ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 հունիսի 2021 թվականի N 927-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԻՆՏԵՆՍԻՎ ԱՅԳԵԳՈՐԾՈՒԹՅԱՆ ԶԱՐԳԱՑՄԱՆ, ԱՐԴԻԱԿԱՆ ՏԵԽՆՈԼՈԳԻԱՆԵՐԻ ՆԵՐԴՐՄԱՆ ԵՎ ՈՉ ԱՎԱՆԴԱԿԱՆ ԲԱՐՁՐԱՐԺԵՔ ՄՇԱԿԱԲՈՒՅՍԵՐԻ ԱՐՏԱԴՐՈՒԹՅԱՆ ԽԹԱՆՄԱՆ ՊԵՏԱԿԱՆ ԱՋԱԿՑՈՒԹՅԱՆ 2021-2023 ԹՎԱԿԱՆՆԵՐԻ ԾՐԱԳԻՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՄԱՐՏԻ 29-Ի N 361-Լ, 2019 ԹՎԱԿԱՆԻ ԱՊՐԻԼԻ 4-Ի N 362-Լ ԵՎ 2019 ԹՎԱԿԱՆԻ ՄԱՐՏԻ 7-Ի N 212-Լ ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

(վերնագիրը փոփ. 22.07.21 N 1194-Լ)

Հիմք ընդունելով Հայաստանի Հանրապետության Սահմանադրության 146-րդ հոդվածի 4-րդ մասը, «Նորմատիվ իրավական ակտերի մասին» օրենքի 28-րդ հոդվածի 4-րդ մասը և 37-րդ հոդվածի 1-ին մասը՝ Հայաստանի Հանրապետության կառավարությունը որոշում է.

1. Հաստատել Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2023 թվականների ծրագիրը՝ համաձայն հավելվածի։

(1-ին կետը փոփ. 22.07.21 N 1194-Լ)

2. Ուժը կորցրած ճանաչել Հայաստանի Հանրապետության կառավարության 2019 թվականի մարտի 29-ի «Հայաստանի Հանրապետությունում խաղողի, ժամանակակից տեխնոլոգիաներով մշակվող ինտենսիվ պտղատու այգիների և հատապտղանոցների հիմնման համար պետական աջակցության ծրագիրը հաստատելու մասին» N 361-Լ, Հայաստանի Հանրապետության կառավարության 2019 թվականի մարտի 7-ի «Ոռոգման արդիական համակարգերի ներդրման համաֆինանսավորման ծրագիրը հաստատելու մասին» N 212-Լ և Հայաստանի Հանրապետության կառավարության 2019 թվականի ապրիլի 4-ի «Հայաստանի Հանրապետության գյուղատնտեսությունում կարկտապաշտպան ցանցերի ներդրման համար տրամադրվող վարկերի տոկոսավճարների սուբսիդավորման ծրագիրը հաստատելու մասին» N 362-Լ որոշումները:

3. Սույն որոշումն ուժի մեջ է մտնում 2021 թվականի օգոստոսի 1-ից, բացառությամբ որոշման 2-րդ կետի, որն ուժի մեջ է մտնում 2022 թվականի հունվարի 1-ից։

(3-րդ կետը խմբ. 22.07.21 N 1194-Լ)

Հայաստանի Հանրապետության փոխվարչապետի պաշտոնակատար	Տ. Ավինյան
Երևան

08.06.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2021 թվականի հունիսի 3-ի N 927-Լ որոշման

Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԻՆՏԵՆՍԻՎ ԱՅԳԵԳՈՐԾՈՒԹՅԱՆ ԶԱՐԳԱՑՄԱՆ, ԱՐԴԻԱԿԱՆ ՏԵԽՆՈԼՈԳԻԱՆԵՐԻ ՆԵՐԴՐՄԱՆ ԵՎ ՈՉ ԱՎԱՆԴԱԿԱՆ ԲԱՐՁՐԱՐԺԵՔ ՄՇԱԿԱԲՈՒՅՍԵՐԻ ԱՐՏԱԴՐՈՒԹՅԱՆ ԽԹԱՆՄԱՆ ՊԵՏԱԿԱՆ ԱՋԱԿՑՈՒԹՅԱՆ 2021-2023 ԹՎԱԿԱՆՆԵՐԻ

(վերնագիրը փոփ. 22.07.21 N 1194-Լ)

1. ԾՐԱԳՐԻ ՆԿԱՐԱԳԻՐԸ

1. Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2023 թվականների ծրագրի (այսուհետ՝ ծրագիր) իրականացումը պայմանավորված է հանրապետությունում այգիների տարածքների և արտադրվող արտադրանքի, ոչ ավանդական բարձրարժեք գյուղատնտեսական արտադրանքի ծավալների ավելացման, արտադրված արտադրանքի որակի և արտաքին շուկայում մրցակցային դիրքերի բարելավման, ճյուղի ինտենսիվացման, հողային և ջրային ռեսուրսների արդյունավետ օգտագործման, բնակլիմայական աղետների հետևանքով առաջացող վնասների կանխարգելման անհրաժեշտությամբ։

(1-ին կետը փոփ. 22.07.21 N 1194-Լ)

2. Ծրագրի հիմնական նպատակն է ժամանակակից տեխնոլոգիաներով մշակվող խաղողի, ինտենսիվ պտղատու այգիների, հատապտղանոցների հիմնման, ոչ ավանդական բարձրարժեք մշակաբույսերի մշակման, ինչպես նաև ոռոգման արդիական համակարգերի և կարկտապաշտպան ցանցերի ներդրման պետական աջակցության միջոցով՝

1) խթանել ժամանակակից, բարձր բերքատվությամբ այգիների հիմնումը և այդ եղանակով պտղաբուծության և խաղողագործության զարգացումն ու արդյունավետության բարձրացումը.

2) ավելացնել մրցունակ խաղողի, պտղի և հատապտղի արտադրության և արտահանման ծավալները.

3) խթանել ոչ ավանդական բարձր արժեք ապահովող մշակաբույսերի արտադրությունը.

4) նվազեցնել կարկտահարության և այլ բնակլիմայական գործոններով պայմանավորված ռիսկերը.

5) նպաստել ջրային ռեսուրսների խնայողաբար և արդյունավետ օգտագործմանը.

6) մեղմել կլիմայի փոփոխության ազդեցությունը և նպաստել հարմարվողականության մակարդակի բարձրացմանը.

7) նպաստել գյուղատնտեսությունում տնտեսավարողների եկամուտների ավելացմանը։

3. Ծրագիրը նախատեսվում է իրականացնել 2021-2023 թվականներին և ընդգրկելու է Հայաստանի Հանրապետության ամբողջ տարածքը։

(3-րդ կետը փոփ. 22.07.21 N 1194-Լ)

4. Ծրագրով նախատեսվում է խթանել տարեկան շուրջ 500 հա խաղողի, ինտենսիվ պտղատու այգիների և հատապտղանոցների հիմնումը, տարեկան շուրջ 360 հա տարածքում ոռոգման արդիական համակարգերի և (կամ) ջրավազանների կառուցում կամ ընդլայնում / առկա ջրավազանների ընդլայնում (ջրավազանի կառուցումը կամ ընդլայնումը դիտարկվում է յուրաքանչյուր 1 հա տարածքի ոռոգման համար), տարեկան շուրջ 130 հա տարածքում կարկտապաշտպան ցանցերի ներդրումը, ինչպես նաև 2022 թվականին շուրջ 50 հա, 2023 թվականին շուրջ 100 հա ոչ ավանդական բարձրարժեք մշակաբույսերի մշակումը:

(4-րդ կետը փոփ., լրաց. 27.01.22 N 104-Լ)

5. Ծրագիրն իրականացվելու է երկու բաղադրիչով՝ վարկերի տոկոսադրույքների մասնակի սուբսիդավորման և ծախսերի մասնակի փոխհատուցման միջոցով։

6. Ծրագրի մասնակիցներն են`

1) ֆիզիկական և իրավաբանական անձինք, համայնքները (համայնքները միայն սուբվենցիոն ծրագրի շրջանակում չներառված ջրավազանների կառուցման կամ ընդլայնման դեպքում), անհատ ձեռնարկատերերը (այսուհետ՝ շահառու).

2) առևտրային բանկերը կամ վարկային կազմակերպությունները (այսուհետ՝ Ֆինանսական կառույցներ), որոնք բավարարում են ծրագրի պահանջներին և սույն ծրագրի պայմաններին համապատասխան վարկ են տրամադրում շահառուներին.

3) Հայաստանի Հանրապետության էկոնոմիկայի նախարարությունը (այսուհետ՝ նախարարություն).

4) նախարարության «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի գյուղական ֆինանսավորման կառույցը (այսուհետ՝ ԳՖԿ):

(6-րդ կետը լրաց. 27.01.22 N 104-Լ)

7. Ծրագրի շրջանակում նույն հողամասի վրա նույն աշխատանքների իրականացման համար շահառուները չեն կարող օգտվել գյուղատնտեսության ոլորտում իրականացվող պետական աջակցության այլ ծրագրերից։

8. Յուրաքանչյուր շահառու նույն հողամասի վրա նույն աշխատանքներն իրականացնելու նպատակով կարող է օգտվել 5-րդ կետում նշված պետական օժանդակության միայն մեկ բաղադրիչից։

9. Յուրաքանչյուր շահառուի կողմից՝

1) հիմնվող այգիների տարածքների հանրագումարը վարկերի տոկոսադրույքների մասնակի սուբսիդավորման դեպքում չի կարող գերազանցել 200 հա-ը, իսկ ծախսերի մասնակի փոխհատուցման դեպքում՝ 10 հա-ը.

2) մշակվող ոչ ավանդական մշակաբույսերի տարածքների հանրագումարը վարկերի տոկոսադրույքների մասնակի սուբսիդավորման դեպքում չի կարող գերազանցել 30 հա-ը.

3) առանց այգեհիմնման ոռոգման արդիական համակարգերի ներդրման դեպքում տարածքների հանրագումարը վարկերի տոկոսադրույքների մասնակի սուբսիդավորման դեպքում չի կարող գերազանցել 100 հա-ը (նաև ջրավազանների կառուցման կամ ընդլայնման համար), իսկ ծախսերի մասնակի փոխհատուցման դեպքում (միայն ոռոգման արդիական համակարգերի ներդրման համար)՝ 10 հա-ը.

4) առանց այգեհիմնման կարկտապաշտպան ցանցերի ներդրման դեպքում տարածքների հանրագումարը վարկերի տոկոսադրույքների մասնակի սուբսիդավորման դեպքում չի կարող գերազանցել 100 հա-ը։

(9-րդ կետը փոփ. 27.01.22 N 104-Լ)

10. Ծրագրի շրջանակում տրամադրված պետական օժանդակության միջոցով չի նախատեսվում այգեհիմնման, մշակաբույսերի մշակման և հետագա խնամքի նպատակով գյուղատնտեսական տեխնիկայի և ինքնագնաց միջոցների ձեռքբերումը, ինչպես նաև 11-րդ կետում նշված խորհրդատվական ծառայության համար վճարումների կատարումը: Ծրագրի շրջանակում այգեհիմնման նպատակով թույլատրվում է այգեհիմնման տարածքի չափով հողի ձեռքբերում, եթե չեն գերազանցվում ծրագրի 16-րդ կետով և 24-րդ կետի 13-րդ ենթակետով գնահատված ծախսերի առավելագույն սահմանաչափերը:

(10-րդ կետը փոփ., լրաց. 27.01.22 N 104-Լ)

11. Ծրագրի այգեհիմնման բաղադրիչով մասնակցության նախապայման է համարվում այգեհիմնման ժամանակահատվածում և հաջորդող 3 տարիների համար շահառուի և խորհրդատվական ծառայություն մատուցողի միջև կնքված ու նախարարություն և (կամ) Ֆինանսական կառույցին ներկայացված պայմանագիրը։ Ընդ որում, խորհրդատվություն տրամադրող անձը պետք է ունենա բարձրագույն ագրոնոմիական կրթություն և համապատասխան ոլորտի աշխատանքային փորձ, կամ գործունեության տվյալ տեսակով զբաղվելու իրավունքը հավաստող միջազգային կամ այլ փաստաթղթեր։ Սույն կետում նշված պայմանագիրը լուծվելու դեպքում շահառուն 10 աշխատանքային օրվա ընթացքում այլ խորհրդատվական ծառայություն մատուցողի հետ կնքում է նոր պայմանագիր, որն ուժի մեջ մտնելու պահից 5 աշխատանքային օրվա ընթացքում ներկայացնում է նախարարություն և (կամ) ֆինանսական կառույցին։

12. Ծրագրի շրջանակում շահառուն պարտավոր է՝

1) այգեհիմնումն իրականացնել N 1 աղյուսակում նշված 1 հա այգում տնկիների նվազագույն թվից ոչ պակաս քանակի տնկիներով.

2) այգեհիմնումն իրականացնել ցածրաճ (թզուկային և կիսաթզուկային, թույլ աճող) պատվաստակալների վրա պատվաստված սորտերի տնկիներով (խաղողի այգիների դեպքում այս պահանջը պարտադիր չէ).

3) այգեհիմնման և (կամ) ոռոգման արդիական համակարգերի ներդրման և (կամ) ջրավազանների կառուցման կամ ընդլայնման դեպքում ապահովել ջրային ռեսուրսների հասանելիությունը, և այգիներում պարտադիր ներդնել ոռոգման արդիական համակարգեր (կարկտապաշտպան ցանցերի ներդրումը և ջրավազանների կառուցումը կամ ընդլայնումը պարտադիր չէ).

4) այգեհիմնումն ավարտել վարկային կամ փոխհատուցման պայմանագիրն ուժի մեջ մտնելու պահից առավելագույնը 2 տարվա ընթացքում։ Ընդ որում, գարնանն այգետնկումը պետք է կատարվի մինչև հունիսի 1-ը, իսկ աշնանը՝ մինչև դեկտեմբերի 1-ը.

5) ոչ ավանդական մշակաբույսերի մշակությունն ավարտել վարկային պայմանագիրն ուժի մեջ մտնելու պահից առավելագույնը 1 տարվա ընթացքում (ծնեբեկի դեպքում հիմնական աշխատանքներն ավարտել առավելագույնը 2 տարվա ընթացքում).

6) ոռոգման արդիական համակարգերի ներդրումը և (կամ) ջրավազանի կառուցումը կամ ընդլայնումը և (կամ) կարկտապաշտպան ցանցի ներդրումն ավարտել վարկային կամ փոխհատուցման պայմանագիրն ուժի մեջ մտնելու պահից առավելագույնը 1 տարվա ընթացքում.

7) այգեհիմնմանը հաջորդող 3 տարիների համար վարել գրանցամատյան (գրանցամատյանի օրինակելի ձևը մշակում է նախարարությունը և ծրագրի հաստատումից հետո 1 ամսվա ընթացքում հրապարակում նախարարության կայքում), որտեղ գրանցվում է խորհրդատուի կողմից առաջարկվող և շահառուի կողմից իրականացվող աշխատանքների վերաբերյալ տեղեկատվություն։

(12-րդ կետը փոփ. 27.01.22 N 104-Լ)

13. Ծրագրի շահառուի հայեցողությամբ կիրառվում են պետական աջակցության հետևյալ տարբերակները՝

1) 0.5 (յուրաքանչյուր պտղատեսակի համար)-200 հա այգեհիմնման (ներառյալ առաջին տարվա խնամքի ծախսերը) նպատակով տրամադրվող վարկերի տոկոսադրույքների սուբսիդավորում.

2) 0.5-100 հա տարածքի համար ոռոգման արդիական համակարգերի և (կամ) ջրավազանների կառուցման կամ ընդլայնման և (կամ) 0.5-100 հա կարկտապաշտպան ցանցերի ներդրման նպատակով տրամադրվող վարկերի տոկոսադրույքների սուբսիդավորում.

3) 1.0-30 հա ծնեբեկի, պրասասոխի, ռուկոլայի, բրյուսելյան և պեկինյան կաղամբների, կոլրաբիի, գանգրակաղամբի (կալե), ցուկինիի (դեղին կամ մուգ կանաչ) և պատիսոնի, քաղցր եգիպտացորենի մշակության նպատակով տրամադրվող վարկերի տոկոսադրույքների սուբսիդավորում.

4) 0.5 (յուրաքանչյուր պտղատեսակի համար)-10 հա այգեհիմնման և 0.5-10 հա ոռոգման արդիական համակարգերի ներդրման նպատակով կատարված ծախսերի (այգեհիմնման դեպքում՝ առանց առաջին տարվա խնամքի ծախսերի) մասնակի փոխհատուցում:

(13-րդ կետը փոփ. 27.01.22 N 104-Լ)

14. Ծրագրի շրջանակում շահառուի կողմից կատարված ծախսերի ռիսկը կրում է շահառուն։

15. Ծրագիրը կարող է իրականացվել ինչպես կապալառու կազմակերպության միջոցով, այնպես էլ առանց դրա: Վերջինիս հետ համագործակցությունից կախված տրամադրվող վարկի կամ փոխհատուցվող գումարի չափը փոփոխության ենթակա չէ:

16. Յուրաքանչյուր շահառուի համար սահմանված 1 հա այգեհիմնման գնահատված ընդհանուր ծախսերի՝ ներառյալ ոռոգման արդիական համակարգերի (բացի կաթիլային ոռոգման համակարգերից այլ համակարգերի ներդրման դեպքում, ծախսերը կգնահատվեն ոչ ավելի քան կաթիլային ոռոգման համակարգի ներդրման ծախսի առավելագույն սահմանաչափը) և (կամ) կարկտապաշտպան ցանցերի ներդրման, և (կամ) ջրավազանի կառուցման կամ ընդլայնման, 1-ին տարվա խնամքի ծախսերը, առավելագույն սահմանաչափերն են (հաշվարկները ներկայացվում են NN 2, 3, 4 և 5 աղյուսակներում)՝

1) ինտենսիվ պտղատու այգի՝ հնդավորներ, կորիզավորներ և չոր մերձարևադարձայիններ՝ 30.3 մլն դրամ, կարկտապաշտպան ցանցով՝ 40.5 մլն դրամ.

2) ինտենսիվ պտղատու այգի՝ ընկուզավորներ՝ 12.6 մլն դրամ, կարկտապաշտպան ցանցով՝ 24.7 մլն դրամ.

3) խաղողի այգի՝ 18.5 մլն դրամ, կարկտապաշտպան ցանցով՝ 21.3 մլն դրամ (սեղանի խաղողի դեպքում՝ 27.9 մլն դրամ).

4) հատապտղանոց՝ 19.3 մլն դրամ, կարկտապաշտպան ցանցով՝ 29.4 մլն դրամ:

(16-րդ կետը փոփ. 27.01.22 N 104-Լ)

17. Այգեհիմնման դեպքում առանց ջրավազան կառուցելու պայմաններում NN 2, 3, 4 և 5 աղյուսակներում հաշվարկված ջրավազանի կառուցման կամ ընդլայնման ծախսը հանվում է ընդամենը ծախսերից։

(17-րդ կետը փոփ. 27.01.22 N 104-Լ)

18. Առանց այգեհիմնման յուրաքանչյուր շահառուի համար սահմանված 1 հա կարկտապաշտպան ցանցի ներդրման ընդհանուր ծախսի առավելագույն սահմանաչափը՝ 12.1 մլն դրամ է (հաշվարկները ներկայացվում են N 6 աղյուսակում):

19. Առանց այգեհիմնման յուրաքանչյուր շահառուի համար սահմանված 1 հա ոռոգման արդիական համակարգի ներդրման ընդհանուր ծախսի առավելագույն սահմանաչափը կաթիլային համակարգի դեպքում՝ 2.5 մլն դրամ է, անձրևացման համակարգերի դեպքում՝ 2.6 մլն դրամ (հաշվարկները ներկայացվում են NN 7 և 8 աղյուսակներում), ջրավազանների կառուցման կամ ընդլայնման դեպքում՝ 2.0 մլն դրամ (1 հա տարածքի ոռոգման հաշվով):

(19-րդ կետը փոփ. 27.01.22 N 104-Լ)

20. Ոչ ավանդական բարձրարժեք մշակաբույսերի մշակության համար սահմանված 1 հա-ի ընդհանուր ծախսի առավելագույն սահմանաչափերն են (հաշվարկները ներկայացվում են NN 9, 10, 11, 12, 13, 14, 15, 16 և 17 աղյուսակներում)՝

1) ծնեբեկ՝ 7.2 մլն դրամ.

2) պրասասոխ՝ 3.9 մլն դրամ.

3) ռուկոլա՝ 3.8 մլն դրամ.

4) բրյուսելյան կաղամբ՝ 4.3 մլն դրամ.

5) պեկինյան կաղամբ՝ 4.2 մլն դրամ.

6) կոլրաբի՝ 4.8 մլն դրամ.

7) գանգրակաղամբ՝ 4.5 մլն դրամ.

8) ցուկինի և պատիսոն՝ 2.9 մլն դրամ.

9) քաղցր եգիպտացորեն՝ 2.2 մլն դրամ։

21. Բացի 13-րդ կետի 3–րդ ենթակետում նշված ոչ ավանդական բարձրարժեք մշակաբույսերից, շահառուն կարող է մշակել նաև այլ ոչ ավանդական բարձրարժեք մշակաբույսեր՝ նախարարության համաձայնությամբ, որոնց դեպքում 1 հա–ի ընդհանուր ծախսի առավելագույն սահմանաչափը գնահատվում է 4.2 մլն դրամ։

22. Այգու հիմնման նպատակով շահառուն ֆինանսական կառույցին (մինչև վարկի ստացումը) և նախարարություն է ներկայացնում հողի ագրոքիմիական բաղադրության լաբորատոր փորձաքննության եզրակացության պատճենը (առավելագույնը 6 ամսվա վաղեմության), ինչպես նաև համայնքի (վարչական շրջանի) ղեկավարի կողմից հաստատված տեղեկատվություն՝ այգեհիմնմանը նախորդող երեք տարիների ընթացքում տվյալ տարածքում մշակված մշակաբույսերի վերաբերյալ։ Անհրաժեշտության դեպքում, նախարարությունը ներկայացված փաստաթղթերի վերաբերյալ ֆինանսական կառույցին կտրամադրի խորհրդատվություն։

(22-րդ կետը փոփ. 27.01.22 N 104-Լ)

23. Ծրագրի շրջանակում տրամադրվող վարկերի տոկոսադրույքների մասնակի սուբսիդավորման ընթացակարգը՝

1) ծրագրին մասնակցելու նպատակով շահառուները մինչև ներդրման աշխատանքների սկսվելը դիմում են ծրագրին մասնակից ֆինանսական կառույցներին՝ վարկունակության բավարար մակարդակը ճշգրտելու նպատակով.

2) ֆինանսական կառույցի վարկունակության պահանջները բավարարելու դեպքում շահառուները վարկի ստացման համար ներկայացնում են՝

ա. անձը հաստատող փաստաթղթի պատճենը,

բ. անշարժ գույքի նկատմամբ իրավունքի պետական գրանցման վկայականի պատճենը (պատճենները)։ Եթե գրանցված իրավունքն ընդհանուր համատեղ սեփականություն է կամ վարձակալություն, ապա ներկայացվում է նաև նոտարական կարգով վավերացված՝ անշարժ գույքի սեփականատիրոջ կամ համասեփականատիրոջ (համասեփականատերերի) համաձայնությունը՝ ծրագրին մասնակցելու վերաբերյալ, ընդ որում, անշարժ գույքի վարձակալության ժամկետն այգեհիմնման դեպքում չպետք է պակաս լինի դիմումը ներկայացնելու օրվանից հաշված՝ 20 տարուց, ոռոգման արդիական համակարգի ներդրման դեպքում՝ 4 տարուց, կարկտապաշտպան ցանցի դեպքում՝ 7 տարուց, իսկ ոչ ավանդական բարձրարժեք մշակաբույսերի դեպքում՝ մինչև 2 տարուց,

գ. այգեհիմնման դեպքում ներկայացվում են նաև ծրագրի 11-րդ և 22-րդ կետերով սահմանված փաստաթղթերը, կատարվելիք ծախսերի նախահաշիվը՝ համաձայն NN 2, 3, 4, 5 աղյուսակներում նշված աշխատանքների (այլ աշխատանքները ֆինանսավորման ենթակա չեն),

դ․ ոչ ավանդական բարձրարժեք մշակաբույսերի մշակության դեպքում ներկայացվում է նաև կատարվող ծախսերի նախահաշիվը.

3) այգեհիմնման աշխատանքների ավարտից հետո շահառուն ֆինանսական կառույց է ներկայացնում՝

ա. արտերկրից ձեռք բերված կամ տեղական արտադրության (հանրապետությունում տնկանյութի հավաստագրման համակարգի ներդրումից հետո) տնկանյութի (պիստակենու դեպքում՝ տնկանյութի կամ սերմի) ծագումն ու որակը հավաստող փաստաթուղթը (հավաստագիր),

բ. արտերկրից ձեռք բերված տնկանյութի բուսասանիտարական կարանտին հսկողության (վերահսկողության) ակտը,

գ. տնկանյութի ներկրումը հավաստող փաստաթղթերը, իսկ տեղական արտադրության դեպքում (մինչև հանրապետությունում տնկանյութի հավաստագրման համակարգի ներդրումը)` բուսասանիտարական անձնագիր (տրամադրված՝ մինչև այգեհիմնումը),

դ. այգեհիմնման աշխատանքների ծախսերը հիմնավորող փաստաթղթերը.

4) կարկտապաշտպան ցանցերի և ոռոգման արդիական համակարգերի, ներդրման, ինչպես նաև ջրավազանների կառուցման կամ ընդլայնման աշխատանքների ավարտից հետո շահառուն ֆինանսական կառույց է ներկայացնում կարկտապաշտպան ցանցերի և ոռոգման արդիական համակարգերի ձեռքբերման և տեղակայման, ինչպես նաև ջրավազանի կառուցման կամ ընդլայնման ծախսերը հիմնավորող փաստաթղթերը.

5) ոչ ավանդական բարձրարժեք մշակաբույսերի մշակության ավարտից հետո շահառուն ֆինանսական կառույց է ներկայացնում՝

ա. արտերկրից ձեռք բերված սածիլի կամ սերմի ծագումն ու որակը հավաստող փաստաթուղթը (հավաստագիր) և (կամ) տուփը և (կամ) պիտակը, տեղական սերմերի համար՝ սերմի ծագումն ու որակը հավաստող փաստաթուղթը (հավաստագիր),

բ. արտերկրից ձեռք բերված սածիլի բուսասանիտարական կարանտին հսկողության (վերահսկողության) ակտը,

գ. սածիլի կամ սերմի ներկրումը հավաստող փաստաթղթերը, իսկ տեղական սածիլի արտադրության դեպքում ` բուսասանիտարական անձնագիր,

դ. մշակության ծախսերը հիմնավորող փաստաթղթերը.

6) շահառուին տրամադրվող վարկի նախատեսված գումարն անկանխիկ եղանակով, միանվագ կամ փուլ առ փուլ փոխանցվում է շահառուի հաշվեհամարին.

7) ծրագրի շահառուներին տրամադրվող վարկի գումարը հաշվարկվում է՝ ելնելով ներդրվող տարածքի չափից՝ ծրագրի 16-րդ, 18-րդ, 19-րդ և 20–րդ կետերով սահմանված 1 հա տարածքի առավելագույն սահմանաչափերի շրջանակներում՝ այգեհիմնման դեպքում հաշվի առնելով ծրագրի 17-րդ կետի դրույթը, իսկ ոչ ավանդական բարձրարժեք մշակաբույսերի դեպքում՝ ծրագրի 21-րդ կետի դրույթը։ Ծրագրի շրջանակում վարկը կտրամադրվի միայն շահառուի կողմից սույն ծրագրով սահմանված գործընթացն սկսելուց (վարկային պայմանագիրն ուժի մեջ մտնելուց) հետո կատարվելիք աշխատանքների համար.

8) այգեհիմնման դեպքում 1 հա-ի հաշվով ֆինանսական կառույցի գնահատմամբ վարկի գումարը կարող է ավելացվել ոչ ավելի, քան ծրագրով գնահատված 1 հա-ի առավելագույն ծախսի 10 %-ը (արտադրանքի գին, տնկիների քանակ, արտարժույթի տատանումներ և այլն).

9) եթե շահառուն իր ցանկությամբ վարկավորվել է առանց կարկտապաշտպան ցանցի այգեհիմնում կատարելու համար, ապա կարկտապաշտպան ցանցի անցկացման նպատակով լրացուցիչ վարկավորում ստանալու համար կարող է դիմել ֆինանսական կառույցին՝ շահառուի և ֆինանսական կառույցի միջև կնքված պայմանագիրն ուժի մեջ մտնելու պահից մեկ տարվա ընթացքում։ Կարկտապաշտպան ցանցի անցկացման համար լրացուցիչ վարկավորումը ֆինանսական կառույցի կողմից իրականացվում է շահառուի և ֆինանսական կառույցի միջև կնքված պայմանագրի, ծրագրի 16-րդ և 17-րդ կետերով սահմանված սահմանաչափերի շրջանակում՝ վարկի գումարի վերահաշվարկ կատարելու միջոցով։ Շահառուի և ֆինանսական կառույցի միջև կնքված պայմանագրով սահմանված վարկի տրամադրման պայմանները փոփոխման ենթակա չեն.

10) ծրագրի շահառուներին վարկերը տրամադրվելու են դրամով առավելագույնը 14% փաստացի տոկոսադրույքով.

11) վարկերի տոկոսադրույքների սուբսիդավորումը կիրականացվի այնպիսի չափաքանակով, որ շահառուներին վարկը տրամադրվի 2% տոկոսադրույքով, իսկ Հայաստանի Հանրապետության կառավարության 2014 թվականի դեկտեմբերի 18-ի N 1444-Ն որոշմամբ հաստատված ցանկում ընդգրկված սոցիալական աջակցություն ստացող սահմանամերձ համայնքների բնակավայրերի տնտեսավարողներին, գյուղատնտեսական կոոպերատիվներին, զինվորական ծառայության պարտականությունների կատարման ժամանակ մարտական հերթապահության կամ գործողությունների իրականացման արդյունքում հաշմանդամ դարձած քաղաքացիներին, գյուղատնտեսությունում տնտեսավարող երիտասարդներին (18-35 տարեկանը չլրացած ֆիզիկական անձանց (վարկային պայմանագիրն ուժի մեջ մտնելու պահին), այգեհիմնման և (կամ) ոռոգման արդիական համակարգերի ներդրման դեպքում նաև գերնորմատիվային ջրապահանջարկ ունեցող հողատարածքներում (գերնորմատիվային ջրապահանջարկ ունեցող հողատարածքներով համայնքների ցանկն ընդգրկված է Հայաստանի Հանրապետության տարածքային կառավարման նախարարի 2007 թվականի ապրիլի 2–ի N 18-Ա և Հայաստանի Հանրապետության գյուղատնտեսության նախարարի 2007 թվականի ապրիլի 2–ի N 77-Ա համատեղ հրամանով հաստատված «Գյուղատնտեսական մշակաբույսերի ոռոգման նորմաներն ու ռեժիմները Հայաստանի Հանրապետության ոռոգելի հողատարածքների համար» ձեռնարկում) ներդրողներին՝ 0% տոկոսադրույքով.

11.1) Ծրագրի սուբսիդավորումն սկսվում է 2022 թվականի հունվարի 1-ից՝ սույն կետի 11-րդ ենթակետի պայմաններին համապատասխան։ 2021 թվականին ծրագրին դիմելու դեպքում՝ մինչև 2022 թվականի հունվարի 1-ը ընկած ժամանակահատվածի համար վարկի տոկոսադրույքը մարվում է շահառուի կողմից.

12) տրամադրվող վարկերի հետ կապված ֆինանսական կառույցների կողմից այլ ծառայությունների համար վճարներ չեն նախատեսվում.

13) վարկերի մարման ժամկետներն են՝

ա. այգեհիմնում կատարելու դեպքում 8 տարի, մայր գումարի արտոնյալ ժամկետը՝ 5 տարի,

բ. առանց այգեհիմնման կարկտապաշտպան համակարգեր ներդնելու դեպքում՝ 7 տարի, մայր գումարի արտոնյալ ժամկետը՝ մինչև 3 տարի,

գ. առանց այգեհիմնման ոռոգման արդիական համակարգեր (կաթիլային կամ անձրևացման) ներդնելու, ինչպես նաև ջրավազանների կառուցման կամ ընդլայնման դեպքում՝ 4 տարի, մայր գումարի արտոնյալ ժամկետը՝ մինչև 1 տարի,

դ. ոչ ավանդական բարձրարժեք մշակաբույսերի մշակության դեպքում՝ 2 տարի (ծնեբեկի դեպքում՝ 5 տարի), մայր գումարի արտոնյալ ժամկետը՝ մինչև 1 տարի (ծնեբեկի դեպքում՝ մինչև 4 տարի),

ե․ շահառուի համաձայնությամբ կարող է սահմանվել արտոնյալ ժամկետի առավել կարճ ժամանակահատված, իսկ արդեն սահմանված ժամանակահատվածը կարող է կրճատվել կամ դադարեցվել՝ ֆինանսական կառույցի ընթացակարգին համապատասխան,

զ. եթե շահառուին միևնույն նախագծի համար վարկը տրամադրվում է փուլերով կամ մեկից ավելի վարկային պայմանագրերով (մասնաբաժիններով), ապա յուրաքանչյուր հաջորդ վարկը համարվում է առաջին տրված վարկի շարունակությունը, և վարկի մարման ու մայր գումարի արտոնյալ ժամկետները պետք է համապատասխանեն առաջին տրված վարկի մարման և մայր գումարի արտոնյալ ժամկետին.

14) վարկերի մարման գործընթացն իրականացվում է մայր գումարի ամսական վճարման եղանակով, վարկի տոկոսադրույքը հաշվարկվում է մայր գումարի մնացորդի նկատմամբ: Վարկի վաղաժամկետ վճարման դեպքում տույժեր և տուգանքներ չեն սահմանվում.

15) վարկերի տոկոսադրույքների սուբսիդավորման գործընթացը նախաձեռնում են ֆինանսական կառույցները, որոնք իրականացնում են սույն ծրագրի պայմաններին համապատասխան գործարքներ.

16) վարկերի տոկոսադրույքների սուբսիդավորումն իրականացվում է վարկի մայր գումարի և վարկի տոկոսադրույքի չսուբսիդավորվող մասի փաստացի մարումների հիման վրա, տույժերը և տուգանքները սուբսիդավորման ենթակա չեն.

17) վարկի տոկոսադրույքի սուբսիդավորման գումարը ԳՖԿ–ի կողմից փոխանցվում է ֆինանսական կառույցի համապատասխան հաշվին՝ տվյալ ֆինանսական կառույցի հայտերի հիման վրա: Հայտի բովանդակությունը, ինչպես նաև ֆինանսական կառույցի կողմից ԳՖԿ–ին ներկայացվող փաստաթղթերի և տեղեկատվության պահանջները սահմանվում են ԳՖԿ-ի և տվյալ ֆինանսական կառույցի միջև կնքվող պայմանագրով։ Պայմանագրի օրինակելի ձևը մշակում է ԳՖԿ-ն՝ համաձայնեցնելով նախարարության հետ.

18) ԳՖԿ-ի և տվյալ ֆինանսական կառույցի միջև կնքվող պայմանագրում ամրագրվում են ֆինանսական կառույցի կողմից սույն ծրագրի 23-րդ կետի 2-րդ, 3-րդ, 4-րդ և 5-րդ ենթակետերով սահմանված փաստաթղթերի ներկայացումը ԳՖԿ-ին.

19) ֆինանսական կառույցը նախորդ ամսվա վարկի տոկոսադրույքի սուբսիդավորման հայտը ԳՖԿ-ին է ներկայացնում` ոչ ուշ, քան հաջորդ ամսվա հինգերորդ աշխատանքային օրը: ԳՖԿ-ն հայտն ստանալուց հետո 5 աշխատանքային օրվա ընթացքում ֆինանսական կառույցի հետ ճշգրտում է հայտերը, ստուգում է ծրագրի պահանջներին համապատասխանությունը և դրական եզրակացության դեպքում ներկայացնում նախարարություն, որը 5 աշխատանքային օրվա ընթացքում հաշվառում է ԳՖԿ-ից ստացված հայտերը և դրանց վերաբերյալ դրական եզրակացությունները և վարկի տոկոսադրույքի սուբսիդավորման գումարը փոխանցում է ԳՖԿ–ին, որն էլ 5 աշխատանքային օրվա ընթացքում գումարը փոխանցում է համապատասխան Ֆինանսական կառույցի հաշվեհամարին.

20) այգեհիմնման, կարկտապաշտպան ցանցերի, ոռոգման արդիական համակարգերի ներդրման, ջրավազանների կառուցման կամ ընդլայնման և ոչ ավանդական բարձրարժեք մշակաբույսերի մշակության համար տրամադրված վարկի տոկոսադրույքի սուբսիդավորումը կարող է դադարեցվել՝

ա. եթե չեն պահպանվել ծրագրով սահմանված պահանջները (մասնավորապես՝ 10-րդ, 12-րդ կետերը, 23-րդ կետի 2-րդ ենթակետի «դ» պարբերությունը և 23-րդ կետի 7-րդ ենթակետի 2-րդ նախադասությունը), վարկը նպատակային չի օգտագործվել, կամ 25-րդ կետում նշված մոնիթորինգի արդյունքում հայտնաբերվել է սույն ծրագրի պայմանների խախտում,

բ. եթե շահառուի կողմից տրամադրվել է ակնհայտ կեղծ տեղեկատվություն,

գ. եթե առկա են տվյալ վարկի մասով վարկառուի մեկ տարվա (նախորդ 12 ամիսներ) կտրվածքով հանրագումարային վաթսուն օրվանից ավելի ժամկետանց պարտավորություններ կամ ֆինանսական կառույցի հանդեպ ունեցած ժամկետանց պարտավորությունների հետևանքով՝ համաձայն Հայաստանի Հանրապետության կենտրոնական բանկի Հայաստանի Հանրապետության տարածքում գործող բանկերի վարկերի ու դեբիտորական պարտքերի դասակարգման և հնարավոր կորուստների պահուստների ձևավորման կարգի վարկն օբյեկտիվ չափանիշներով ստանդարտ դասով դասակարգված չէ,

դ. շահառուի և ֆինանսական կառույցի միջև կնքված պայմանագիրը վաղաժամկետ լուծելու դեպքում.

21) վարկի սուբսիդավորումը դադարեցվում է տվյալ վարկի մարման ժամանակացույցով սահմանված վարկի նախորդ մարման օրվանից սկսած.

22) վարկառուի կողմից վարկի ոչ նպատակային օգտագործման կամ ներկայացված ակնհայտ կեղծ տեղեկատվության ի հայտ գալու դեպքում ֆինանսական կառույցը պարտավոր է վարկառուի գործող վարկը հանել վարկերի տոկոսադրույքների սուբսիդավորման ծրագրից և միակողմանիորեն փոփոխել վարկի տոկոսադրույքը՝ կիրառելով տվյալ ֆինանսական կառույցում գործող գյուղատնտեսական կամ բիզնես վարկերի համար սահմանված ավելի բարձր տոկոսադրույք.

23) վարկառուի կողմից վարկի ոչ նպատակային օգտագործման և ակնհայտ կեղծ տեղեկատվություն տրամադրելու դեպքերում մինչ այդ պահը տրամադրված սուբսիդավորման գումարը ենթակա է վերադարձման՝ 3 ամսվա ընթացքում (սուբսիդավորված գումարի վերադարձն իրականացնում է ֆինանսական կառույցը):

(23-րդ կետը լրաց., փոփ. 22.07.21 N 1194-Լ, 27.01.22 N 104-Լ)

24. Կատարված ծախսերի մասնակի փոխհատուցման ընթացակարգը՝

1) փոխհատուցման գործընթացը նախաձեռնում են շահառուները` մինչև այգու հիմնումը և (կամ) ոռոգման արդիական համակարգի ներդրումն էլեկտրոնային կամ թղթային տարբերակով 2022 թվականի հունվարի 1-ից հետո դիմելով նախարարություն՝ նշելով հողատարածքի տեղը, չափերը, հիմնվող այգու չափերն ու տեսակը, այգեհիմնման դեպքում՝ տնկման բանաձևը, կցելով՝

ա. անձը հաստատող փաստաթղթի պատճենը,

բ. անշարժ գույքի նկատմամբ իրավունքի պետական գրանցման վկայականի պատճենը։ Եթե գրանցված իրավունքն ընդհանուր համատեղ սեփականություն է կամ վարձակալություն, ապա ներկայացվում է նաև նոտարական կարգով վավերացված՝ անշարժ գույքի սեփականատիրոջ կամ համասեփականատիրոջ (համասեփականատերերի) համաձայնությունը՝ ծրագրին մասնակցելու վերաբերյալ, ընդ որում, անշարժ գույքի վարձակալության ժամկետն այգեհիմնման դեպքում չպետք է պակաս լինի դիմումը ներկայացնելու օրվանից հաշված՝ 20 տարուց, իսկ ոռոգման արդիական համակարգի ներդրման դեպքում՝ 4 տարուց,

գ. այգեհիմնման դեպքում կցվում են նաև ծրագրի 22-րդ կետով սահմանված փաստաթղթերը.

2) դիմումն ընդունելուց հետո 15 աշխատանքային օրվա ընթացքում նախարարության ներկայացուցիչը դիմումում նշված տեղեկությունների ուսումնասիրության նպատակով իրականացնում է տեղազննություն և կազմում արձանագրություն.

3) տեղազննության արձանագրության դրական եզրակացության դեպքում շահառուն հաշվառվում է նախարարության համապատասխան ստորաբաժանման կողմից և 5 աշխատանքային օրվա ընթացքում գրավոր տեղեկացվում որպես շահառու հաշվառվելու և պայմանագիր կնքելու վերաբերյալ: Բացասական եզրակացության դեպքում 5 աշխատանքային օրվա ընթացքում շահառուին տրամադրվում է արձանագրության պատճենը.

4) այգեհիմնման նպատակով հաշվառված շահառուն սույն կետի 3-րդ ենթակետի պայմանագիր կնքելու առաջարկն ստանալուց հետո մեկ ամսվա ընթացքում նախարարություն է ներկայացնում ծրագրի 11-րդ կետում նշված փաստաթուղթը, որից հետո 5 աշխատանքային օրվա ընթացքում վերջինիս հետ կնքվում է պայմանագիր.

5) ոռոգման արդիական համակարգերի ներդրման դեպքում հաշվառված շահառուի հետ 5 աշխատանքային օրվա ընթացքում կնքվում է պայմանագիր.

6) այգու հիմնման աշխատանքների ավարտից հետո պայմանագիր կնքած շահառուն փոխհատուցում ստանալու նպատակով էլեկտրոնային կամ թղթային տարբերակով դիմում է նախարարություն՝ դիմումին կից ներկայացնելով՝

ա. տնկման բանաձևի մասին տեղեկատվությունը,

բ. արտերկրից ձեռք բերված կամ տեղական արտադրության (հանրապետությունում տնկանյութի հավաստագրման համակարգի ներդրումից հետո) տնկանյութի (պիստակենու դեպքում՝ տնկանյութի կամ սերմի) ծագումն ու որակը հավաստող փաստաթուղթը (հավաստագիր),

գ. արտերկրից ձեռք բերված տնկանյութի բուսասանիտարական կարանտին հսկողության (վերահսկողության) ակտը,

դ. տնկանյութի ներկրումը հավաստող փաստաթղթերը, իսկ տեղական արտադրության դեպքում (մինչև հանրապետությունում տնկանյութի հավաստագրման համակարգի ներդրումը)` բուսասանիտարական անձնագիր (տրամադրված՝ մինչև այգեհիմնումը),

ե. այգեհիմնման աշխատանքների ծախսերը հիմնավորող փաստաթղթերը,

զ. հիմնված այգու թվային լուսանկարները.

7) ոռոգման արդիական համակարգեր ներդնելու աշխատանքների ավարտից հետո պայմանագիր կնքած շահառուն փոխհատուցում ստանալու նպատակով էլեկտրոնային կամ թղթային տարբերակով դիմում է նախարարություն՝ դիմումին կից ներկայացնելով ձեռքբերման և տեղակայման ծախսերը հիմնավորող փաստաթղթերը.

8) այգեհիմնման դեպքում փոխհատուցման տրամադրման համար նախապայման է հանդիսանում տնկման բանաձևով նախատեսված և տնկված տնկիների առնվազն 75 % կպչունությունը.

9) ծրագրով նախատեսված աջակցությունը կտրամադրվի միայն շահառուի կողմից սույն ծրագրով սահմանված գործընթացն սկսելուց (սույն կետի 4-րդ ենթակետի պայմանագիրը կնքելուց) հետո կատարված աշխատանքների համար.

10) փոխհատուցման գումարը կտրամադրվի շահառուին մոնիթորինգի արդյունքների հիման վրա, որի անցկացման կարգը սահմանում է նախարարությունը.

11) փոխհատուցման մերժման հիմք է հանդիսանում՝

ա. շահառուի կողմից ակնհայտ կեղծ տեղեկատվություն տրամադրելը,

բ. ծրագրի դրույթների չպահպանելը,

գ. մոնիթորինգի արձանագրության բացասական եզրակացությունը.

12) ծրագրի շրջանակում 0.5-10 հա այգեհիմնման համար (1-ին տարվա խնամքի ծախսերը ներառված չեն) յուրաքանչյուր շահառուի կփոխհատուցվի փաստացի կատարված ծախսերի 50%-ը՝ ծախսերը հիմնավորող փաստաթղթերի հիման վրա (NN 2, 3, 4 և 5 աղյուսակներում նշված աշխատանքներից բացի այլ աշխատանքների համար կատարված ծախսերը չեն փոխհատուցվում, բացառությամբ ծրագրի շրջանակում հիմնված այգու չափով հողի ձեռքբերման ծախսի).

13) յուրաքանչյուր շահառուի համար սահմանված 1 հա այգեհիմնման՝ ներառյալ ոռոգման արդիական համակարգերի (բացի կաթիլային ոռոգման համակարգերից այլ համակարգերի ներդրման դեպքում, ծախսերը կգնահատվեն ոչ ավելի քան կաթիլային ոռոգման համակարգի ներդրման ծախսի առավելագույն սահմանաչափը), ջրավազանի, կարկտապաշտպան ցանցերի առավելագույն ծախսերն են (առանց 1-ին տարվա խնամքի ծախսերի)՝

ա. ինտենսիվ պտղատու այգի՝ հնդավորներ, կորիզավորներ և չոր մերձարևադարձայիններ՝ 28.5 մլն դրամ, կարկտապաշտպան ցանցով՝ 38.6 մլն դրամ,

բ. ինտենսիվ պտղատու այգի՝ ընկուզավորներ՝ 11.5 մլն դրամ, կարկտապաշտպան ցանցով՝ 23.5 մլն դրամ,

գ. խաղողի այգի՝ 17.1 մլն դրամ, կարկտապաշտպան ցանցով՝ 19.9 մլն դրամ (սեղանի խաղողի դեպքում՝ 26.5 մլն դրամ),

դ. հատապտղանոց՝ 17.6 մլն դրամ, կարկտապաշտպան ցանցով՝ 27.7 մլն դրամ.

14) այգեհիմնման դեպքում փոխհատուցման ընդհանուր գումարը 1 հա-ի հաշվով չպետք է գերազանցի սույն կետի 13-րդ ենթակետում գնահատված առավելագույն ծախսերի 50%-ը՝ հաշվի առնելով 17-րդ կետը.

15) ծրագրի շրջանակում առանց այգեհիմնման 0.5-10 հա ոռոգման արդիական համակարգերի ներդրման համար յուրաքանչյուր շահառուի կփոխհատուցվի փաստացի կատարված ծախսերի 50 %–ը, որը 1 հա-ի հաշվով չպետք է գերազանցի ծրագրի 19-րդ կետում նշված ծախսերի առավելագույն սահմանաչափերի 50%-ը։

(24-րդ կետը լրաց. 22.07.21 N 1194-Լ, փոփ., լրաց., խմբ. 27.01.22 N 104-Լ)

25. Ծրագրի մոնիթորինգն իրականացվում է նախարարության կողմից սահմանված կարգով, ինչպես նաև վարկերի տոկոսադրույքների սուբսիդավորման բաղադրիչի դեպքում՝ ֆինանսական կառույցի կողմից։

26. Վարկի տրամադրումից հետո 1 օրացուցային տարվա ընթացքում (ոչ ավանդական բարձրարժեք մշակաբույսերի մշակության նպատակով տրամադրված վարկի դեպքում՝ վարկի տրամադրումից հետո 2 ամսվա ընթացքում) ֆինանսական կառույցի կողմից պարտադիր իրականացվում է նպատակային մոնիթորինգ և ֆինանսական կառույցի ներքին իրավական ակտերին համապատասխան՝ ֆինանսական մոնիթորինգ:

27. Ֆինանսական կառույցը ԳՖԿ-ի հետ կնքվող պայմանագրով սահմանված ձևաչափով հաշվետվություն է ներկայացնում ԳՖԿ-ին:

28. Ծրագրի շրջանակներում վարկերի տոկոսադրույքի սուբսիդավորման հայտերի ամփոփման արդյունքում ԳՖԿ-ն ձևավորում է վիճակագրական տվյալների շտեմարան, որը ներառում է ծրագրի իրականացման հետ կապված տեղեկատվությունը, արձանագրված խնդիրները և իրագործման դժվարությունները:

29. ԳՖԿ-ն ամսական պարբերականությամբ հաշվետվություն է ներկայացնում նախարարություն:

30. Հաշվետվությունը պետք է պարունակի մանրամասն տեղեկատվություն ծրագրի ընթացքի մասին, այդ թվում՝

1) վարկերի մասին՝ ըստ մարզերի և համայնքների, շահառուների անձնական ու կոնտակտային տվյալների, վարկի գումարի, վարկի տոկոսադրույքի սուբսիդավորման գումարի, հիմնված այգիների և հատապտղանոցների, մշակված ոչ ավանդական բարձրարժեք մշակաբույսերի, ոռոգման արդիական համակարգերի ու կարկտապաշտպան ցանցերի ներդրման տարածքների, տեսակի.

2) տեղեկատվություն ֆինանսական կառույցի կողմից իրականացված մոնիթորինգի արդյունքների և հայտնաբերված խախտումների մասին:

31. Ծրագրի իրականացման հնարավոր ռիսկերն են`

1) անբարենպաստ կլիմայական պայմանների, հիվանդությունների և վնասատուների պատճառած վնասների և կորուստների հետևանքով տրամադրված վարկային ռեսուրսների մայր գումարի վերադարձելիության և տոկոսադրույքի վճարման և պայմանագրային պարտավորությունների կատարման անհնարինությունը.

2) ներմուծված տնկիների չհարմարվողականությունը հանրապետության բնակլիմայական պայմաններին.

3) նախատեսված վարկային ռեսուրսների ոչ ամբողջական տեղաբաշխման հետևանքով վարկերի տոկոսադրույքների սուբսիդավորման նախատեսված գումարներին համարժեք հայտերի բացակայությունը կամ նախատեսվածից ավելի մեծ պահանջարկը.

4) տարբեր տնտեսական գործոններով պայմանավորված՝ (արտադրանքի շուկայական գնի անկում, փոխարժեքի տատանումներ և այլն), շահառուների ակնկալվածից եկամուտների ավելի ցածր մակարդակը.

5) ֆինանսական կառույցների կողմից վարկի ապահովման միջոցի ոչ մատչելի պայմանների առաջադրումը։

32. Ծրագրի ռիսկերի մեղմմանն են ուղղված հավաստագրված տնկիներով և սահմանված ժամկետներում այգեհիմնման պահանջը, այգիների և տարածքների ապահովագրության հնարավորությունը, ինչպես նաև ծրագրի շրջանակում ցուցաբերվող աջակցությունը։

33. Ծրագրի ֆինանսավորումն իրականացվելու է Հայաստանի Հանրապետության պետական բյուջեից։

34. 2021 թվականին ծրագրի իրականացման համար ֆինանսական միջոցներ չեն պահանջվում, իսկ 2022 թվականին ծրագրի իրականացման գնահատված արժեքը կկազմի 2 351,5 մլն դրամ: Ծրագրի հետագա տարիների ֆինանսավորումը կիրականացվի յուրաքանչյուր բյուջետային գործընթացի շրջանակում բյուջետային հայտերի հիման վրա՝ տվյալ տարվա համար անհրաժեշտ չափով գումար հատկացնելու միջոցով:

(34-րդ կետը լրաց. 22.07.21 N 1194-Լ, փոփ. 27.01.22 N 104-Լ)

35. 2022 թվականի համար ծրագրի իրականացման արժեքը գնահատելու նպատակով կատարվել է պայմանական բաշխում, որի համաձայն 450 հա այգեհիմնման, ընդ որում, 220 հա-ը՝ առանց կարկտապաշտպան ցանցի, 260 հա ոռոգման արդիական համակարգերի և (կամ) ջրավազանների, 130 հա կարկտապաշտպան ցանցերի ներդրումը և 50 հա ոչ ավանդական բարձրարժեք մշակաբույսերի մշակությունը կկատարվի վարկերի տոկոսադրույքի սուբսիդավորման եղանակով, իսկ 50 հա այգեհիմնումը, ընդ որում, 25 հա-ը՝ առանց կարկտապաշտպան ցանցի, 100 հա ոռոգման արդիական համակարգերի ներդրումը կկատարվի ծախսերի մասնակի փոխհատուցման տարբերակով։

(35-րդ կետը փոփ. 22.07.21 N 1194-Լ, 27.01.22 N 104-Լ)

36. Հայաստանի Հանրապետության պետական բյուջեով նախատեսված ծրագրային ցուցանիշները կամ ֆինանսական միջոցները գերազանցելու դեպքում ծրագրի շրջանակում վարկային և փոխհատուցման պայմանագրեր կկնքվեն բյուջետային բավարար միջոցների առկայության դեպքում։

(36-րդ կետը փոփ. 22.07.21 N 1194-Լ)

37. Ծրագրի իրականացումից ակնկալվում են ինչպես քանակական, այնպես էլ որակական արդյունքներ։ Մասնավորապես, ծրագրով նախատեսված թիրախային ցուցանիշներն ապահովելու դեպքում ակնկալվում են հետևյալ արդյունքները`

1) քանակական՝

ա. ոռոգման արդիական համակարգերով և (կամ) կարկտապաշտպան ցանցերով, ժամանակակից ու մրցունակ տնկանյութերի տեսակներով հագեցած այգիների տարածքների ավելացում շուրջ 1000 հա-ով՝ տարեկան 500 հա,

բ. կարկտապաշտպան ցանցերով պաշտպանված հողատարածքների ավելացում շուրջ 260 հա-ով՝ տարեկան 130 հա,

գ. ժամանակակից ոռոգման համակարգեր ունեցող և ջրավազաններով ապահովված հողատարածությունների ավելացում շուրջ 720 հա-ով՝ տարեկան 360 հա,

դ. երկու տարիների ընթացքում ոչ ավանդական բարձրարժեք մշակաբույսերի տարածքների ավելացում շուրջ 150 հա–ով,

ե. այգեգործական արտադրանքի ինքնարժեքի իջեցում՝ արտադրության արդյունավետության բարձրացման հաշվին.

2) որակական՝

ա. ցածր բերքատու ավանդական այգիների փոխարեն բարձր բերքատու այգիների հիմնում, բ. այգեգործության ոլորտի ներդրումային գրավչության բարձրացում,

գ. մրցունակ, տարբեր սեզոնային արտադրության, երկարաժամկետ պահպանվող, որակական և համային բարձր հատկանիշներով օժտված պտղի և հատապտղի արտադրություն,

դ. կոնյակի և գինու որակական հատկանիշների բարելավման նախադրյալների ստեղծում,

ե. ծրագրի մասնակից տնտեսավարողների եկամուտների ավելացում, վճարունակության բարձրացում,

զ. ոռոգման արդիական համակարգերի ներդրման արդյունքում ջրային ռեսուրսների արդյունավետ օգտագործում,

է. կարկտապաշտպան ցանցերի ներդրման արդյունքում կարկտահարության ռիսկի նվազեցում,

ը. գյուղատնտեսության ապահովագրության իրականացման արդյունքում բնակլիմայական աղետներից ռիսկերի մեղմում։

(37-րդ կետը փոփ. 27.01.22 N 104-Լ)

2. ԱՆՑՈՒՄԱՅԻՆ ԴՐՈՒՅԹՆԵՐ

38. Հայաստանի Հանրապետության կառավարության 2019 թվականի մարտի 29-ի «Հայաստանի Հանրապետությունում խաղողի, ժամանակակից տեխնոլոգիաներով մշակվող ինտենսիվ պտղատու այգիների և հատապտղանոցների հիմնման համար պետական աջակցության ծրագիրը հաստատելու մասին» N 361-Լ, 2019 թվականի մարտի 7-ի «Ոռոգման արդիական համակարգերի ներդրման համաֆինանսավորման ծրագիրը հաստատելու մասին» N 212-Լ և 2019 թվականի ապրիլի 4-ի «Հայաստանի Հանրապետության գյուղատնտեսությունում կարկտապաշտպան ցանցերի ներդրման համար տրամադրվող վարկերի տոկոսավճարների սուբսիդավորման ծրագիրը հաստատելու մասին» N 362-Լ որոշումների գործողությունը տարածվում է մինչև դրանց ուժը կորցնելու օրը ծագած հարաբերությունների վրա։

Աղյուսակ N 1

NN ը/կ	Անվանումը	1 հա այգում տնկիների թույլատրելի նվազագույն թիվը հատ
1.	Ծիրանենի	800
2.	Դեղձենի	1000
3.	Սալորենի և շլորենի	1000
4.	Կեռասենի	800
5.	Բալենի	800
6.	Նշենի	300
7.	Նեկտարենի	1000
8.	Խնձորենի	1000
9.	Տանձենի	1000
10.	Սերկևիլենի	1000
11.	Ընկուզենի	417
12.	Տխիլենի	500
13.	Պիստակենի	500
14.	Ժորենի (արևելյան խուրմա)	625
15.	Թզենի	800
16.	Նռնենի	1000
17.	Շողպար (կիվի)	1000
18.	Խաղող*	2500
19.	Հատապտուղներ	5000

Ծրագրի շրջանակներում խաղողի, ինտենսիվ այգիների և հատապտղանոցների հիմնման համար տնկիների թույլատրելի նվազագույն թիվ

*Սեղանի խաղողի համար թարմային եղանակի դեպքում նվազագույնը 500 հատ տնկի

Աղյուսակ N 2

1 հա ինտենսիվ պտղատու այգու (հնդավորներ, կորիզավորներ և չոր մերձարևադարձային պտուղներ) հիմնման և 1-ին տարվա խնամքի համար պահանջվող ծախսերը (խնձորի, ծիրանի, կեռասի, դեղձի, սալորի և շլորի, բալի, նեկտարինի, տանձի, սերկևիլի, արևելյան խուրմայի, թզի, շողպարի (կիվիի), նռան օրինակով՝ առավել խիտ տնկման օրինակելի բանաձևը 3X0,8մ)

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)	Ընդամենը (դրամ) (առանց կարկտապաշտպան համակարգի)
Այգու հիմնման ծախսեր
Խոր վարը	հա	1	60 000	60 000	60 000
Քարհավաք (1 անգամ)	հա	1	200 000	200 000	200 000
Կուլտիվացիա	հա	1	20 000	20 000	20 000
Հողամասի տեղաձևում	հա	1	200 000	200 000	200 000
Լարասյունային համակարգի ցինկապատ լարեր	դրամ	-	-	700 000	2 500 000
Տնկման փոսերի հորատում	հատ	4 166	300	1 249 800	1 249 800
Տնկանյութի արժեք	հատ	4 166	4 000	16 664 000	16 664 000
Օրգանական պարարտացում	դրամ	-	-	750 000	750 000
Սուպերֆոսֆատ	կգ	300	300	90 000	90 000
Կալիումական աղ	կգ	150	300	45 000	45 000
Հողախառնուրդի և տնկանյութի նախապատրաստում ու այգեհիմնում	դրամ	-	-	1 041 500	1 041 500
Չնախատեսված այլ ծախսեր	դրամ	-	-	1 051 015	1 141 015
Կաթիլային ոռոգման համակարգի տեղադրում (ներառյալ պոմպակայանը)	հա	1	-	2 500 000	2 500 000
Կարկտապաշտպան համակարգ	հա	1	-	12 082 862	0
Ջրավազանի կառուցում կամ ընդլայնում	հա	1		2 000 000	2 000 000
Ընդամենը՝ այգեհիմնման ծախս՝ ներառյալ (կարկտապաշտպան ցանց և ոռոգման համակարգ)	դրամ	-	-	38 654 177	28 461 315
Այգու 1-ին տարվա խնամքի ծախսեր
Ջրի վարձ	մ3	3 500	11	38 500	38 500
Միջբնային տարածությունների քաղհան, փխրեցում (5 անգամ) կամ մուլչապատում	դրամ	-	-	350 000	350 000
Միջշարային տարածությունների կուլտիվացիա (4 անգամ)	դրամ	-	-	120 000	120 000
Պայքար հիվանդությունների և վնասատուների դեմ, մեքենայացված (8 անգամ)	դրամ	-	-	160 000	160 000
Բուժանյութեր	դրամ	-	-	400 000	400 000
Պարարտացում և սնուցումներ (մակրո և միկրո տարրերով, տերևային սնուցում, 6-8 անգամ)	դրամ	-	-	400 000	400 000
Ծառերի էտ-ձևավորում	դրամ	-	-	250 000	250 000
Չնախատեսված այլ ծախսեր	դրամ	-	-	85 925	85 925
Ընդամենը ծախսեր այգու 1-ին տարվա խնամքի համար	դրամ	-	-	1 804 425	1 804 425
Ընդամենը՝ ծախս	դրամ	-	-	40 458 602	30 265 740

(աղյուսակը փոփ. 27.01.22 N 104-Լ)

Աղյուսակ N 3

1 հա ինտենսիվ պտղատու այգու (ընկուզավորներ) հիմնման և 1-ին տարվա խնամքի համար պահանջվող ծախսերը (ընկույզի, պիստակի, տխիլի, նշի օրինակով՝ տնկման բանաձևը 4X2մ)   Աշխատանքի անվանումը Չափի միավորը ֆիզիկական ծավալները Միավորի արժեքը (դրամ) Ընդամենը (դրամ) Այգու հիմնման ծախսեր Խոր վարը հա 1 60 000 60 000 Քարհավաք (1 անգամ) հա 1 200 000 200 000 Կուլտիվացիա հա 1 20 000 20 000 Հողամասի տեղաձևում հա 1 150 000 150 000 Տնկման փոսերի հորատում հատ 1 250 300 375 000 Տնկանյութի արժեք հատ 1 250 4 000 5 000 000 Օրգանական պարարտացում դրամ     600 000 Սուպերֆոսֆատ կգ 240 300 72 000 Կալիումական աղ կգ 120 300 36 000 Հողախառնուրդի և տնկանյութի նախապատրաստում ու այգեհիմնում դրամ - - 312 500 Չնախատեսված այլ ծախսեր դրամ - - 341 275 Կաթիլային ոռոգման համակարգի տեղադրում (ներառյալ պոմպակայանը) հա 1 - 2 300 000 Կարկտապաշտպան համակարգ հա 1 - 12 082 862 Ջրավազանի կառուցում կամ ընդլայնում հա 1   2 000 000 Ընդամենը՝ այգեհիմնման ծախս՝ ներառյալ (կարկտապաշտպան ցանց և ոռոգման համակարգ) դրամ - - 23 549 637 Այգու 1-ին տարվա խնամքի ծախսեր Ջրի վարձ մ3 3 000 11 33 000 Միջբնային տարածությունների քաղհան, փխրեցում ձեռքով (5 անգամ) կամ մուլչապատում դրամ - - 350 000 Միջշարային տարածությունների կուլտիվացիա (4 անգամ) դրամ - - 120 000 Պայքար հիվանդությունների և վնասատուների դեմ, մեքենայացված (5 անգամ) դրամ - - 100 000 Բուժանյութեր դրամ - - 250 000 Սնուցումներ (մակրո և միկրո տարրերով, տերևային սնուցում, 5 անգամ) դրամ - - 250 000 Չնախատեսված այլ ծախսեր դրամ - - 55 150 Ընդամենը ծախսեր այգու 1-ին տարվա խնամքի համար դրամ - - 1 158 150 Ընդամենը՝ ծախս դրամ - - 24 707 787

(աղյուսակը փոփ. 27.01.22 N 104-Լ)

Աղյուսակ N 4

1 հա խաղողի այգու հիմնման և 1-ին տարվա խնամքի համար պահանջվող ծախսերը (առավել խիտ տնկման օրինակելի բանաձևը՝ 2.25 x 1.3 մ)*

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Այգու հիմնման ծախսեր
Խոր վարը	հա	1	60 000	60 000
Քարհավաք (1 անգամ)	հա	1	200 000	200 000
Կուլտիվացիա	հա	1	20 000	20 000
Հողամասի տեղաձևում	հա	1	250 000	250 000
Տնկման փոսերի հորատում	հատ	3400	200	680 000
Տնկանյութի արժեք	հատ	3400	2 000	6 800 000
Օրգանական պարարտացում	դրամ	-	-	375 000
Կալիումական աղ	կգ	150	300	45 000
Սուպերֆոսֆատ	կգ	300	300	90 000
Հողախառնուրդի և տնկանյութի նախապատրաստում ու այգեհիմնում	դրամ	-	-	712 000
Հենասյունների ձեռքբերում և տեղափոխում դաշտ	հատ	585	2 000	1 170 000
Հենասյունների համար փոսերի հորատում (50 սմ խորությամբ)	հատ	585	500	292 500
Հենասյունների տնկում, լարերի ձգում	մարդ/օր	50	5 000	250 000
Հենասյան լարերի գնում (ցինկապատ լարեր, 3մմ)	կգ	1000	900	900 000
Չնախատեսված այլ ծախսեր	դրամ	-	-	592 225
Կարկտապաշտպան համակարգ առանց հենասյուների	հա	1	-	2 800 000
Կաթիլային ոռոգման համակարգի տեղադրում (ներառյալ պոմպակայանը)	հա	1	-	2 700 000
Ջրավազանի կառուցում կամ ընդլայնում	հա	1		2 000 000
Ընդամենը՝ այգեհիմնման ծախս ներառյալ (կարկտապաշտպան ցանց և ոռոգման համակարգ)	դրամ	-	-	19 936 725
Այգու 1-ին տարվա խնամքի ծախսեր
Ջրի վարձ	մ3	3000	11	33 000
Միջբնային տարածություններ, քաղհան, փխրեցում (4 անգամ) կամ մուլչապատում	դրամ	-	-	280 000
Միջշարային տարածությունների կուլտիվացիա (3 անգամ)	դրամ	-	-	90 000
Պայքար հիվանդությունների և վնասատուների դեմ, մեքենայացված (3-4 անգամ)	դրամ	-	-	80 000
Բուժանյութեր	դրամ	-	-	200 000
Պարարտացում և սնուցումներ (մակրո և միկրո տարրերով, տերևային սնուցում 8 անգամ)	դրամ	-	-	400 000
Այգեթաղ կամ մուլչապատում	դրամ			200 000
Չնախատեսված այլ ծախսեր	դրամ	-	-	64 150
Ընդամենը ծախսեր այգու 1-ին տարվա խնամքի համար	դրամ			1 347 150
Ընդամենը՝ ծախս	դրամ	-	-	21 283 875

*Սեղանի խաղողի դեպքում կարկտապաշտպան համակարգի ներդրման ծախսերը հաշվարկվել են 12,0 մլն դրամ։

(աղյուսակը փոփ. 27.01.22 N 104-Լ)

Աղյուսակ N 5

1 հա հատապտղանոցների (ազնվամորու և մոշենու օրինակով) հիմնման և 1-ին տարվա խնամքի համար պահանջվող ծախսերը (առավել խիտ տնկման օրինակելի բանաձևը՝ 1.8 x 0.6 մ)

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)	Ընդամենը (դրամ) (առանց կարկտապաշտպան համակարգի)
Այգու հիմնման ծախսեր
Վար	հա	1	50 000	50 000	50 000
Քարհավաք (1 անգամ)	հա	1	200 000	200 000	200 000
Կուլտիվացիա	հա	1	20 000	20 000	20 000
Հողամասի տեղաձևում	հա	1	300 000	300 000	300 000
Լարասյունային համակարգի ցինկապատ լարեր	դրամ			900 000	2 717 500
Տնկանյութի արժեք	հատ	9200	800	7 360 000	7 360 000
Հողախառնուրդի և ակոսների պատրաստում, թփիկների տնկում	դրամ			460 000	460 000
Օրգանական պարարտացում	դրամ			750 000	750 000
Կալիումական աղ	կգ	150	300	45 000	45 000
Սուպերֆոսֆատ	կգ	250	300	75 000	75 000
Չնախատեսված այլ ծախսեր	դրամ	1	-	508 000	598 875
Կարկտապաշտպան համակարգ	հա	1	-	12 082 862	0
Կաթիլային ոռոգման համակարգի տեղադրում (ներառյալ պոմպակայանը)	հա	1	-	3 000 000	3 000 000
Ջրավազանի կառուցում կամ ընդլայնում	հա	1		2 000 000	2 000 000
Ընդամենը՝ այգեհիմնման ծախս՝ ներառյալ (կարկտապաշտպան	դրամ	-	-	27 750 862	17 576 375
ցանց և ոռոգման համակարգ)
Այգու 1-ին տարվա խնամքի ծախսեր
Ջրի վարձ	մ3	10000	11	110 000	110 000
Բուժանյութեր	դրամ	-	-	150 000	150 000
Պայքար հիվանդությունների և վնասատուների դեմ (7 անգամ)	մարդ/օր	7	20000	140 000	140 000
Պարարտացում և սնուցումներ (մակրո և միկրո տարրերով, տերևային սնուցում, 6-8 անգամ)	դրամ	-	-	400 000	400 000
Միջբնային տարածություններ, քաղհան փխրեցում (8 անգամ) կամ մուլչապատում	դրամ	-	-	560 000	560 000
Միջշարային տարածությունների կուլտիվացիա մեքենայացված (4 անգամ)	դրամ	-	-	100 000	100 000
Թփերի էտ-ձևավորում	դրամ	-	-	150 000	150 000
Չնախատեսված այլ ծախսեր	դրամ	-	-	80 500	80 500
Ընդամենը ծախսեր 1-ին տարվա խնամքի համար	դրամ	-	-	1 690 500	1 690 500
Ընդամենը՝ ծախս	դրամ	-	-	29 441 362	19 266 875

* Հաշվարկներն արված են ազնվամորու և մոշի օրինակով և այն ընդունվում է որպես հաշվարկային գնահատված արժեք բոլոր հատապտուղների համար։

(աղյուսակը փոփ. 27.01.22 N 104-Լ)

Աղյուսակ N 6

1 հա տարածքի վրա կարկտապաշտպան համակարգի ներդրման ծախսերը

Բնութագիրը	Քանակը	Չափի միավորը	Գինը (դրամ)	Ընդամենը (դրամ)
Սյուների բարձրությունը (7х8), 4.5 մ	300	հատ	6 500	1 950 000
Սյուների բարձրություն (9х9) 4.5 մ	60	հատ	8 000	480 000
Սյուների փակիչ (7х8)	300	հատ	1 600	480 000
Սյուների փակիչ (9х9)	60	հատ	1 650	99 000
Խարիսխ (125սմ)	184	հատ	6 500	1 196 000
Մետաղալարի ամրացման սեղմիչ (7х8)	1 440	հատ	20	28 800
Մետաղալարի ամրացման սեղմիչ (9х9)	150	հատ	1500	225 000
Ճոպան ցինկապատ 8.2 մմ МС	576	մ	300	172 800
Ճոպան ցինկապատ 5.6 մմ МС	360	մ	250	90 000
Ճոպան մեկուսիչով	145	մ	600	87 000
Մետաղալար ցինկապատ 2.5 մմ	592	կգ	900	532 800
Մետաղալար ցինկապատ 4 մմ	330	կգ	900	297 000
Մետաղալար ցինկապատ 3 մմ	40	կգ	900	36 000
Ճոպանի սեղմիչ (10.0 մմ)	336	հատ	120	40 320
Ձգան ցինկապատ լարերի ամրացման համար (9х9.5)	84	հատ	1 500	126 000
Կլիպս N 1	1 933	հատ	350	676 550
Կլիպս N 2	1 933	հատ	75	144 975
Շղթաներ	1 450	հատ	150	217 500
Ցանց	12 705	մ2	195	2 477 475
Օղակներ	60	հատ	400	24 000
Կապիչ D5մմ	64	կգ	1 370	88 071
Կապիչ D2մմ	43	կգ	2 650	113 571
Համակարգի ներդրման աշխատանքներ				2 500 000
Ընդամենը` ծախսերը	12 082 862

Աղյուսակ N 7

1 հա տարածքի վրա (3 մ միջշարային հեռավորություն) կաթիլային ոռոգման համակարգի ներդրման համար պահանջվող ծախսերը

NN ը/կ	Անվանումը	Միավորը	Քանակը	Արժեքը	Գումարը
1. Բաշխիչ ցանց
1.	Պոմպ	հատ	1	181500	181500
2.	Ինժեկտոր համակարգ 1"	հատ	1	50000	50000
3.	Բաք 300 լ	հատ	1	35000	35000
4.	Ավազային ֆիլտր 10000 լ/ժ	հատ	1	280000	280000
6.	Հակադարձ փական 2" զսպանակով	հատ	1	13000	13000
7.	Հակադարձ փական 1"	հատ	1	8500	8500
8.	PPR Խողովակ 32 մմ	մ	4	1500	6000
9.	PE Խողովակ 63 մմ (PN 10)	մ	10	942	1200
10.	PE Խողովակ 50 մմ (PN 10)	մ	120	600	14400
11.	PE Խողովակ 40 մմ (PN 10)	մ	120	384	113040
12.	Խողովակ 16 մմ	մ	40	100	4000
13.	Կաթ. խողովակ 16 մմ 40 սմ 2,2լ/ժ	մ	3500	170	595000
14.	Միացում ռեզինե հանգույցներով 16 մմ	հատ	40	50	2000
15.	POL Փական 50-50 մմ	հատ	2	5500	11000
16.	Փական 1.1/4 "	հատ	4	4000	16000
17.	PPR Փական 32 մմ	հատ	2	2000	4000
18.	Մետ. փական 1"	հատ	1	2500	2500
19.	Մետ. փական 1/2"	հատ	1	1500	1500
20.	Մետ. փական 3/4"	հատ	1	2000	2000
21.	Գոտի 50 մմ - 1.1/4"	հատ	4	1400	5600
22.	Գոտի 63 մմ - 1"	հատ	1	1300	1300
23.	Գոտի 40 մմ - 1.1/4"	հատ	4	1200	4800
24.	Գոտի 50 մմ - 1"	հատ	2	1350	2700
25.	Գոտի 50 մմ - 3/4"	հատ	1	1350	1350
26.	Գոտի 50 մմ - 1/2"	հատ	1	1350	1350
27.	POL Եռաբաշխիչ 50-40-50մմ	հատ	1	10500	10500
28.	POL Անկյունակ 63 մմ	հատ	2	6500	13000
29.	POL Անկյունակ 50 մմ	հատ	6	3500	21000
30.	Անկյունակ 40մմ -1.1/4"	հատ	8	3500	28000
31.	PPR Անկյունակ 32 մմ	հատ	2	350	700
32.	Անկյունակ 16 մմ շտուցեր	հատ	40	95	3800
33.	Փոխակերպիչ անցում 63 մմ-1.1/4"	հատ	1	4800	4800
34.	Փոխակերպիչ անցում 50 մմ-1"	հատ	3	2900	8700
35.	Անցում1"-1"	հատ	1	1200	1200
36.	PPR Ամերիկանկա 32մմ-1"(ա.պ.)	հատ	1	2100	2100
37.	PPR Ամերիկանկա 32մմ-1"(ն.պ.)	հատ	2	2100	4200
38.	PPR Միացում 32 մմ-1"(ա.պ.)	հատ	1	900	900
40.	Խցան 40 մմ	հատ	8	980	7840
41.	Խցան 16 մմ	հատ	40	60	2400
42.	Բետոն B20	մ/խ	0,6	36000	21600
43.	Խողովակ 40*40*2մմ	մ	30	1180	35400
44.	Թիթեղ ներկված	մ/ք	25	4500	112500
Ընդամենը		դրամ			1 636 380
Այլ ծախսեր
1.	Աշխատանք	մ	3 500	200	700 000
2.	Չնախատեսված ծախսեր	5%			81 819
3.	Տրանսպորտային ծախսեր	5%			81 819
Ընդամենը՝ այլ ծախսեր		դրամ			863 638
Ընդհանուր		դրամ			2 500 018

Աղյուսակ N 8

1 հա հողատարածքի վրա անձրևացման համակարգի տեղադրման նախահաշիվ (ցնցուղի տեղադրման սխեման 5X15 120լ/ժ)

Անվանումը	Միավորը	Քանակը	Արժեքը	Գումարը
Ցնցուղ	հատ	400	2000	800 000
PE խողովակ d=32մմ	մետր	2500	150	375 000
PE խողովակ d=75մմ	մետր	100	900	90 000
Միացման դետալներ				150 000
Պոմպային ագրեգատ				500 000
Տեղադրում՝ ներառյալ հողային աշխատանքները				700 000
Ընդամենը				2 615 000

Աղյուսակ N 9

1 հա ծնեբեկի մշակության համար պահանջվող ծախսերը (2 տարի)

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	40	5 000	200 000
Սուպերֆոսֆատ	կգ	150	300	45 000
Կալիումական պարարտանյութ	կգ	175	300	52 500
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Առուների՝ ակոսների պատրաստում	հա	1	50 000	50 000
Սածիլների ձեռքբերում	հատ	18000	200	3 600 000
Սածիլների տնկում և ծածկում 8-10 սմ հողի շերտով	մարդ/օր	10	7 000	70 000
Ջրի վարձ	մ3	9000	11	99 000
Ոռոգում	մարդ/օր	20	7 000	140 000
Փխրեցում, բուկլից, քաղհան (4 անգամ)	մարդ/օր	80	7 000	560 000
Հիվանդությունների և վնասատուների դեմ պայքարի միջոցառումներ (1 անգամ)	հա	1	20 000	20 000
Սնուցում	հա	1	50 000	50 000
Վերգետնյա զանգվածի կտրում և դաշտի մաքրում	մարդ/օր	20	7 000	140 000
Փխրեցում, բուկլից, քաղհան (4 անգամ)	մարդ/օր	80	7 000	560 000
Ջրի վարձ	մ3	9000	11	99 000
Ոռոգում	մարդ/օր	20	7 000	140 000
Հիվանդությունների և վնասատուների դեմ պայքարի միջոցառումներ (2 անգամ)	հա	1	20 000	40 000
Ծնեբեկի բերքահավաք	մարդ/օր	100	7 000	700 000
Վերգետնյա զանգվածի կտրում և դաշտի մաքրում	մարդ/օր	20	7 000	140 000
Բերքի տեղափոխում	դրամ			10 000
Չնախատեսված ծախսեր 5%	դրամ			344 775
Ընդամենը՝ ծախսեր				7 200 275

Աղյուսակ N 10

1 հա պրասասոխի մշակության համար պահանջվող ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	150	150	22 500
Սուպերֆոսֆատ	կգ	100	300	30 000
Կալիումական աղ	կգ	120	300	36 000
գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սածիլի արժեք	հատ	100000	25	2 500 000
Սածիլի տնկում (թաղարներով)	մարդ/օր	12	7 000	84 000
Ջրի վարձ	մ3	5600	11	61 600
Ոռոգում	մարդ/օր	8	7 000	56 000
Փխրեցում, բուկլից, քաղհան (3 անգամ)	մարդ/օր	60	7 000	420 000
Հիվանդությունների և վնասատուների դեմ պայքարի միջոցառումներ (2 անգամ)	հա	1	20 000	40 000
Սնուցում	հա	1	50 000	50 000
Բերքահավաք	մարդ/օր	18	7 000	126 000
Բերքի տեղափոխում	դրամ			20 000
Չնախատեսված ծախսեր 5%	դրամ			187 305
Ընդամենը՝ ծախսեր				3 933 405

Աղյուսակ N 11

1 հա ռուկոլայի (սորեկի) մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	100	150	15 000
Սուպերֆոսֆատ	կգ	30	300	9 000
Կալիումական աղ	կգ	150	300	45 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սերմի արժեք	կգ	4	100 000	400 000
Ցանք	հա	1	20 000	20 000
Ջրի վարձ	մ3	5600	11	61 600
Ոռոգում	մարդ/օր	20	7 000	140 000
Փխրեցում, քաղհան (3 անգամ)	մարդ/օր	60	7 000	420 000
Հիվանդությունների և վնասատուների դեմ պայքարի միջոցառումներ (3 անգամ)	հա	1	20 000	60 000
Սնուցում	հա	1	50 000	50 000
Բերքահավաք ձեռքով (5-6 քաղ )	մարդ/օր	300	7 000	2 100 000
Բերքի տեղափոխում	դրամ			20 000
Չնախատեսված ծախսեր 5%	դրամ			182 030
Ընդամենը՝ ծախսեր				3 822 630

Աղյուսակ N 12

1 հա բրյուսելյան կաղամբի մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	30	5 000	150 000
Ազոտական պարարտանյութ	կգ	150	150	22 500
Սուպերֆոսֆատ	կգ	120	300	36 000
Կալիումական աղ	կգ	200	300	60 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սածիլի արժեք	հատ	23810	100	2 381 000
Սածիլների տնկում (թաղարներով)	մարդ/օր	10	7 000	70 000
Ջրի ծախս	մ3	9000	11	99 000
Ոռոգում	մարդ/օր	20	7 000	140 000
Փխրեցում, բուկլից, քաղհան (3 անգամ)	մարդ/օր	60	7 000	420 000
Հիվանդությունների և վնասատուների դեմ պայքարի միջոցառումներ (3 անգամ)	հա	1	20 000	60 000
Սնուցում	հա	1	50 000	50 000
Բերքահավաք	մարդ/օր	60	7 000	420 000
Բերքի տեղափոխում	դրամ			30 000
Չնախատեսված այլ ծախսեր 5%	դրամ			206 925
Ընդամենը՝ ծախսեր				4 345 425

Աղյուսակ N 13

1 հա պեկինյան կաղամբի մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	100	150	15 000
Սուպերֆոսֆատ	կգ	80	300	24 000
Կալիումական աղ	կգ	180	300	54 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սածիլի արժեք	հատ	66666	40	2 666 640
Սածիլների տնկում	մարդ/օր	20	7 000	140 000
Ջրի ծախս	մ3	5000	11	55 000
Ոռոգում	մարդ/օր	10	7 000	70 000
Փխրեցում, քաղհան (2 անգամ)	մարդ/օր	40	7 000	280 000
Հիվանդությունների և վնասատուների դեմ պայքարի միջոցառումներ (2 անգամ)	հա	1	20 000	40 000
Սնուցում	հա	1	50 000	50 000
Բերքահավաք	մարդ/օր	30	7 000	210 000
Բերքի տեղափոխում	դրամ			60 000
Չնախատեսված այլ ծախսեր 5%	դրամ			198 232
Ընդամենը՝ ծախսեր				4 162 872

Աղյուսակ N 14

1 հա կոլրաբիի մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	90	150	13 500
Սուպերֆոսֆատ	կգ	60	300	18 000
Կալիումական աղ	կգ	120	300	36 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սածիլի արժեք	հատ	80000	40	3 200 000
Սածիլների տնկում (թաղարներով)	մարդ/օր	20	7 000	140 000
Ջրի ծախս	մ3	7150	11	78 650
Ոռոգում	մարդ/օր	18	7 000	126 000
Փխրեցում, քաղհան (2 անգամ)	մարդ/օր	40	7 000	280 000
Հիվանդությունների և վնասատուների դեմ պայքարի միջոցառումներ (2 անգամ)	հա	1	20 000	40 000
Սնուցում	հա	1	50 000	50 000
Բերքահավաք	մարդ/օր	30	7 000	210 000
Բերքի տեղափոխում	դրամ			50 000
Չնախատեսված այլ ծախսեր 5%	դրամ			227 108
Ընդամենը՝ ծախսեր				4 769 258

Աղյուսակ N 15

1 հա գանգրակաղամբի (կալեի) մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	90	150	13 500
Սուպերֆոսֆատ	կգ	80	300	24 000
Կալիումական աղ	կգ	120	300	36 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սածիլի արժեք	հատ	45000	50	2 250 000
Սածիլի տնկում (թաղարներով)	մարդ/օր	10	7 000	70 000
Ջրի ծախս	մ3	7150	11	78 650
Ոռոգում	մարդ/օր	18	7 000	126 000
Փխրեցում, բուկլից, քաղհան (3 անգամ)	մարդ/օր	60	7 000	420 000
Հիվանդությունների և վնասատուների դեմ պայքարի միջոցառումներ (3 անգամ)	հա	1	20 000	60 000
Սնուցում	հա	1	50 000	50 000
Բերքահավաք (4 անգամ)	մարդ/օր	120	7 000	840 000
Բերքի տեղափոխում	դրամ			50 000
Չնախատեսված այլ ծախսեր 5%	դրամ			215 908
Ընդամենը՝ ծախսեր				4 534 058

Աղյուսակ N 16

1 հա ցուկինիի (դեղին կամ մուգ կանաչ) և պատիսոնի մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	75	150	11 250
Սուպերֆոսֆատ	կգ	60	300	18 000
Կալիումական աղ	կգ	120	300	36 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Մարգերի հարթեցում և պատրաստում	հա	1	20 000	20 000
Սերմի արժեք	կգ	3	40 000	120 000
Ցանք	հա	1	50 000	50 000
Ջրի ծախս	մ3	5000	11	55 000
Ոռոգում	մարդ/օր	8	7 000	56 000
Փխրեցում, բուկլից, քաղհան (2 անգամ)	մարդ/օր	40	7 000	280 000
Հիվանդությունների և վնասատուների դեմ պայքարի միջոցառումներ (2 անգամ)	հա	1	20 000	40 000
Սնուցում	հա	1	50 000	50 000
Բերքահավաք (3 անգամ)	մարդ/օր	240	7 000	1 680 000
Բերքի տեղափոխում	դրամ			60 000
Չնախատեսված այլ ծախսեր 5%	դրամ			137 813
Ընդամենը՝ ծախսեր				2 894 063

Աղյուսակ N 17

1 հա քաղցր եգիպտացորենի մշակության ծախսերը

Աշխատանքի անվանումը	Չափի միավորը	Ֆիզիկական ծավալները	Միավորի արժեքը (դրամ)	Ընդամենը (դրամ)
Վար	հա	1	40 000	40 000
Գոմաղբ	տոննա	20	5 000	100 000
Ազոտական պարարտանյութ	կգ	120	150	18 000
Սուպերֆոսֆատ	կգ	90	300	27 000
Կալիումական աղ	կգ	120	300	36 000
Գոմաղբի ցրում	հա	1	50 000	50 000
Պարարտանյութերի ցրում	հա	1	30 000	30 000
Կրկնավար	հա	1	20 000	20 000
Չիզել	հա	1	20 000	20 000
Կուլտիվացիա	հա	1	20 000	20 000
Սերմի արժեք	կգ	25	40 000	1 000 000
Ցանք	հա	1	50 000	50 000
Ջրի ծախս	մ3	4800	11	52 800
Ոռոգում	մարդ/օր	14	7 000	98 000
Փխրեցում, քաղհան (2 անգամ)	հա	1	40 000	40 000
Հիվանդությունների և վնասատուների դեմ պայքարի միջոցառումներ (1 անգամ)	հա	1	20 000	20 000
Սնուցում	հա	1	50 000	50 000
Բերքահավաք	մարդ/օր	60	7 000	420 000
Բերքի տեղափոխում	դրամ			40 000
Չնախատեսված այլ ծախսեր 5%	դրամ			106 590
Ընդամենը՝ ծախսեր				2 238 390

(հավելվածը լրաց., փոփ. 22.07.21 N 1194-Լ, փոփ., լրաց., խմբ. 27.01.22 N 104-Լ)

Հայաստանի Հանրապետության վարչապետի աշխատակազմի ղեկավարի առաջին տեղակալ

Ծ. Սողոմոնյան

08.06.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ