ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 1275-Ա

Համաձայն «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասի՝

1. Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովների 3-րդ հանդիպմանը մասնակցելու նպատակով 2022 թվականի նոյեմբերի 2-4-ը Բելգիայի Թագավորություն (Բրյուսել) գործուղել պատվիրակություն՝ համաձայն հավելվածի:

2. Պատվիրակության՝ Բելգիայի Թագավորություն (Բրյուսել) գործուղման հետ կապված ծախսերը, կատարել՝

1) Մհեր Գրիգորյանինը, Եղիշե Կիրակոսյանինը և Արման Ղազարյանինը, ինչպես նաև օդանավակայանում սպասարկման և փոխադրամիջոցների վարձակալման հետ կապված ծախսերը, համաձայն փաստացի կատարված ծախսերը հիմնավորող փաստաթղթերի՝ Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին.

2) Գրիգոր Մինասյանինը և Արամ Գուգարացինը՝ Հայաստանի Հանրապետության 2022 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

3) Մնացական Սաֆարյանինը, Վահան Կոստանյանինը և Վահագն Աֆյանինը՝ Հայաստանի Հանրապետության արտաքին գործերի նախարարության միջոցների հաշվին.

4) Արման Սարգսյանինը և Սերգեյ Պետրոսյանինը՝ Հայաստանի Հանրապետության պաշտպանության նախարարության միջոցների հաշվին.

5) Դավիթ Սանամյանինը՝ Հայաստանի Հանրապետության ազգային անվտանգության ծառայության միջոցների հաշվին:

3. Հայաստանի Հանրապետության փոխվարչապետ Մհեր Գրիգորյանին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել Բելգիայի Թագավորություն գործուղման արդյունքների մասին հաշվետվությունը:

Հայաստանի Հանրապետության վարչապետ	Ն. Փաշինյան
Երևան

31.10.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի N 1275-Ա որոշման

Մ. Գրիգորյան		- ՀՀ փոխվարչապետ
Գ. Մինասյան		- ՀՀ արդարադատության նախարարի պարտականությունները կատարող
Մ. Սաֆարյան		- ՀՀ արտաքին գործերի նախարարի տեղակալ
Ա. Սարգսյան		- ՀՀ պաշտպանության նախարարի տեղակալ
Ա. Գուգարաց		- ՀՀ կադաստրի կոմիտեի նախագահի տեղակալ
Ե. Կիրակոսյան		- Միջազգային իրավական հարցերով ներկայացուցիչ
Դ. Սանամյան		- ՀՀ ազգային անվտանգության ծառայության դեպարտամենտի պետ
Ս. Պետրոսյան		- ՀՀ զինված ուժերի գլխավոր շտաբի ռազմատեղագրական ծառայության պետ
Վ. Կոստանյան		- ՀՀ արտաքին գործերի նախարարի խորհրդական
Վ. Աֆյան		- ՀՀ արտաքին գործերի նախարարության սահմանակից երկրների վարչության պետի պաշտոնակատար
Ա. Ղազարյան		- ՀՀ փոխվարչապետ Մհեր Գրիգորյանի արարողակարգի պատասխանատու

Հայաստանի Հանրապետության վարչապետի աշխատակազմի ղեկավար

Ա. Հարությունյան

31.10.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ