ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 1047-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Հայաստանի մանուկներ» բարեգործական հիմնադրամի կողմից (ՀՀ, քաղ. Երևան, Հյուսիսային պողոտա 1, 8-րդ հարկ, 24 սենյակ, ՀՎՀՀ՝ 02569972) իրականացվող` 39,166,667 դրամ ընդհանուր արժողությամբ «Դեբետի զարգացում փուլ երկու» ծրագիրը` համաձայն հավելվածի:

2. Սահմանել, որ Հայաստանի մանուկներ» բարեգործական հիմնադրամի կողմից (ՀՎՀՀ՝ 02569972) «Պրոֆ Ալ» ՍՊ ընկերության (ՀՎՀՀ` 01831375) հետ 2021 թվականի նոյեմբերի 19-ին կնքված թիվ 19/11/2021/-01 երկկողմ պայմանագրում նշված գործարքը, որով նախատեսվում է ՀՀ Լոռու մարզի Դեբետի համայնքապետարանի շենքի առաջին հարկի պատուհանների և դռների պատրաստման և տեղադրման աշխատանքների իրականացում՝ 4,166,666.67 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. «Հայաստանի մանուկներ» բարեգործական հիմնադրամին` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 1047-Ա որոշման

«ԴԵԲԵՏԻ ԶԱՐԳԱՑՈՒՄ ՓՈՒԼ ԵՐԿՈՒ»

1.	Ծրագրի նպատակը	«Հայաստանի մանուկներ» բարեգործական հիմնադրամը (COAF) նախատեսում է ՀՀ Լոռու մարզի, Փամբակ համայնքի, Դեբետ բնակավայրում կառուցել նոր դպրոց, որը լինելու է տարածաշրջանում միակը։ Դպրոցը նախատեսվում է կառուցել Դեբետ բնակավայրի «Դեբեդի միջնակարգ դպրոց» ՊՈԱԿ-ի տարածքում։ Հաշվի առնելով այն փաստը, որ նոր դպրոցի նախագիծը արդեն պատրաստ է և նոր դպրոցի շին աշխատանքները պլանավորված է սկսել 2022 թ․-ի գարնանը, որոշել ենք հունվար և փետրվար ամիսները, որոնք ոչ բարենպաստ ամիսներ են շինարարության համար, օգտագործել քանդման աշխատանքների իրականացման համար։ Ծրագրի մաս է կազմում Դեբետի դպրոցի հարևանությամբ գործող Դեբետի վարչական կենտրոնի (համայնքապետարան) շենքը, որը հիմնադրամի ներդրումների արդյունքում ձեռք է բերել բազմաֆունկցիոնալություն։ Ծրագրով նախատեսվում է փոխարինել նորերով Դեբետ բնակավայրի վարչական շենքի առաջին հարկի դռներն ու պատուհանները։
2.	Ծրագրի բարեգործական որակման նպատակը	Նախատեսվում է ծրագրի շրջանակներում օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով՝ օրենքով սահմանված արտոնություններից։
3.	Բարեգործը	«Չիլդրեն Օֆ Արմենիա ֆանդ Ինք.», Նյու Յորք, ԱՄՆ, 149 5րդ ավենյու, սենյակ 500 (Children of Armenia Fund Inc. 149 5th Ave., Suite 500, New York 10010, USA. և դոկտոր Գարօ Հ. Արմենը։
4.	Ծրագիրը կատարողը	«Հայաստանի մանուկներ» բարեգործական հիմնադրամ (ՀՀ քաղ. Երևան 0010, Մելիք Ադամյան 2/2, ՀՎՀՀ՝ 02569972)։
5.	Ծրագրի իրականացման վայրը և բնագավառը	● ՀՀ Լոռու մարզ, Փամբակ համանյք, Դեբետ բնակավայր ● Համայնքային զարգացում
6.	Ծրագրի բյուջեն	Ծրագրի ընդհանուր բյուջեն կազմում է 39,166,667 (երեսունինը միլիոն մեկ հարյուր վաթսունվեց հազար վեց հարյուր վաթսունյոթ) ՀՀ դրամ։
7.	Բարեգործություն ստացողը	ՀՀ Լոռու մարզի Փամբակ համայնքի Դեբետ բնակավայրը և «Դեբեդի միջնակարգ դպրոց» ՊՈԱԿ-ը։
8.	Ծրագրի իրականացման տևողությունը	2022 թվականի հունվարի 10-ից մինչև 2022 թվականի ապրիլի 1-ը։
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	● «Դեբեդի միջնակարգ դպրոց» ՊՈԱԿ-ի գոյություն ունեցող շենքի և հարակից շինությունների քանդման և ապամոնտաժման աշխատանքներ ընդամենը 35,000,000 (երեսունհինգ միլիոն) ՀՀ դրամ, առանց ԱԱՀ արժողությամբ, 2022 թվականի հունվարի 10-ից մինչև 2022 թվականի ապրիլի 1-ը։ ● Դեբետ բնակավայրի վարչական (համայնքապետարան) շենքի նոր պատուհանների և դռների պատրաստման և տեղադրման աշխատանքներ ընդամենը 4,166,667 (չորս միլիոն մեկ հարյուր վաթսունվեց հազար վեց հարյուր վաթսունյոթ) ՀՀ դրամ, առանց ԱԱՀ արժողությամբ, 2022 թվականի հունվարի 10-ից մինչև 2022 թվականի ապրիլի 1-ը։
10.	Ձեռք բերվող (ներմուծվող) ապրանքների ու ծառա- յությունների համառոտ նկարագիրը, ծավալները և նախատեսվող գինը	Ծրագրի շրջանակներում ներմուծումներ չեն նախատեսվում։ Ծրագրի շրջանակներում կնքվելու են միայն շինարարական աշխատանքների կատարման, պատուհանների ու դռների պատրաստման և տեղադրման պայմանագրեր 39,166,667 (երեսունինը միլիոն մեկ հարյուր վաթսունվեց հազար վեց հարյուր վաթսունյոթ) ՀՀ դրամի շրջանակներում։
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր նախատեսված չեն։
12.	Համագործակցությունը պետական կառավարման, տեղական ինքնակառավար- ման մարմինների, այլ կազ- մակերպությունների հետ	Նախատեսվում է համագործակցել Հայաստանի Հանրապետության կառավարության, Լոռու մարզպետարանի, Փամբակ համայնքի և Դեբետի բնակավայրի հետ։
13.	Ծրագրի արդյունավետու- թյան նկատմամբ վերահսկո- ղության մեխանիզմների նկարագրությունը	Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

Հայաստանի Հանրապետության փոխվարչապետ

Հ. Մաթևոսյան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ