրագրային ապահովման աջակցություն և ուղեկցում,

գ. արտադրական գործունեություն (ներառյալ նորույթների ներդրումը),

դ. կառավարում և այլ օժանդակ գործունեություն (հետազոտությունների և մշակումների կառավարման օրգանների գործունեության, նրանց ֆինանսավորման և այլն).

4) մշակումներ համարվում են հետազոտությունների և փորձի միջոցով ստացված` գոյություն ունեցող գիտելիքները, որոնք ուղղված են նոր նյութերի, արտադրանքի, պրոցեսների, հարմարանքների, ծառայությունների, համակարգի կամ մեթոդի ստեղծման աշխատանքներին: Նշված խմբին են վերաբերում նաև գործունեության հետևյալ տեսակները.

ա. ինժեներական օբյեկտի կամ տեխնիկական համակարգի որոշակի կոնստրուկցիայի մշակում (կոնստրուկտորական աշխատանք),

բ. նոր օբյեկտի գաղափարների կամ տարբերակների մշակում, այդ թվում ոչ տեխնիկական, գծագրերի կամ այլ նշանային միջոցների մակարդակով (նախագծային աշխատանքներ),

գ. տեխնոլոգիական պրոցեսների մշակում` որոշակի օգտակար արդյունք ստանալու նպատակով ֆիզիկական, քիմիական, տեխնոլոգիական և այլ պրոցեսների միացումը աշխատանքայինի հետ (տեխնոլոգիական աշխատանք).

5) մասնագետ-հետազոտողներ համարվում են այն անձինք, ովքեր զբաղվում են գիտական հետազոտություններով և մշակումներով, անմիջականորեն ստեղծում են նոր գիտելիքներ, արտադրանք, գործընթաց, մեթոդներ, ինչպես նաև ղեկավարում են նշված աշխատանքները: Այստեղ ներառվում է նաև մասնագետ-հետազոտողների խմբի ղեկավար անձնակազմը, որն անմիջականորեն ղեկավարում է հետազոտական գործընթացը (այդ թվում` գիտական հետազոտություններ և մշակումներ կատարող գիտական կազմակերպությունների և ստորաբաժանումների ղեկավարները), ինչպես նաև գիտահետազոտական աշխատանքներին մասնակցող ասպիրանտներն և դոկտորանտները.

6) գիտատեխնիկական ծառայություններ են գիտատեխնիկական տեղեկատվության, արտոնագրերի, հավաստագրերի, չափորոշման (ստանդարտացման), որակի վերահսկման, գիտատեխնիկական խորհրդատվության և ներդրումների, ինչպես նաև գիտական գիտելիքների տարածման ու կիրառման գործունեությունը.

7) Տեխնիկները գիտական հետազոտություններին մասնակցող այն աշխատողներն են, որոնք կատարում են գիտական սարքավորումների, հաշվիչ տեխնիկայի շահագործում և սպասարկում, նյութերի, գծագրերի նախապատրաստում, փորձերի, փորձարկումների և վերլուծությունների կատարում և այլն:

5. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

6. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԳԻՏԱՏԵԽՆԻԿԱԿԱՆ ԱՇԽԱՏԱՆՔՆԵՐԻ ԿԱՏԱՐՈՒՄԸ

7. Բաժին 1-ի «100» ծածկագրով տողում լրացվում է հաշվետու տարում ավարտված և պատվիրատուի կողմից ընդունված աշխատանքների փաստացի ծավալը, իսկ «100.1» ծածկագրով տողում` գիտատեխնիկական աշխատանքների ծավալը:

8. «110» ծածկագրով տողում լրացվում է հաշվետու տարվա սկզբից փաստացի կատարված աշխատանքների ընդհանուր ծավալը, որից «110.1» ծածկագրով տողում` գիտատեխնիկական աշխատանքների ընդհանուր ծավալը, որն իր հերթին ըստ տեսակների լրացվում է «110.1.1-110.1.5» ծածկագրերով տողերում:

9. Փորձնական նմուշների պատրաստումը («110.1.3» ծածկագրով տող) ներառում է.

1) նորույթը բնորոշող առանձնահատկություններով օժտված իրական մոդելների պատրաստումը,

2) նրանց փորձարկումը ժամանակի ընթացքում, որն անհրաժեշտ է տվյալների ստացման ու փորձի կուտակման համար և անպայման պետք է արտացոլվի տեխնիկական փաստաթղթերում,

3) աշխատանքային հրահանգների, ուղեցույցների պատրաստումը:

10. «110.1.3» ծածկագրով տողում չեն ներառվում.

1) արտադրության համար դետալային գծագրերի (պատճենների) նախապատրաստումը,

2) նախաարտադրական պլանավորումը,

3) ընթացիկ արտադրության ինժեներական սպասարկումը,

4) փորձնական արտադրությունում արտադրանքի խմբաքանակի թողարկումը,

5) կողմնակի արտադրանք թողարկելու նպատակով փորձարարական հարմարանքների օգտագործումը:

11. Գիտատեխնիկական մշակումներ են համարվում նաև շինարարության համար որոշակի տիպի նախագծային աշխատանքները («110.1.4» ծածկագրով տող), որոնք նախատեսում են նախորդ հետազոտությունների արդյունքների օգտագործում: Դրա մեջ մտնում են տնտեսության և արդյունաբերության զարգացման ու տեղաբաշխման սխեմաների ու նյութերի պատրաստումը: Այստեղ չեն լրացվում արտադրող կազմակերպությունների պատվերով ոչ ստանդարտ սարքավորումների նախագծային աշխատանքների, շենքերի և շինությունների շինարարության ու հիմնավերանորոգման փաստաթղթերի պատրաստման, արտադրամասերի վերակառուցման նախագծերի ծավալները:

12. «110.1.5» ծածկագրով տողում լրացվում են գիտատեխնիկական ծառայությունները:

13. «110.2» ծածկագրով տողում լրացվում է վերը նշված տողերում չներառված աշխատանքների և ծառայությունների ծավալը:

14. Բաժին 2-ում լրացվում են տվյալներ գիտական հետազոտությունների և մշակումների փաստացի ծախսերի վերաբերյալ (ըստ ինքնարժեքի), անկախ ֆինանսավորման աղբյուրներից: Ներքին ընթացիկ ծախսերից հանվում է հիմնական միջոցների լրիվ վերականգնման համար կատարված ամորտիզացիոն հատկացումների գումարը: Դա կատարվում է ամորտիզացիոն հատկացումների մեծության որոշման ժամանակ կրկնակի հաշվարկից խուսափելու նպատակով: Հաշվետու տարում հիմնական միջոցների լրիվ վերականգնման ամորտիզացիոն հատկացումների չափերի մասին տվյալները լրացվում են «310» ծածկագրով տողում:

15. «200» ծածկագրով տողում լրացվում են համախառն ծախսերը` գիտական հետազոտությունների և մշակումների վրա կատարված ծախսերի ընդհանուր գումարը, ներառյալ նաև համակատարող կազմակերպությունների կատարած աշխատանքների (արտաքին և ներքին) ընթացիկ և կապիտալ ծախսերը:

16. «210» ծածկագրով տողում լրացվում է հաշվետու կազմակերպությունների գիտական հետազոտությունների և մշակումների համար սեփական ուժերով կատարած ներքին ծախսերը: Այստեղ չեն ներառվում այն գիտական հետազոտությունների և մշակումների արժեքները, որոնք կատարել են այլ կազմակերպություններ` հաշվետու կազմակերպության հետ պայմանագրով (այն լրացվում է «220» ծածկագրով տողում):

17. «210.1» ծածկագրով տողում լրացվում է հաշվետու կազմակերպությունների սեփական ուժերով գիտական հետազոտությունների մշակումների կատարման համար ներքին ընթացիկ ծախսերը՝ առանց ամորտիզացիոն մասհանումների:

18. «210.1.1» ծածկագրով տողում լրացվում է աշխատողների ցուցակային կազմի աշխատանքի վարձատրման ծախսերը (ներառյալ հաշվապահության, կադրային ծառայության, նյութատեխնիկական մատակարարման ստորաբաժանումների աշխատողների), բոլոր տիպի պարգևատրումները (այդ թվում` նպատակային և հատուկ նշանակության մուտքերը), բոլոր փոխհատուցումները, հավելավճարումները, արձակուրդային լրավճարումները, սոցիալական զեղչերը, ինչպես նաև համատեղողների աշխատանքի վճարումը, բերվում է սոցիալական, բժշկական, կենսաթոշակային ապահովության, զբաղվածության ֆոնդի պարտադիր մասհանումները (բացի վճարման այն տեսակներից, որոնց համար ապահովագրական անդամավճար չի սահմանված): Մասհանումները ոչ պետական կենսաթոշակային ֆոնդերին, կամավոր բժշկական ապահովագրությանը, կազմակերպության աշխատողների այլ կամավոր ապահովագրության ձևերի համար արտադրանքի (աշխատանքի, ծառայության) ինքնարժեքի մեջ չի մտնում և այս տողում ցույց չի տրվում: Աշխատավարձի ֆոնդի, սոցիալական զեղչերի և նյութական օգնության հարցերում առաջնորդվել գործող համապատասխան օրենքներով:

19. «210.1.1.1» ծածկագրով տողում լրացվում են գիտական հետազոտություններ, մշակումներ կատարող և բաժին 6-ի «600» ծածկագրով տողի սյունակ 1-ում նշված (առանց համատեղողների և քաղաքացիա-իրավական բնույթի պայմանագրով աշխատողների) անձանց աշխատանքի վարձատրման ծախսերը,

20. «210.1.2» ծածկագրով տողում լրացվում են կոնկրետ գիտական հետազոտության և մշակումների իրականացման համար անհրաժեշտ հատուկ գործիքների, հարմարանքների, սարքերի, պլակատների, ապարատների, մեխանիզմների ձեռք բերման և պատրաստման ծախսերը, ներառյալ նրանց նախագծման, տեղադրման, մոնտաժման ծախսերը: Նման ծախսերն իրականացվում են ի հաշիվ պայմանագրով կատարված աշխատանքի ինքնարժեքի, իսկ ավարտից հետո մնացած փորձնական նմուշները, մակետները, այլ արտադրանքը, պետք է վերադարձվեն պատվիրատուին: Չվերադարձնելու դեպքում, գիտական հետազոտության և մշակումների ավարտից հետո դրանք գույքագրվում են և, կախված արժեքից, մտցվում կանոնադրական հիմնական ֆոնդի կամ շրջանառու միջոցների մեջ` որպես անհատույց ստացված:

21. «210.1.3» ծածկագրով տողում լրացվում է ընթացիկ այլ ծախսերը, որոնք կապված չեն գիտական հետազոտությունների և մշակումների կատարման հետ և ցույց չեն տրված «210.1.1» և «210.1.2» ծածկագրերով տողերում: Օրինակ, գիտական կազմակերպությունների կողմից վարձակալությամբ զբաղեցրած տարածության (շենքի, շինության) ծախսերը:

22. «210.2» ծածկագրով տողում լրացվում է գիտական հետազոտությունների և մշակումների համար կատարված կապիտալ ծախսերը, որի մեջ մտնում են.

1) գիտական հետազոտությունների և մշակումների համար անհրաժեշտ շենքի շինարարության և առքի, խոշորամասշտաբ վերակառուցման, արդիականացման, վերանորոգման ծախսերը («210.2.1» ծածկագրով տող),

2) հիմնական միջոցներում ներառվող սարքավորումների ձեռք բերմանն ուղղված ծախսերը («210.2.2» ծածկագրով տող),

3) հետազոտությունների և մշակումների համար անհրաժեշտ հողային տարածքների ձեռք բերման ծախսերը («210.2.3» ծածկագրով տող),

4) այլ կապիտալ ծախսեր, որոնք կապված են գիտական հետազոտությունների և մշակումների հետ («210.2.4» ծածկագրով տող):

23. «210.2» ծածկագրով տողում չեն լրացվում գիտահետազոտական գործունեության հետ կապ չունեցող սոցիալական ու կենցաղային նշանակության օբյեկտների, բնակարանների շինարարության կապիտալ ծախսերը:

24. «220» ծածկագրով տողում լրացվում է կազմակերպության գիտական հետազոտությունների և մշակումների արտաքին ծախսերը, ներառյալ դրամաշնորհները: Դրանց մեջ լրացվում են այն հետազոտությունների և մշակումների արժեքները, որոնք իրականացվել են կողմնակի համակատարող կազմակերպությունների կողմից` հաշվետու կազմակերպությունների հետ պայմանագրերի համաձայն:

25. Սյունակ 1-ում լրացվում է հաշվետու տարվա սկզբից հետազոտությունների վրա կատարված ծախսերը, իսկ սյունակ 2-7-ում՝ ըստ գիտության ճյուղերի:

4. ԿԱԶՄԱԿԵՐՊՈՒԹՅԱՆ ՀԻՄՆԱԿԱՆ ՄԻՋՈՑՆԵՐ

26. Բաժին 3-ի «300» ծածկագրով տողում լրացվում է հաշվետու տարում գիտատեխնիկական աշխատանքների կատարման համար գոյություն ունեցող բոլոր հիմնական միջոցների միջին տարեկան արժեքը, որից առանձնացվում է մեքենաների ու սարքավորումների արժեքը («300.1» ծածկագրով տող):

27. Հաշվետու տարում հիմնական միջոցների լրիվ վերականգնման ամորտիզացիոն հատկացումների չափերի մասին տվյալները լրացվում են «310» ծածկագրով տողում: Այն կազմակերպությունները, որոնք իրենց գործունեությունն իրականացրել են վարձակալական հիմունքներով, ամորտիզացիոն հատկացումները ցույց են տալիս և՜ սեփական, և՜ վարձակալման հիմնական միջոցներում: Բյուջետային կազմակերպությունները «310» ծածկագրով տողը չեն լրացնում:

5. ԳԻՏԱԿԱՆ ՀԵՏԱԶՈՏՈՒԹՅՈՒՆՆԵՐԻ ԵՎ ՄՇԱԿՈՒՄՆԵՐԻ ՎՐԱ ԿԱՏԱՐՎԱԾ ՀԱՄԱԽԱՌՆ ԾԱԽՍԵՐՆ ԸՍՏ ԱՇԽԱՏԱՆՔՆԵՐԻ ՏԵՍԱԿՆԵՐԻ

28. Բաժին 4-ի «400» ծածկագրով տողում լրացվում է հետազոտությունների և մշակումների համախառն ծախսերը, որը պետք է հավասար լինի բաժին 2-ի «200» ծածկագրով տողին` ըստ սյունակների:

29. Բաժին 4.1-ի «410» ծածկագրով տողում լրացվում է հետազոտությունների և մշակումների ներքին ծախսերը, որը պետք է հավասար լինի «210.1» ծածկագրով տողին` ըստ սյունակների:

7. ԳԻՏԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՀԵՏԱԶՈՏՈՒԹՅՈՒՆՆԵՐԻ ԵՎ ՄՇԱԿՈՒՄՆԵՐԻ ՎՐԱ ԿԱՏԱՐՎԱԾ ՀԱՄԱԽԱՌՆ ԾԱԽՍԵՐԻ ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ

30. Բաժին 5-ի սյունակ 1-ում լրացվում են բյուջեից ստացված միջոցները, այդ թվում պետական բյուջեից (սյունակ 2) և համայնքային բյուջեից (սյունակ 3):

31. Սյունակ 4-ում լրացվում են հաշվետու կազմակերպության սեփական միջոցներից գիտական հետազոտությունների և մշակումների վրա կատարված ծախսերը, այդ թվում` արտադրական ու սոցիալական զարգացման ֆոնդի, թողարկած արտադրանքի, աշխատանքի, ծառայության ինքնարժեքի հաշվին:

32. Սյունակ 5-ում լրացվում են պատվիրատուի միջոցներից գիտական հետազոտությունների ու մշակումների վրա կատարված ծախսերը: Պատվիրատու կարող են լինել և պետական, և ոչ պետական կազմակերպությունները:

33. Սյունակում 6-ում լրացվում է գիտական հետազոտությունների և մշակումների վրա կատարված ծախսերի այն մասը, որ ստացվել է այլ պետությունների իրավաբանական ու ֆիզիկական անձանցից, միջազգային կազմակերպություններից ու ֆոնդերից:

34. Սյունակ 7-ում լրացվում են դրամաշնորհներից գիտական հետազոտությունների և մշակումների վրա կատարված ծախսերը, որից արտասահմանյանը՝ սյունակ 8-ում:

35. Սյունակ 9-ում լրացվում է գիտական հետազոտությունների և մշակումների վրա կատարված ծախսերի այն մասը, որը ներառված չէ վերը նշված սյունակներում:

8. ԲԱՐՁՐԱԳՈՒՅՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՀԵՏԱԶՈՏՈՒԹՅՈՒՆՆԵՐԻ ԵՎ ՄՇԱԿՈՒՄՆԵՐԻ ՎՐԱ ԿԱՏԱՐՎԱԾ ՀԱՄԱԽԱՌՆ ԾԱԽՍԵՐԻ ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ

36. Բաժին 5.1-ի սյունակ 1-ում լրացվում են բյուջեից ստացված միջոցները, այդ թվում պետական բյուջեից (սյունակ 2) և համայնքային բյուջեից (սյունակ 3):

37. Սյունակ 4-ում լրացվում է բարձրագույն ուսումնական հաստատությունների գիտական հետազոտությունների և մշակումների վրա կատարված ներքին ծախսերը: Այս սյունակում ցույց չեն տրվում բարձրագույն ուսումնական հաստատությունների` գիտական հետազոտություններ և մշակումներ կատարելու նպատակով պետական բյուջեից ստացած միջոցներից կատարված ծախսերը:

38. Սյունակ 5-ում լրացվում են հաշվետու կազմակերպության սեփական միջոցներից գիտական հետազոտությունների և մշակումների վրա կատարված ծախսերը, այդ թվում` արտադրական ու սոցիալական զարգացման ֆոնդի, թողարկած արտադրանքի, աշխատանքի, ծառայության ինքնարժեքի հաշվին:

39. Սյունակ 6-ում լրացվում են պատվիրատուի միջոցներից գիտական հետազոտությունների ու մշակումների վրա կատարված ծախսերը: Պատվիրատու կարող են լինել և պետական, և ոչ պետական կազմակերպությունները:

40. Սյունակում 7-ում լրացվում է գիտական հետազոտությունների և մշակումների վրա կատարված ծախսերի այն մասը, որ ստացվել է այլ պետությունների իրավաբանական ու ֆիզիկական անձանցից, միջազգային կազմակերպություններից ու ֆոնդերից:

41. Սյունակ 8-ում լրացվում են դրամաշնորհներից գիտական հետազոտությունների և մշակումների վրա կատարված ծախսերը, որից արտասահմանյանը՝ սյունակ 9-ում:

42. Սյունակ 10-ում լրացվում է գիտական հետազոտությունների և մշակումների վրա կատարված ծախսերի այն մասը, որը ներառված չէ վերը նշված սյունակներում:

9. ԳԻՏԱԿԱՆ ՀԵՏԱԶՈՏՈՒԹՅՈՒՆՆԵՐ ԵՎ ՄՇԱԿՈՒՄՆԵՐ ԿԱՏԱՐՈՂ ԱՇԽԱՏՈՂՆԵՐԻ ԹՎԱՔԱՆԱԿԸ ՀԱՇՎԵՏՈՒ ՏԱՐՎԱ ՎԵՐՋԻՆ

43. Բաժին 6-ում չպետք է ներառվեն այն աշխատողները, որոնք ուղղակիորեն ներգրավված չեն գիտահետազոտական աշխատանքներում: Այստեղ լրացվում է աշխատողների ցուցակային կազմն առանց համատեղողների և քաղաքացիա-իրավական հիմունքներով պայմանագրային աշխատողների:

44. «600» ծածկագրով տողի սյունակ 1-ում լրացվում է գիտահետազոտական աշխատանքներ և մշակումներ կատարողների թվաքանակը, իսկ ըստ կրթական մակարդակի և գիտական կոչման՝ «600.1», «600.2» և «600.3» ծածկագրերով տողերում: Ընդ որում, այստեղ չեն ընդգրկվում այն համատեղողները, որոնք ընդունվել են այլ կազմակերպություններից և աշխատում են քաղաքացիա-իրավական բնույթի պայմանագրերով:

45. Սյունակ 2-ում լրացվում է մասնագետ-հետազոտողների թվաքանակը:

46. Սյունակ 4-ում լրացվում է տեխնիկների թվաքանակը:

47. Սյունակ 6-ում լրացվում է օժանդակ անձնակազմի թվաքանակը, ովքեր կատարում են տնտեսագիտական ստորաբաժանումների, ֆինանսական, գիտատեխնիկական տեղեկատվության ու գրադարանի, արտոնագրային ծառայության, ինչպես նաև գիտական սարքերի ու սարքավորումների մոնտաժման ու տեղակայման, փորձարարական արտադրության, լաբորատոր և այլ աշխատանքներ:

48. Սյունակ 8-ում լրացվում է բարձրագույն ուսումնական հաստատությունների գիտամանկավարժական աշխատանք կատարողների թվաքանակը, որոնք գիտահետազոտական ստորաբաժանման հաստիքացուցակում ներառված չեն, բայց գիտահետազոտական աշխատանք են կատարում բարձրագույն ուսումնական հաստատության ամբիոններում` հաստատված ծրագրով կամ պայմանագրով (գիտամանկավարժական գործունեությանը զուգահեռ):

49. Բաժին 6-ի «610»-«610.3» տողերը լրացվում են սույն հրահանգի 43-48 կետերին համապատասխան՝ ըստ տվյալ պաշտոնների հաստիքաչափերի գումարի (ԷՖ ԹԻ Ի (FTE)):

10. ԳԻՏԱՀԵՏԱԶՈՏԱԿԱՆ ԱՇԽԱՏԱՆՔՆԵՐ ԵՎ ՄՇԱԿՈՒՄՆԵՐ ԿԱՏԱՐՈՂ ԱՇԽԱՏՈՂՆԵՐԻ ՈՐԱԿԱՎՈՐՄԱՆ ՏԱՐԻՔԱՅԻՆ ԿԱԶՄՆ ՈՒ ՇԱՐԺԸ

50. Բաժին 7-ի «700» ծածկագրով տողում լրացվում է գիտական հետազոտություններ և մշակումներ կատարող աշխատողների թվաքանակը հաշվետվու տարվա վերջին (առանց համատեղողների), որից առանձնացվում են մասնագետ-հետազոտողներն («700.1» ծածկագրով տող)՝ ըստ գիտական աստիճանի («700.1.1» և «700.1.2» ծածկագրով տողեր):

51. Գիտահետազոտական աշխատանքներ և մշակումներ կատարող աշխատողների թվաքանակը տարեվերջին («700» ծածկագրով տող, սյունակ 1) պետք է հավասար լինի բաժին 6-ի «600» ծածկագրով տողի սյունակ 1-ին: Սյունակ 1-ի «700.1», «700.1.1», «700.1.2» ծածկագրերով տողերի տվյալները պետք է հավասար լինեն համապատասխանաբար բաժին 6-ի սյունակ 2-ի «600», «600.1.1», «600.1.2» ծածկագրերով տողերին:

11. ՄԱՍՆԱԳԵՏ ՀԵՏԱԶՈՏՈՂՆԵՐԻ ԲԱՇԽՈՒՄՆ ԸՍՏ ԳԻՏՈՒԹՅԱՆ ՃՅՈՒՂԵՐԻ

52. Մասնագետ-հետազոտողների բաշխումն որոշվում է ըստ նրանց կատարած աշխատանքների կամ թեմաների:

53. Բաժին 8-ում մասնագետ-հետազոտողների ընդհանուր թվաքանակն ըստ գիտության ճյուղերի («800.1»-«800.6.4» ծածկագրերով տողեր) լրացվում է սյունակ 1-ում, որից առանձնացվում են գիտության դոկտորները (սյունակ 3) և գիտության թեկնածուները (սյունակ 5):

54. «800» ծածկագրով տողի սյունակ 1-ի տվյալները պետք է հավասար լինեն բաժին 7-ի «700.1» ծածկագրով տողի սյունակ 1-ին, «800» ծածկագրով տողի սյունակ 3-ի տվյալները պետք է հավասար լինեն բաժին 7-ի «700.1.1» ծածկագրով տողի սյունակ 1-ին, «800» ծածկագրով տողի սյունակ 5-ի տվյալները պետք է հավասար լինեն բաժին 7-ի «700.1.2» ծածկագրով տողի սյունակ 1-ին:»:

55. Գիտության ճյուղերի ու մասնագիտությունների ծածկագրերը շարադրված են Աղյուսակ 1-ում:

Աղյուսակ 1

Գիտության ճյուղերի ու մասնագիտությունների ծածկագրերը

	ծածկագիրը
Ֆիզիկամաթեմատիկական գիտություններ	Ա.00.00
Մաթեմատիկա	Ա.01.00
Մեխանիկա	Ա.02.00
Աստղագիտություն	Ա.03.00
Ֆիզիկա	Ա.04.00
Քիմիական գիտություններ	Բ.00.00
Կենսաբանական գիտություններ	Գ.00.00
Տեխնիկական գիտություններ	Ե.00.00
Կիրառական երկրաչափություն և ինժեներական գրաֆիկա	Ե.01.00
Մեքենաշինություն և մեքենագիտություն	Ե.02.00
Էներգետիկական, մետալուրգիական և քիմիական մեքենաշինություն	Ե.04.00
Տրանսպորտային, լեռնային և շինարարական մեքենաշինություն	Ե.05.00
Էլեկտրատեխնիկա	Ե.09.00
Սարքաշինություն, չափագիտություն և ինֆորմացիոն չափիչ սարքեր	Ե.11.00
Ռադիոտեխնիկա և կապ	Ե.12.00
Ինֆորմատիկա, հաշվողական տեխնիկա և ավտոմատացում	Ե.13.00
Էներգետիկա	Ե.14.00
Մետալուրգիա և նյութագիտություն	Ե.16.00
Քիմիական տեխնոլոգիա	Ե.17.00
Պարենամթերքների տեխնոլոգիա	Ե.18.00
Թեթև արդյունաբերության նյութերի և արտադրանքների տեխնոլոգիա	Ե.19.00
Գյուղատնտեսական արտադրության մեքենայացում և մեքենաներ	Ե.20.00
Շինարարություն	Ե.23.00
Էլեկտրոնիկա	Ե.27.00
Գյուղատնտեսական գիտություններ	Զ.00.00
Ագրոնոմիա	Զ.01.00
Անասնաբուծություն	Զ.02.00
Անտառային տնտեսություն	Զ.03.00
Պատմական գիտություններ	Է.00.00
Տնտեսագիտություն	Ը.00.00
Փիլիսոփայական գիտություններ	Թ.00.00
Բանասիրական գիտություններ	Ժ.00.00
Գրականագիտություն	Ժ.01.00
Լեզվաբանություն	Ժ.02.00
Իրավաբանական գիտություններ	ԺԲ.00.00
Մանկավարժական գիտություններ	ԺԳ.00.00
Բժշկական գիտություններ	ԺԴ.00.00
Դեղագործական գիտություններ	ԺԵ.00.00
Անասնաբուժական գիտություններ	ԺԶ.00.00
Արվեստագիտություն	ԺԷ.00.00
Ճարտարապետություն	ԺԸ.00.00
Հոգեբանություն	ԺԹ.00.00
Ռազմական գիտություններ	Ի.00.00
Սոցիոլոգիական գիտություններ	ԻԲ.00.00
Քաղաքական գիտություններ	ԻԳ.00.00
Գիտություններ երկրի մասին (աշխարհագրական և երկրաբանական գիտություններ)	ԻԴ.00.00

(հավելվածը խմբ. 22.12.22 թիվ 12-Ն)