ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Ի գիտություն ընդունելով Եվրասիական տնտեսական միության ներքին շուկայի գործունեության շրջանակներում Բելառուսի Հանրապետության կողմից գյուղատնտեսական արտադրանքի առանձին տեսակների և դրա վերամշակումից ստացված մթերքների փոխադարձ առևտրի մասով պարտականությունների կատարման մոնիթորինգի արդյունքների վերաբերյալ տեղեկատվությունը, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 43-րդ կետի 4-րդ ենթակետին համապատասխան` Եվրասիական տնտեսական հանձնաժողովի կոլեգիան որոշեց.

1. Ծանուցել Բելառուսի Հանրապետությանը «Եվրասիական տնտեսական միության մասին» 2014 թվականի մայիսի 29-ի պայմանագրի 28-րդ հոդվածի 3-րդ կետի կատարման և Բելառուսի Հանրապետության նախարարների խորհրդի` 2010 թվականի օգոստոսի 16-ի թիվ 1205 որոշումը դրան համապատասխանեցնելու մասին՝ Եվրասիական տնտեսական միության անդամ պետություններում ցորենի, դրա վերամշակումից ստացված մթերքի, համակցված կերերի, վուշի մանրաթելի, հլածուկի յուղասերմերի, հլածուկի և ճակնդեղի կերամաթի յուղերի իրացման թույլատրման կարգը չեղյալ համարելու մասով:

2. Խնդրել Բելառուսի Հանրապետության նախարարների խորհրդին սույն որոշումն ուժի մեջ մտնելու օրվանից 10 օրացուցային օրվա ընթացքում Եվրասիական տնտեսական հանձնաժողովին տեղեկացնել ձեռնարկված միջոցների մասին:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: