ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

(որոշումը խմբ. 21.11.19 N 1669-Ն)

7 նոյեմբերի 2019 թվականի N 1555-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2019 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԴԵԿՏԵՄԲԵՐԻ 27-Ի N 1515-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

(վերնագիրը խմբ. 21.11.19 N 1669-Ն)

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետի և 23-րդ հոդվածի 3-րդ մասի՝ Հայաստանի Հանրապետության կառավարությունը որոշում է.

1. Հայաստանի Հանրապետության 2019 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության աշխատանքի և սոցիալական հարցերի նախարարությանը 2019 թվականին հատկացնել 2,380,457.0 հազ. դրամ:

2. «Հայաստանի Հանրապետության 2019 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2018 թվականի դեկտեմբերի 27-ի «Հայաստանի Հանրապետության 2019 թվականի պետական բյուջեի կատարումն ապահովող միջոցառումների մասին» N 1515-Ն որոշման N 3, 4, 5, 11.1 և 12 հավելվածներում կատարել փոփոխություններ և լրացումներ` համաձայն N 1, 2, 3, 4, 5, 6, 7 և 8 հավելվածների:

3. Սույն որոշմամբ «Հայաստանի Հանրապետության Մանկատան շրջանավարտներին բնակարանի ապահովում» միջոցառման համար հատկացված ֆինանսական միջոցները բնակարանի գնման վկայագրի տրամադրման միջոցով իրականացնելու համար սահմանել, որ՝

1) բնակարանով ապահովման նպատակով ֆինանսական աջակցության տրամադրումը բնակարանի գնման վկայագրի միջոցով իրականացվում է Հայաստանի Հանրապետության կառավարության 2005 թվականի փետրվարի 24-ի N 309-Ն որոշմամբ հաստատված ընթացակարգի համաձայն.

2) 2021 թվականի դեկտեմբերի 31-ի դրությամբ Հայաստանի Հանրապետության մանկատան շրջանավարտ հանդիսացող անձինք և տասնութ տարին լրացած Հայաստանի Հանրապետության մանկատանն առնվազն 7 տարի խնամք և դաստիարակություն ստացած սաները (այսուհետ՝ շահառու) բնակարանի գնման վկայագիր ստանալու իրավունք ունեն Հայաստանի Հանրապետության քաղաքացի հանդիսանալու, սեփականության կամ համասեփականության իրավունքով այլ բնակելի տարածք չունենալու և վերջին հինգ տարվա ընթացքում բնակելի տարածք օտարած չլինելու դեպքում, բացառությամբ սույն կետի 2.1-ին ենթակետով սահմանված դեպքերի և սույն որոշման N 9 հավելվածով սահմանված ցուցակի.

2.1) բնակարանի գնման վկայագիր ստանալու իրավունք չունեն.

ա. ինքնասպասարկման ապահովման ունակություններ չունեցող շահառուները,

բ. վերջին հինգ տարվա ընթացքում բնակելի տարածք օտարած լինելու հիմքով բնակարանի գնման վկայագիր ստանալու իրավունքը մերժված շահառուները,

գ․կենսաբանական ծնողի ընտանիք վերադարձած Հայաստանի Հանրապետության մանկատան սաները,

դ. բնակելի տարածք օտարած Հայաստանի Հանրապետության մանկատան սաները.

3) բնակարանի գնման վկայագիր տրամադրվում է ծրագրի շրջանակներում ֆինանսական աջակցության տրամադրման գործընթացն իրականացնող հանձնաժողովի կողմից.

4) բնակարանի գնման վկայագրի գործողության վերջնաժամկետը 2023 թվականի մարտի 1-ն է, իսկ դիմումներ ընդունելու վերջնաժամկետը՝ 2022 թվականի հուլիսի 1-ը:

(3-րդ կետը լրաց. 30.07.20 N 1269-Ն, փոփ. 26.11.20 N 1870-Ն, 20.05.21 N 812-Ն, խմբ., լրաց., փոփ. 28.10.21 N 1774-Ն, փոփ. 05.01.23 N 18-Ն)

4. Սահմանել, որ սույն որոշման շրջանակներում «Հայաստանի Հանրապետության Մանկատան շրջանավարտներին բնակարանի ապահովում» միջոցառման շրջանակներում շահառուներին աջակցությունը ցուցաբերվում է վճարումների ձևով, որոնք կատարվում են նոտարների միջոցով՝ ծրագրի շահառուների կողմից վկայագրի միջոցով ձեռք բերվող բնակարանի (բնակելի տան) առուվաճառքի պայմանագրերի հիման վրա Հայաստանի Հանրապետության աշխատանքի և սոցիալական հարցերի նախարարության կողմից ներկայացված վճարման հայտի համաձայն:

5. Հայաստանի Հանրապետության ֆինանսների նախարարին՝ մինչև 2019 թվականի դեկտեմբերի 20-ը Հայաստանի Հանրապետության ֆինանսների նախարարության գանձապետարանում սույն որոշման 7-րդ կետի 2-րդ ենթակետով նշված նոտարի (նոտարների) անվամբ առկա դեպոզիտային հաշիվներին փոխանցել բնակարանի գնման վկայագրի միջոցով ձեռք բերվող բնակարանների համար նախատեսված միջոցները:

6. Սահմանել, որ սույն որոշման 4-րդ կետի համաձայն նույն կետում նշված դեպոզիտային հաշիվներին փոխանցված և 2023 թվականի մարտի 1-ի դրությամբ չօգտագործված մնացորդային գումարները նոտարների կողմից ենթակա են վերադարձման Հայաստանի Հանրապետության պետական բյուջե:

(6-րդ կետը փոփ. 26.11.20 N 1870-Ն, 20.05.21 N 812-Ն, 28.10.21 N 1774-Ն, 05.01.23 N 18-Ն)

7. Հայաստանի Հանրապետության աշխատանքի և սոցիալական հարցերի նախարարին`

1) սույն որոշումն ուժի մեջ մտնելուց հետո 10-օրյա ժամկետում ստեղծել ծրագրի շրջանակներում ֆինանսական աջակցության տրամադրման գործընթացն իրականացնող հանձնաժողով, հաստատել հանձնաժողովի աշխատակարգը և սույն որոշմամբ նախատեսված բնակարանի գնման վկայագրի և պայմանագրի ձևերը.

2) սույն որոշումն ուժի մեջ մտնելուց հետո՝ «Հայաստանի Հանրապետության Մանկատան շրջանավարտներին բնակարանի ապահովում» միջոցառման շրջանակներում, 10-օրյա ժամկետում Հայաստանի Հանրապետության ֆինանսների նախարարություն ներկայացնել համապատասխան հանձնարարականներ նոտարների դեպոզիտ հաշիվներին հաշվեգրելու համար՝ հաշվի առնելով ծրագրի շահառուների բաշխվածությունն ըստ բնակավայրերի, տվյալ նոտարի կողմից սպասարկվող շահառուների ցուցակները և այդ մասով նախատեսված ֆինանսական աջակցության չափը.

3) սույն որոշման «Հայաստանի Հանրապետության Մանկատան շրջանավարտներին բնակարանի ապահովում» միջոցառման շրջանակներում նախատեսված շահառուներին առաջնահերթության կարգով ընդգրկել զբաղվածության կարգավորման ամենամյա պետական ծրագրով նախատեսված ծրագրերում՝ համաձայն Հայաստանի Հանրապետության կառավարության 2014 թվականի ապրիլի 17-ի N 534-Ն որոշման.

4) շահառուին տրամադրել հոգեբանական աջակցություն, եթե սոցիալ-հոգեբանական խնդիրների կարողությունների ու հմտությունների գնահատման արդյունքում պարզվում է, որ ունի հոգեբանական աջակցության կարիք.

5) ընդգրկված շահառուները Հայաստանի Հանրապետության տարածքում ձեռք կբերեն 6.3 մլն դրամը չգերազանցող բնակարաններ, սեփական միջոցներ ներդնելու դեպքում ծրագրի շահառուներն իրավունք ունեն ձեռք բերել 6,3 մլն դրամը գերազանցող արժեքով բնակարաններ.

6) բնակարանի գնման վկայագիր տրամադրել մանկատան շրջանավարտ Վալենտին Վասիլի Եպիֆանովին (անձնագիր AR 0305599, ծնված 30.10.1974 թ.).

6.1) բնակարանի գնման վկայագիր տրամադրել մանկատան մի խումբ սաների` համաձայն N 9 հավելվածի.

7) սույն որոշման N 7 հավելվածով սահմանված տնտեսավարող սուբյեկտներին ֆինանսական միջոցները հատկացնել նվիրատվության և դրամաշնորհի տրամադրման պայմանագրերով:

(7-րդ կետը լրաց. 30.07.20 N 1269-Ն)

7.1. Հաստատել բնակարանի գնման վկայագիր ստացող մանկատան սաների ցուցակը՝ համաձայն N 9 հավելվածի:

(7.1-ին կետը լրաց. 30.07.20 N 1269-Ն)

8. Թույլատրել Հայաստանի Հանրապետության աշխատանքի և սոցիալական հարցերի նախարարությանը սույն որոշման N 8 հավելվածի «անշարժ գույք» գնման առարկաների գնման գործընթացն իրականացնել «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետին համապատասխան` հրատապ մեկ անձից գնումներ կատարելու ընթացակարգով:

9. Հայաստանի Հանրապետության ոստիկանության պետին՝ բնակարանների գնման վկայագրերի միջոցով աջակցություն ստանալու իրավունք ունեցող անձանց մշտական բնակության վայրի, Հայաստանի Հանրապետության կադաստրի կոմիտեի ղեկավարին՝ բնակարանների գնման վկայագրերի միջոցով աջակցություն ստանալու իրավունք ունեցող անձանց սեփականության մասին՝ Հայաստանի Հանրապետության աշխատանքի և սոցիալական հարցերի նախարարության հարցումը ստանալուց հետո` 7-օրյա ժամկետում, տրամադրել տեղեկատվություն սույն որոշման 3-րդ կետի պահանջները կատարելու նպատակով:

10. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության փոխվարչապետ	Տ. Ավինյան
2019 թ. նոյեմբերի 11 Երևան

Հավելված N 1 ՀՀ կառավարության 2019 թվականի նոյեմբերի 7-ի N 1555-Ն որոշման

Հավելված N 2 ՀՀ կառավարության 2019 թվականի նոյեմբերի 7-ի N 1555-Ն որոշման

(հավելվածը լրաց. 24.12.19 N 1907-Ն)

Հավելված N 3 ՀՀ կառավարության 2019 թվականի նոյեմբերի 7-ի N 1555-Ն որոշման

Հավելված N 4 ՀՀ կառավարության 2019 թվականի նոյեմբերի 7-ի N 1555-Ն որոշման

Հավելված N 5 ՀՀ կառավարության 2019 թվականի նոյեմբերի 7-ի N 1555-Ն որոշման

Հավելված N 6 ՀՀ կառավարության 2019 թվականի նոյեմբերի 7-ի N 1555-Ն որոշման

Հավելված N 7 ՀՀ կառավարության 2019 թվականի նոյեմբերի 7-ի N 1555-Ն որոշման

Հավելված N 8 ՀՀ կառավարության 2019 թվականի նոյեմբերի 7-ի N 1555-Ն որոշման

Հ/Հ	Ազգանունը, անունը, հայրանունը	Անձը հաստատող փաստաթղթի տվյալները	Ծննդյան օրը, ամիսը, տարեթիվը
1.	Կիրակոսյան Անի Արթուրի	AP0650157 02.02.2017 թ. 003	14.06.1995 թ.
2.	Մուրադյան Մհեր Աշիկի	AR0216377 14.02.2017 թ. 005	19.08.1976 թ.
3.	Մուրադյան Աշխեն Յուրայի	004 468 104 24.09.2014 թ. 040	09.09.1998 թ.
4.	Հարությունյան Մելանիա Լևոնի	AM0305127 19.05.2011 թ. 007	10.01.1995 թ.
5.	Բաբայան Ռուդիկ Վաչիկի	006038343 02.02.2017 թ. 009	06.08.1980 թ.
6.	Ջուլհակյան Արթուր Արշակի	001985811 18.03.2014 թ. 003	07.09.1985 թ.
7.	Բադալյան Լիլիթ Արծրունի	007774045 18.01.2016 թ. 057	15.10.1989 թ.
8.	Տրդատյան Արշավիր Համլետի	AT0466435 26.09.2019 թ. 001	10.07.1986 թ.
9.	Ֆռնզյան Վահան Հակոբի	010130029 17.04.2018 թ. 004	14.11.1974 թ.
10.	Ծառուկյան Անի Վարդանի	AT0444048 29.08.2019 թ. 003	11.02.1990 թ.
11.	Բեսչաստնի Վիտալի Նիկոլայի	008123267 15.08.2016թ.	23.09.1972 թ.
12.	Ավալյան Արտյոմ Ժոռայի	AS0237147 19.06.2018 թ. 064	30.09.1991 թ.
13.	Ավագումյան Մհեր Սուրենի	BA2591277 24.12.2015 թ. 001	25.01.1987 թ.
14.	Հունանյան Արթուր Գևորգի	AR0373292 13.07.2017 թ. 057	26.01.1987 թ.
15.	Հունանյան Սարգիս Գևորգի	AR0216066 20.02.2017 թ. 001	26.01.1987 թ.
16.	Նովրուզյան Լուսինե Գևորգի	AS0633086 29.05.2019 թ. 001	07.09.1989 թ.
17.	Շաքարյան Մերի Սլավայի	AR0241842 09.03.2017 թ. 007	25.08.1988 թ.
18.	Չերբեչյան Հարություն Մկրտիչի	AR0542340 19.12.2017 թ. 009	03.01.1990 թ.
19.	Երիցյան Նվարդ Դավթի	012513131 13.12.2019 թ.	10.03.1994 թ.
20.	Երիցյան Նարեկ Դավթի	AN0499318 05.06.2013 թ. 018	20.03.1996 թ.
21.	Մաթոսյան Ժորա Արթուրի	AS0512677 15.02.2019թ. 064	21.05.1993 թ.
22.	Աբրահմայան Մերուժան Թորգոմի	AR0551471 11.01.2018 թ. 040	05.11.1987 թ.
23.	Ամոյան Դավիթ Վազիրի	AM0679222 04.04.2012 թ. 007	18.04.1995 թ.
24.	Պետրոսյան Ռազմիկ Դերենիկի	AR0425552 16.08.2017 թ. 009	22.08.1996 թ.

(հավելվածը լրաց. 30.07.20 N 1269-Ն)