ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

23 հուլիսի 2019 թվականի

թիվ 123

քաղ. Մոսկվա

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Սրտաբանական օկլյուդերը, որն ինքնաբացվող մանրէազերծ սարքվածք է, որը պատրաստված է ներսից սինթետիկ պոլիմերով լցված նիտինոլային ցանցից (տիտանի ու նիկելի համաձուլվածք), ծալված վիճակում ունի խողովակի ձև, պատրաստման նյութի «հիշողության» էֆեկտի հաշվին բացվելիս ստանում է երկու սկավառակի (հովանոցի) ձև և նախատեսված է սրտի միջնապատերի արատների (անցքերի) ոչ վիրաբուժական (ռենտգենաէնդովասկուլյար) փակման համար, Արտաքին տնտեսական գործունեության ապրանքային անվանացանկի մեկնաբանման՝ 1-ին և 6-րդ հիմնական կանոններին համապատասխան դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 9021 90 900 9 ստորաենթադիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահի ժամանակավոր պաշտոնակատար՝

Կ. Մինասյան

Պաշտոնական հրապարակման օրը՝ 22 հունիսի 2022 թվական: