ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

3 դեկտեմբերի 2019 թվականի

թիվ 217

քաղ. Մոսկվա

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Հում ռետինային խառնուրդի պատրաստման տեխնոլոգիական գիծը՝ կազմված հետևյալ բաղադրամասերից (սարքերից, ագրեգատներից, մեխանիզմներից)՝

կաուչուկի և ռետինային խառնուրդի հեղուկ բաղադրիչների պահպանման, դոզավորման և մատուցման համար սարքավորում.

ռետինային խառնուրդի փոշու բաղադրիչների պահպանման, դոզավորման և մատուցման համար սարքավորում.

կաուչուկի, ռետինային խառնուրդի հեղուկ և փոշենման բաղադրիչների նախնական խառնման համար նախատեսված փակ ռոտորային ռետինախառնիչ.

ռետինային խառնուրդի բաղադրիչների հետագա խառնման, դրա տաքացման, պլաստիկացման և ժապավենի տեսքով ձև հաղորդելու համար նախատեսված հորիզոնական բաց երկռոտորային խառնիչներ (գլանաձև ռոտորներ).

ժապավենային փոխադրիչներ,

Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8477 ապրանքային դիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: