ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

21 սեպտեմբերի 2021 թվականի

թիվ 125

քաղ. Մոսկվա

ՃԱՆԱՊԱՐՀԱՅԻՆ ՖՐԵԶԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Ճանապարհային ֆրեզն ինքնագնաց ճանապարհային մեքենա է, որը նախատեսված է ճանապարհային ծածկույթի (օրինակ՝ ասֆալտի, ասֆալտաբետոնային ծածկույթի և այլնի) շերտ առ շերտ կտրման (ֆրեզման) և կտրված նյութն այլ տրանսպորտային միջոցի մեջ բեռնելու համար, սարքավորված է թրթուրավոր կամ անվավոր ամրաշրջանակով, որի վրա տեղադրված են շարժիչը, կտրիչներով ֆրեզային թմբկագլանը, ֆրեզի շարժաբերը, փոխակրիչը (փոխադրիչը), ջրի և վառելիքի բաքերը, օպերատորի հարթակը՝ կառավարման համակարգով, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին, Եվրասիական տնտեսական միության արտաքին տնտեսական գործունեության միասնական ապրանքային անվանացանկի 84-րդ խմբի 7-րդ ծանոթագրությանը համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8479 10 000 0 ենթադիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

Պաշտոնական հրապարակման օրը՝ 22 հունիսի 2022 թվական: