ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
18 հունվարի 2019 թվականի |
թիվ 3 |
քաղ. Մոսկվա |
ՄԻՆՉԵՎ 2025 ԹՎԱԿԱՆԸ ԵՎՐԱՍԻԱԿԱՆ ՏՆՏԵՍԱԿԱՆ ԻՆՏԵԳՐՈՒՄԸ ԶԱՐԳԱՑՆԵԼՈՒ ՌԱԶՄԱՎԱՐԱԿԱՆ ՈՒՂՂՈՒԹՅՈՒՆՆԵՐԸ ՍԱՀՄԱՆՈՂ ՓԱՍՏԱԹՈՒՂԹ ՆԱԽԱՊԱՏՐԱՍՏԵԼՈՒ ՀԱՐՑԵՐՈՎ ԱՇԽԱՏԱՆՔԱՅԻՆ ԽՄԲԻ ՄԱՍԻՆ
Եվրասիական տնտեսական բարձրագույն խորհրդի 2018 թվականի դեկտեմբերի 6-ի «Եվրասիական տնտեսական միության շրջանակներում ինտեգրման գործընթացների հետագա զարգացման մասին» հռչակագրի իրագործման միջոցների վերաբերյալ» թիվ 9 կարգադրության իրագործման նպատակներով.
1. Եվրասիական տնտեսական հանձնաժողովի ինտեգրման և մակրոտնտեսության հարցերով կոլեգիայի անդամ (նախարար) Տ.Դ. Վալովայայի ղեկավարությամբ ստեղծել՝ մինչև 2025 թվականը եվրասիական տնտեսական ինտեգրումը զարգացնելու ռազմավարական ուղղությունները սահմանող փաստաթուղթ նախապատրաստելու հարցերով աշխատանքային խումբ (այսուհետ՝ աշխատանքային խումբ)։
2. Խնդրանքով դիմել Եվրասիական տնտեսական միության անդամ պետությունների կառավարություններին՝ սույն կարգադրությունն ուժի մեջ մտնելու օրվանից 14-օրյա ժամկետում Եվրասիական տնտեսական հանձնաժողով ներկայացնել էկոնոմիկայի նախարարների տեղակալների և արտաքին գործերի նախարարների տեղակալների մակարդակով աշխատանքային խմբի կազմում ընդգրկելու համար թեկնածությունները։
3. Աշխատանքային խմբին՝ ապահովել հետևյալի նախապատրաստումը՝
«Եվրասիական տնտեսական միության մասին» 2014 թվականի մայիսի 29-ի պայմանագրի ստորագրման 5-ամյակի առթիվ Եվրասիական տնտեսական միության անդամ պետությունների ղեկավարների հայտարարության նախագիծ.
մինչև 2025 թվականը եվրասիական տնտեսական ինտեգրումը զարգացնելու ռազմավարական ուղղությունները սահմանող փաստաթղթի նախագիծ։
4. Եվրասիական տնտեսական հանձնաժողովի ինտեգրման և մակրոտնտեսության հարցերով կոլեգիայի անդամ (նախարար) Տ.Դ. Վալովայային՝
Եվրասիական տնտեսական միության անդամ պետությունների առաջարկների հիման վրա ձևավորել աշխատանքային խմբի կազմը, անհրաժեշտության դեպքում աշխատանքային խմբի նիստերին հրավիրել Եվրասիական տնտեսական միության անդամ պետությունների պետական իշխանության այլ մարմինների ներկայացուցիչների.
2019 թվականի փետրվարին Եվրասիական տնտեսական հանձնաժողովի խորհրդի նիստին զեկուցել «Եվրասիական տնտեսական միության մասին» 2014 թվականի մայիսի 29-ի պայմանագրի ստորագրման 5-ամյակի առթիվ Եվրասիական տնտեսական միության անդամ պետությունների ղեկավարների հայտարարության նախագծի նախապատրաստման ընթացքի վերաբերյալ՝ նկատի ունենալով Եվրասիական տնտեսական բարձրագույն խորհրդի 2019 թվականի մայիսի նիստին նշված հայտարարությունը ստորագրելու մասին հարցի քննարկումը։
5. Սույն կարգադրությունն ուժի մեջ է մտնում դրա ընդունման օրվանից:
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից` |
Բելառուսի Հանրապետությունից` |
Ղազախստանի Հանրապետությունից` |
Ղրղզստանի Հանրապետությունից` |
Ռուսաստանի Դաշնությունից` |
|
|
|
|
|
|
|
Մ. Գրիգորյան |
Ի. Պետրիշենկո |
Ա. Մամին |
Ժ. Ռազակով |
Ա. Սիլուանով |
Պաշտոնական հրապարակման օրը՝ 22 հունիսի 2022 թվական: