Գլխավոր տեղեկություն

Номер

ՀՕ-31-Ն

Տիպ

Օրենք

Тип

Исходный акт (04.02.2006-по сей день)

Статус

Գործում է

Первоисточник

ՀՀՊՏ 2006.01.25/5(460) Հոդ.107

Принят

ՀՀ Ազգային ժողով

Дата принятия

16.12.2005

Подписан

ՀՀ Նախագահ

Дата подписания

16.01.2006

Дата вступления в силу

04.02.2006

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2005 թվականի դեկտեմբերի 16-ին

«ԼԻՑԵՆԶԱՎՈՐՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Լիցենզավորման մասին» Հայաստանի Հանրապետության օրենքի (30 մայիսի 2001 թվականի, ՀՕ-193) 8-րդ հոդվածում`

ա) երկրորդ մասում «էներգետիկայի կարգավորող հանձնաժողովի» բառերը փոխարինել «հանրային ծառայությունները կարգավորող հանձնաժողովի» բառերով.

բ) երկրորդ մասի երրորդ պարբերությունը շարադրել հետևյալ խմբագրությամբ`

«Էներգետիկայի, էլեկտրոնային հաղորդակցության և արժեթղթերի շուկայի բնագավառներում լիցենզավորման առանձնահատկությունները սահմանվում են համապատասխանաբար «Էներգետիկայի մասին», «Էլեկտրոնային հաղորդակցության մասին» և «Արժեթղթերի շուկայի կարգավորման մասին» Հայաստանի Հանրապետության օրենքներով և դրանց համաձայն ընդունված լիցենզավորման կարգերով:»:

Հոդված 2. Օրենքի 10-րդ հոդվածի հինգերորդ մասը շարադրել հետևյալ խմբագրությամբ`

«5. Հայաստանի Հանրապետության հանրային ծառայությունները կարգավորող հանձնաժողովի կողմից բարդ ընթացակարգով տրվող լիցենզիաների լիցենզավորման կարգերը հաստատում է Հայաստանի Հանրապետության հանրային ծառայությունները կարգավորող հանձնաժողովը:»:

Հոդված 3. Օրենքի 43-րդ հոդվածում`

ա) երկրորդ մասի աղյուսակում «ԷՀ» հապավումը փոխարինել «ՀԾԿՀ» հապավումով.

բ) երկրորդ մասի աղյուսակի 10-րդ կետը շարադրել հետևյալ խմբագրությամբ`

	«10. Հեռահաղորդակցության (էլեկտրոնային հաղորդակցության) բնագավառ
1.	հանրային էլեկտրոնային հաղորդակցության ցանցի	ՀԾԿՀ	Բ	Ա	Փ	-	Ո	Հ	Վ
2.	ձայնային ծառայությունների մատուցում	ՀԾԿՀ	Պ	Ա	-	-	Ո	Հ	Վ
3.	շարժական կապի ծառայությունների մատուցում	ՀԾԿՀ	Պ	Ա	-	-	Ո	Հ	Վ
4.	հեռագրային կապի ծառայությունների մատուցում	ՀԾԿՀ	Պ	Ա	-	-	Ո	Հ	Վ
5.	տվյալների հաղորդման և ինտերնետ հասանելիության ծառայությունների մատուցում	ՀԾԿՀ	Պ	Ա	-	-	Ո	Հ	Վ
6.	հեռուստառադիոհաղորդումների հեռարձակում	ՀՌԱՀ	Բ	-	-	Մ	-	-	Վ».

գ) չորրորդ մասում «ԷՀ-Հայաստանի Հանրապետության էներգետիկայի կառավարող հանձնաժողով» բառերը փոխարինել «ՀԾԿՀ-Հայաստանի Հանրապետության հանրային ծառայությունները կարգավորող հանձնաժողով» բառերով.

դ) չորրորդ մասի վերջին պարբերությունը «մարմինը» բառից հետո լրացնել «, բացառությամբ սույն հոդվածի երկրորդ մասի աղյուսակի 10-րդ կետում նշված պարզ ընթացակարգով տրվող լիցենզիաների» բառերով:

Հոդված 4. Սույն օրենքն ուժի մեջ է մտնում պաշտոնական հրապարակմանը հաջորդող տասներորդ օրվանից:

Հայաստանի Հանրապետության Նախագահ	Ռ. Քոչարյան
2006 թ. հունվարի 16 Երևան ՀՕ-31-Ն

Փոփոխման պատմություն

Փոփոխող ակտ		Համապատասխան ինկորպորացիան

Փոփոխված ակտ

Փոփոխող ակտ		Համապատասխան ինկորպորացիան