ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
|
13 փետրվարի 2017 թվականի |
թիվ 20 |
քաղ. Մոսկվա |
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ 2015 ԹՎԱԿԱՆԻ ՍԵՊՏԵՄԲԵՐԻ 28-Ի ԹԻՎ 124 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական բարձրագույն խորհրդի 2015 թվականի մայիսի 8-ի թիվ 19 որոշմամբ հաստատված՝ Արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործմանն ուղղված միջոցառումների պլանի XII բաժնի 6.5-րդ կետին համապատասխան, Եվրասիական տնտեսական հանձնաժողովի կոլեգիան որոշեց.
1. Եվրասիական տնտեսական հանձնաժողովի 2015 թվականի սեպտեմբերի 28-ի «Արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործմանն ուղղված միջոցառումների պլանի կատարումն ապահովող մեխանիզմի կազմակերպական կառուցվածքի մասին» որոշման մեջ կատարել փոփոխություններ՝ հավելվածի համաձայն:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:
|
Եվրասիական տնտեսական հանձնաժողովի կոլեգիայի նախագահ` |
Տ. Սարգսյան |
|
ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2017 թվականի փետրվարի 13-ի թիվ 20 որոշման |
ՓՈՓՈԽՈՒԹՅՈՒՆՆԵՐ
Եվրասիական տնտեսական հանձնաժողովի կոլեգիայի 2015 թվականի սեպտեմբերի 28-ի թիվ 124 որոշման մեջ կատարվող
1. 3-րդ կետն ուժը կորցրած ճանաչել:
2. Նշված որոշմամբ հաստատված՝ Արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործմանն ուղղված միջոցառումների պլանի կատարումն ապահովող մեխանիզմի կազմակերպական կառուցվածքի մասին հիմնադրույթում՝
ա) 10-րդ կետը լրացնել հետևյալ բովանդակությամբ «դ» ենթակետով՝
«դ) կազմակերպչական վերլուծական փորձագիտական խմբի ղեկավար:».
բ) 13-րդ կետի հինգերորդ պարբերությունը շարադրել հետևյալ խմբագրությամբ՝
«Աշխատանքային խմբի նիստերն անցկացվում են ըստ անհրաժեշտության:».
գ) 29-րդ կետը լրացնել հետևյալ բովանդակությամբ պարբերություններով՝ «Կազմակերպչական վերլուծական փորձագիտական խմբի ղեկավարն աշխատանքային խմբի ղեկավարի տեղակալն է:
Կազմակերպչական վերլուծական փորձագիտական խմբի ղեկավարը ղեկավարում է նշված փորձագիտական խմբի գործունեությունը և կազմակերպում է նրան վերապահված խնդիրների իրականացումը:
Կազմակերպչական վերլուծական փորձագիտական խմբի ղեկավարը, աշխատանքային խմբի ղեկավարի հետ համաձայնեցմամբ, թեմատիկ բլոկների ղեկավարների հետ անցկացնում է միջոցառումների պլանի կատարման հարցերով աշխատանքային խորհրդակցություններ:».
դ) IV բաժինը լրացնել հետևյալ բովանդակությամբ 321-րդ կետով՝
«321. Կազմակերպչական վերլուծական փորձագիտական խմբի ղեկավարը իրավունք ունի թեմատիկ բլոկների ղեկավարներից պահանջելու համապատասխան բլոկների աշխատանքի ընթացքի մասին տեղեկատվություն՝ սույն հիմնադրույթի 30-րդ կետին համապատասխան դիտանցում կատարելու համար:».
ե) նշված հիմնադրույթի հավելվածի II բաժնում՝
1-ին կետում «, մաքսասակագնային» բառերը հանել.
4-րդ կետի «գ» ենթակետում հանել «հաշվեգրման և» բառերը և 6-րդ կետի «գ» ենթակետում «հաշվեգրումներ և» բառերը։
3. Արտաքին տնտեսական գործունեության կարգավորման համակարգում «մեկ պատուհանի» մեխանիզմի զարգացման հիմնական ուղղությունների իրագործման միջոցառումների պլանի կատարման հարցերով աշխատանքային խմբի կազմի ձևավորման չափորոշիչների 2-րդ սյունակի 3-րդ դիրքում հանել «մաքսասակագնային կարգավորում» բառերը:
Պաշտոնական հրապարակման օրը՝ 22 հունիսի 2022 թվական: