Մաքսային միության մաքսային օրենսգրքի 52-րդ հոդվածի 7-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Գյուղատնտեսական տրակտորի վրա տեղադրված, դիմային և (կամ) հետնամասային փնջման հնարավորությամբ, կարտոֆիլի տերևուքը հեռացնող գյուղատնտեսական սարքավորումը` ռոտորային լիսեռով, հակառակ կտրող կիսանով, հենքային անիվներով, տերևուքն առանձնացնող թիթեղներով կամ տերևուքն առանձնացնող թիթեղներով և հորիզոնական լայնական փոխակրիչով սարքավորված` նախատեսված կարտոֆիլի տերևուքը կտրելու և մանրացնելու համար, Արտաքին տնտեսական գործունեության ապրանքային անվանացանկի մեկնաբանման՝ 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8433 59–րդ ենթադիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: