ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

16 հուլիսի 2021 թվականի

թիվ 69

քաղ. Նուր-Սուլթան

Եվրասիական տնտեսական հանձնաժողովի խորհուրդը որոշեց.

1. Հավանություն տալ «Եվրասիական տնտեսական միության անդամ պետությունների փոխադարձ և արտաքին առևտրի ապահովագրական աջակցության միջոցների մասին» Եվրասիական միջկառավարական խորհրդի կարգադրության նախագծին (կցվում է) և այն ներկայացնել Եվրասիական միջկառավարական խորհրդի քննարկմանը:

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

« » ի 20 թվականի

թիվ

քաղ.

Ղեկավարվելով Եվրասիական տնտեսական միության անդամ պետությունների փոխադարձ և արտաքին առևտրի ապահովագրական աջակցության միջոցների մասին զեկույցով և ընդունելով այդպիսի աջակցության համատեղ միջոցների ձեռնարկման անհրաժեշտությունը՝ ներառյալ Եվրասիական վերաապահովագրական ընկերության ստեղծումը՝

1. Եվրասիական տնտեսական հանձնաժողովին՝

ձևավորել Եվրասիական վերաապահովագրական ընկերության ստեղծմանն առնչվող հարցերի քննարկման աշխատանքային խումբ (այսուհետ՝ աշխատանքային խումբ).

Եվրասիական միջկառավարական խորհրդի հերթական նիստին զեկուցել սույն կարգադրության 3-րդ կետում նշված միջազգային պայմանագրի նախագծի մշակման ընթացքի մասին:

2. Խնդրանքով դիմել Եվրասիական տնտեսական միության անդամ պետությունների կառավարություններին և Եվրասիական զարգացման բանկին՝ սույն կարգադրությունն ուժի մեջ մտնելու օրվանից 15 օրացուցային օրվա ընթացքում Եվրասիական տնտեսական հանձնաժողովի հասցեով ուղարկել աշխատանքային խմբի կազմում ընդգրկելու համար թեկնածությունների վերաբերյալ առաջարկներ (ներառյալ Եվրասիական տնտեսական միության անդամ պետությունների արտահանման վարկային գործակալությունների և զարգացման բանկերի ներկայացուցիչները):

3. Աշխատանքային խմբին՝ դրա ձևավորման օրվանից 6 ամսվա ընթացքում մշակել Եվրասիական վերաապահովագրական ընկերության հիմնադրման և գործունեության մասին միջազգային պայմանագրի նախագիծը, որով կանոնակարգվում են դրա կարգավիճակը, խնդիրները, գործառույթները, ինչպես նաև ֆինանսական ապահովման հարցերը:

4. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից։

Եվրասիական միջկառավարական խորհրդի անդամներ՝

Պաշտոնական հրապարակման օրը՝ 22 հունիսի 2022 թվական: