ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հունիսի 2022 թվականի N 846-Ա

Ղեկավարվելով «Միջազգային պայմանագրերի մասին» Հայաստանի Հանրապետության օրենքի 7-րդ հոդվածի դրույթներով՝ Հայաստանի Հանրապետության կառավարությունը որոշում է.

1. Հավանություն տալ «694-790 ՄՀց և 3.4-3.8 ԳՀց հաճախականային տիրույթներում ցամաքային շարժական ռադիոկապի ցանցերի համար Արևելյան գործընկերության երկրների (Հայաստանի Հանրապետություն, Ադրբեջանի Հանրապետություն, Բելառուսի Հանրապետություն, Վրաստան, Մոլդովայի Հանրապետություն և Ուկրաինա) ադմինիստրացիաների միջև ներդաշնակեցված տեխնիկական պայմանների վերաբերյալ» Սպեկտրի հարցերով տարածաշրջանային համաձայնագրի ստորագրման առաջարկությանը:

2. Սույն որոշման 1-ին կետում նշված համաձայնագիրը ստորագրել վերապահումով՝ համաձայն հավելվածի:

3. Հայաստանի Հանրապետության արտաքին գործերի նախարարին և Հայաստանի Հանրապետության բարձր տեխնոլոգիական արդյունաբերության նախարարին՝ կազմակերպել համաձայնագրի ստորագրումը:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

09.06.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2022 թվականի հունիսի 9-ի N 846-Ա որոշման

Սպեկտրի հարցերով տարածաշրջանային համաձայնագրում նախատեսված 3.4-3.8 ԳՀց հաճախականային տիրույթի վերաբերյալ դրույթները չեն կիրառվում Հայաստանի Հանրապետության համար:

Հայաստանի Հանրապետության վարչապետի աշխատակազմի ղեկավար

Ա. Հարությունյան

09.06.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ