Ո Ր Ո Շ ՈՒ Մ

30 սեպտեմբերի 2021 թվականի N 1611-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ԶԱՐԳԱՑՄԱՆ 2022 ԹՎԱԿԱՆԻ ՏԱՐԵԿԱՆ ԾՐԱԳԻՐԸ ԵՎ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Ֆիզիկական կուլտուրայի և սպորտի մասին» Հայաստանի Հանրապետության օրենքի 4-րդ հոդվածը՝ Հայաստանի Հանրապետության կառավարությունը որոշում է.

1. Հաստատել՝

1) Հայաստանի Հանրապետության ֆիզիկական կուլտուրայի և սպորտի զարգացման 2022 թվականի տարեկան ծրագիրը` համաձայն N 1 հավելվածի.

2) Հայաստանի Հանրապետության ֆիզիկական կուլտուրայի և սպորտի զարգացման 2022 թվականի տարեկան ծրագրի միջոցառումների ցանկը` համաձայն N 2 հավելվածի:

2. Սահմանված կարգով` Հայաստանի Հանրապետության ֆիզիկական կուլտուրայի և սպորտի զարգացման 2022 թվականի տարեկան ծրագիրը և միջոցառումների ցանկը Հայաստանի Հանրապետության պետական բյուջեի նախագծի կազմում ներկայացնել Հայաստանի Հանրապետության Ազգային ժողով:

3. Հայաստանի Հանրապետության կրթության, գիտության մշակույթի և սպորտի նախարարին` 2022 թվականի տարեկան ծրագրի միջոցառումների ցանկով նախատեսված յուրաքանչյուր միջոցառման ավարտից հետո 10-օրյա ժամկետում արդյունքների վերաբերյալ տեղեկատվություն ներկայացնել Հայաստանի Հանրապետության վարչապետի աշխատակազմ:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

30.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2021 թվականի սեպտեմբերի 30-ի N 1611-Լ որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ԶԱՐԳԱՑՄԱՆ 2022 ԹՎԱԿԱՆԻ ՏԱՐԵԿԱՆ ԾՐԱԳԻՐԸ

I. ՆԵՐԱԾՈՒԹՅՈՒՆ

1. Ֆիզիկական կուլտուրան և սպորտը հայ ժողովրդի մշակույթի անբաժանելի մասն են: Սոցիալական գործոնների ընդհանուր համակարգում դրանք հասարակության կողմից օգտագործվում են մարդու հոգևոր և ֆիզիկական բազմակողմանի զարգացման, առողջության ամրապնդման, հիվանդությունների կանխարգելման, առողջ ապրելակերպի ձևավորման, բնակչության ակտիվ հանգստի կազմակերպման գործընթացում:

2. Երկրում կորոնավիրուսային հիվանդության (COVOD-19) իրավիճակով պայմանավորված բնակչության շրջանում նկատվում է ֆիզիկական զարգացման և պատրաստականության, կյանքի տևողության ցուցանիշների անկում: Դրան զուգահեռ ավելանում են հիվանդությունների, հաշմանդամության ցուցանիշները: Նշվածը վկայում է, որ կան համալիր հիմնախնդիրներ, որոնց շարքում նաև` լուծման կարիք ունեցող ֆիզիկական կուլտուրայի և սպորտի խնդիրները:

3. Ծրագրում և միջոցառումների ցանկում նախանշված են հիմնական գերակայությունները, կոնկրետ միջոցառումներն ու դրանց կատարման ժամկետները, իրագործման ուղիներն ու ակնկալվող արդյունքները, ֆինանսավորման աղբյուրն ու չափը:

II. ՀԻՄՆԱԿԱՆ ԴՐՈՒՅԹՆԵՐ

4. Սոցիալ-տնտեսական զարգացման համատեքստում հասարակության զարգացման, ինչպես նաև հոգևոր և ֆիզիկական առողջության համար առանցքային դեր են կատարում զանգվածային սպորտն ու ֆիզկուլտուրան։ Բացի այդ՝ զանգվածային սպորտի սոցիալական համակարգը, քաղաքացիների զանգվածային առողջացման ոլորտը որոշ առումներով փոխգործակցում են առողջապահության, գիտության, կրթության և մշակույթի հետ։

5. Սպորտում բարձրագույն նվաճումների գրանցվող ռեկորդները, միջազգային, ազգային և այլ մարզաձևերում արձանագրվող հաջողությունները մեծագույն խթան են հանդիսանում զանգվածային սպորտի զարգացման համար: Մյուս կողմից (փոխադարձաբար) հենց սպորտի մասսայականացումից է անցում կատարվում բարձրագույն սպորտային վարպետության:

6. Կատարելով զարգացնող, դաստիարակչական, հայրենասիրական, հաղորդակցական, տնտեսական և մի շարք այլ գործառույթներ՝ սպորտը միավորում և կոորդինացնում է հասարակությունը, համախմբում և առաջ է մղում հայ ազգին:

7. Նշվածն իրականացնելու համար անհրաժեշտ է համակցված միջոցառումների համակարգ, որը պայմաններ կստեղծի մարդկանց առօրյա կյանքում ֆիզիկական կուլտուրայի արմատավորման և բնակչության առողջության մակարդակի բարձրացման համար:

8. Ծրագիրը նախատեսված է ֆիզիկական կուլտուրայի և սպորտի բնագավառում պետական քաղաքականության իրականացման համար:

III. ԾՐԱԳՐԻ ԳԵՐԱԿԱՅՈՒԹՅՈՒՆՆԵՐԸ

9. Ֆիզիկական դաստիարակությունը և զանգվածային սպորտը, որոնք ներառում են բնակչության բոլոր տարիքային խմբերի` նախադպրոցականների, դպրոցականների, սովորողների, ուսանողների, նախազորակոչային և զորակոչային տարիքի երիտասարդության, հաշմանդամություն ունեցող անձանց, գյուղական և քաղաքային բնակավայրերի բնակիչների, տարեցների ֆիզիկական զարգացման, ֆիզիկական պատրաստականության և ֆիզիկական դաստիարակության անընդհատության ապահովումը, ըստ բնակության վայրի ֆիզիկական կուլտուրայի և սպորտի զարգացումը:

10. Սպորտի զարգացումը, որը ներառում է մանկապատանեկան սպորտը և մարզական հերթափոխի պատրաստումը, ինչպես նաև ազգային ավանդական մարզաձևերի զարգացումը և տարածումը:

11. Բարձրագույն նվաճումների սպորտը` այդ թվում նաև ադապտիվ սպորտը: Օլիմպիական գաղափարների տարածումը: Դոպինգի դեմ պայքարի հսկողության ուժեղացումը: Մարզական արդյունքների բարելավումը:

12. Ֆիզիկական կուլտուրայի և սպորտի նյութատեխնիկական բազայի ցանցի զարգացումն ու ամրապնդումը, ինչպես նաև բուժսպասարկման կատարելագործումը:

IV. ՆՊԱՏԱԿԸ ԵՎ ԽՆԴԻՐՆԵՐԸ

13. Ծրագրի նպատակը Հայաստանի Հանրապետության Սահմանադրության, «Ֆիզիկական կուլտուրայի և սպորտի մասին», «Մանկապատանեկան սպորտի մասին» Հայաստանի Հանրապետության օրենքների հիմնադրույթների համաձայն հանրապետությունում ֆիզիկական կուլտուրայի և սպորտի զարգացումը և նրա արդյունավետ գործունեության համար պայմանների ստեղծումն է 2022 թվականի ընթացքում:

14. Ծրագրի խնդիրներն են`

1) ֆիզիկական կուլտուրայի և սպորտի զարգացման սոցիալական առաջնայնության ապահովման համար իրավական և տնտեսական մեխանիզմի մշակումն ու իրագործումը.

2) բնակչության ֆիզիկական դաստիարակության համակարգի արդյունավետության բարձրացման և զարգացման համար պայմանների ստեղծումը.

3) բնակչության առողջացման, ֆիզիկական զարգացման անընդհատության ապահովման և ֆիզիկական պատրաստականության մակարդակի բարձրացումը.

4) ֆիզիկական զարգացմանն ու ֆիզիկական դաստիարակության անընդհատության ապահովումը` կազմակերպված և (կամ) ինքնուրույն պարապմունքների անցկացման, նաև ֆիզկուլտուրային և մարզական զանգվածային միջոցառումների իրականացման միջոցով.

5) օլիմպիական և պարալիմպիկ խաղերին, աշխարհի և Եվրոպայի առաջնություններին և այլ խոշոր միջազգային մրցաշարերին մասնակցելու համար մարզիկների և մարզաձևերի ազգային հավաքական թիմերի արդյունավետ նախապատրաստման և մասնակցության ապահովումը.

6) կադրերի պատրաստման համակարգի կատարելագործումը և ֆիզիկական կուլտուրայի ու սպորտի նյութատեխնիկական բազայի զարգացումը.

7) ֆիզիկական կուլտուրայի և սպորտի բնագավառում միջազգային կապերի ընդլայնումը:

V. ԱԿՆԿԱԼՎՈՂ ԱՐԴՅՈՒՆՔՆԵՐԸ

15. Ակնկալվող արդյունքներն են`

1) ֆիզիկական կուլտուրայի և սպորտի, առողջ ապրելակերպ վարելու նկատմամբ բնակչության դրական վերաբերմունքի ձևավորումը.

2) կանոնավոր կերպով սպորտով և ֆիզկուլտուրայով զբաղվող և մարզական զանգվածային միջոցառումներին մասնակցող քաղաքացիների (այդ թվում՝ տարեցների և հաշմանդամություն ունեցող անձանց) թվի ավելացումը.

3) բնակչության առողջության ամրապնդումը, անհատի ներդաշնակ զարգացումը, աշխատունակության բարձրացումը և երկարակեցության ապահովումը.

4) բարձրակարգ մարզիկների պատրաuտումը, միջազգային մրցաuպարեզներում Հայաuտանի Հանրապետության հավաքական թիմերի և մարզիկների մաuնակցության ապահովումը, ինչպես նաև օլիմպիական և պարալիմպիկ խաղերում, աշխարհի և Եվրոպայի առաջնություններում հայ մարզիկների կողմից բարձր նվաճումների արձանագրումը.

5) հայրենիքի պաշտպանությանը պատրաստ և Հայաստանի Հանրապետության ազգային բանակում ծառայելու համար ֆիզիկապես կոփված երիտասարդների ֆիզիկական պատրաuտականության ապահովումը:

16. Ծրագիրը նախատեսում է ֆիզիկական կուլտուրայի և սպորտի զարգացման միջոցառումների ու գործունեության հիմնական ուղիները:

VI. ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ

17. Ֆինանսավորման հիմնական աղբյուրը Հայաստանի Հանրապետության պետական բյուջեն է:

Հայաստանի Հանրապետության վարչապետի աշխատակազմի ղեկավար

Ա. Հարությունյան

30.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 2 ՀՀ կառավարության 2021 թվականի սեպտեմբերի 30-ի N 1611-Լ որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ԶԱՐԳԱՑՄԱՆ 2022 ԹՎԱԿԱՆԻ ՏԱՐԵԿԱՆ ԾՐԱԳՐԻ ՄԻՋՈՑԱՌՈՒՄՆԵՐԻ

NN ը/կ	Ծրագրի և միջոցառման անվանումը	Նպատակը և ակնկալվող արդյունքը	Ժամկետը	Ֆինան-սավորման չափը (հազ. դրամ)	Ֆինանսավոր-ման աղբյուրը	Պատասխանատու կատարողը
1.	«Մեծ նվաճումների սպորտ» «Հայաստանի Հանրապետության առաջնություններին և միջազգային միջոցառումներին մասնակցության ապահովման համար մարզիկների նախապատրաստում և առաջնությունների անցկացում»	Հայաստանի Հանրապետության առաջնությունների անցկացման ապահովում: Համաշխարհային պատանեկան օլիմպիական խաղերին, աշխարհի և Եվրոպայի առաջնություններին ու վարկանիշային միջազգային մրցաշարե-րին լավագույն ձևով նախապատրաստվելու նպատակով ուսումնա-մարզական հավաքների կազմակերպում: Աշխարհի և Եվրոպայի առաջնություններում մրցանակային տեղեր գրավելով՝ Հայաստանի Հանրապետության մարզական հեղինակու-թյան բարձրացման ապահովում: Հայաստանի Հանրապետության առաջնությունների քանակի ավելացում, օլիմպիական խաղերին, աշխարհի և Եվրոպայի առաջնություններին, վարկանիշային միջազգային մրցաշարերին լավագույն ձևով մասնակցելու նպատակով ուսումնա-մարզական հավաքների քանակի ավելացում, միջազգային տարբեր պաշտոնական և ոչ պաշտոնական մրցաշարերին մասնակցության ավելացում:	Տարվա ընթացքում	1,198,073.9	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
2.	«Մեծ նվաճումների սպորտ» «Հայաստանի Հանրապետության հավաքական թիմերին մարզահագուստով և մարզահանդերձանքով ապահովում»	Եվրոպայի, աշխարհի առաջնություններին մասնակցող Հայաստանի Հանրապետության հավաքական թիմերի անդամներին մարզահագուստով և մարզահանդերձանքով ապահովում: Հայաստանի Հանրապետության հավաքական թիմերի Եվրոպայի, աշխարհի առաջնություններին պատշաճ ձևով ներկայացում	1-ին եռամսյակ	81,840.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
3.	«Մեծ նվաճումների սպորտ» «Ադապտիվ սպորտին առնչվող ծառայություններ»	Ադապտիվ սպորտի զարգացման խթանում, ֆիզիկական վարժություններով մշտապես զբաղվելու, առողջ կենսակերպի գաղափարի արմատա-վորում, սոցիալական հավասարության խթանում հասարա-կություն ինտեգրման գործընթացի խթանում, բարոյահոգեբանական մթնոլորտի բարելավում, Հայաստանի Հան-րապետության առաջնու-թյունների անցկացման ապահովում, պարապող-ների մարզական վարպետության կատարելագործում, ինչպես նաև հաշմանդամների միջազգային մարզական կազմակերպություններում ադապտիվ սպորտով զբաղվող հասարակական կազմակերպությունների ինտեգրման գործընթացի խթանում	Տարվա ընթացքում	112,603.3	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
4.	«Մեծ նվաճումների սպորտ» «Հայաստանի Հանրապետությունում հակադոպինգային ծրագրերի մշակում և իրականացում» ըստ գործող «Համաշխարհային հակադոպինգային օրենսգրքի» միջազգային ստանդարտների	Հակադոպինգային ուսումնասիրությունների ուղղությամբ տարվող աշխատանքների բարելավում	Տարվա ընթացքում	54,623.7	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
5.	«Մեծ նվաճումների սպորտ» «Աջակցություն hայկական կոխ ըմբշամարտ մարզաձևի զարգացմանը»	Մատաղ սերնդի ֆիզիկական դաստիարա-կության ամրապնդում, առողջ ապրելակերպի դաստիարակում, ազգային մարզաձևերի պահպանում	Տարվա ընթացքում	8,133.4	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
6.	«Մեծ նվաճումների սպորտ» «Նավամոդելային սպորտի զարգացում»	Նավամոդելային սպորտի զարգացում, նավամոդե-լային սպորտի 2021 թ. աշխարհի առաջնությանը մասնակցություն, աշխարհի և Եվրոպայի առաջնություններին Հայաստանի Հանրապե-տության ազգային հավաքականի (համալրված նաև աշխարհի և Եվրոպայի չեմպիոններով) մասնակցություն, ներկա-յացում և փորձի փոխանակում	2-րդ եռամսյակ	5,075.1	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
7.	«Մեծ նվաճումների սպորտ» «Շախմատիստների պատրաստման ծառայություններ»	Հայաստանում շախմատի զարգացմանն ու ծավալմանը նպաստում, շախմատային դպրոցների, ակումբների և խմբակների նյութատեխնիկական ապահովման ընդլայնում, շախմատային կյանքի տարածմանն ու լուսաբանմանը աջակ- ցում, միջազգային նմանատիպ կազմակեր-պությունների հետ գործունեության կազմակերպում	Տարվա ընթացքում	158,438.5	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
8.	«Մեծ նվաճումների սպորտ» «2022 թվականի ձմեռային օլիմպիական խաղերին Հայաստանի մարզական պատվիրակության մասնակցության ապահովում»	2022 թվականի ձմեռային Օլիմպիական խաղերին Հայաստանի մարզական պատվիրակության մասնակցության ապահովում	1-ին եռամսյակ	26,096.7	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
9.	«Մեծ նվաճումների սպորտ» «Եվրոպայի երիտասարդության օլիմպիական փառատոներին Հայաստանի մարզական պատվիրակության մասնակցության ապահովում»	Հայաստանի մարզիկների մասնակցության ապահովում Եվրոպայի երիտասարդության ամառային օլիմպիական փառատոնին, երիտա-սարդ խոստումնալից մարզիկների բացահայտում	2-րդ եռամսյակ	51,165.8	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
10.	«Մեծ նվաճումների սպորտ» «Ֆրանկոֆոնիայի մարզամշակութային խաղերին Հայաստանի մարզական պատվիրակության մասնակցության ապահովում»	Հայաստանի մարզիկների մասնակցության ապահովում 2022 թ. Ֆրանկոֆոնիայի մարզամշակութային խաղերին, երիտասարդ խոստումնալից մարզիկ-ների բացահայտում օլիմպիական գաղափար-ների տարածում, մրցակցական փորձի ձեռքբերում	2-րդ եռամսյակ	38,676.6	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
11.	«Մեծ նվաճումների սպորտ» «Միջազգային մարզական միջոցառումների հաղթողներին և մրցանակակիրներին դրամական մրցանակների հանձնում»	Դրամական պարգևներ շնորհելու միջոցով մարզիչների և մարզիկ- ների նյութական խրախուսում և սոցիալական վիճակի բարելավում, օլիմպիական խաղերին, աշխարհի, Եվրոպայի առաջնու-թյուններին և միջազգային մրցաշարերին հաղթող-ների և մրցանակակիր-ների նյութական խրախուսում ըստ արդյունքների	4-րդ եռամսյակ	150,000.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
12.	«Մեծ նվաճումների սպորտ» «Հայաստանի Հանրապետության հավաքական թիմերի գլխավոր և ավագ մարզիչների վարձատրություն և աշխարհի չեմպիոններին, օլիմպիական խաղերի և շախմատի համաշխարհային օլիմպիադայի մրցանակակիրներին պատվովճարի հատկացում»	Հայաստանի Հանրապետության հավաքական թիմերի մարզումների արդյունա-վետության բարձրացում, Հայաստանի Հանրա-պետության հավաքական թիմերի մարզիչների աշխատավարձերի վճարում, վերջիններիս սոցիալական պայման-ների բարելավում և մարզական արդյունքների բարձրացում	Տարվա ընթացքում	166,478.4	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
13.	«Մեծ նվաճումների սպորտ» «Օլիմպիական խաղերում, աշխարհի և Եվրոպայի առաջնություններում բարձր արդյունքների հասած Հայաստանի Հանրապետության հավաքական թիմերի մարզիկներին և նրանց մարզիչներին անվանական թոշակի հատկացում»	Օլիմպիական խաղերում, աշխարհի, Եվրոպայի առաջնություններում, միջազգային մրցում- ներում մրցանակային տեղերի նվաճում, անձնական արդյունք- ների բարելավում: Օլիմպիական խաղերի մասնակցության համար վարկանիշների ձեռք-բերում, աշխարհի, Եվրոպայի և Հայաստանի Հանրապետության ռեկորդների բարելավում	Տարվա ընթացքում	624,346.2	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
14.	«Մեծ նվաճումների սպորտ» «Հայաստանի Հանրապետության «Տարվա լավագույն մարզիկներ» մրցույթի կազմակերպում, անցկացում և հաղթող ճանաչված մարզիկների պարգևատրում»	Հայաստանի Հանրապետության «Տարվա 10 լավագույն մարզիկներ» մրցույթի կազմակերպում, անցկացում և հաղթող ճանաչված մարզիկների պարգևատրում	4-րդ եռամսյակ	51,500.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
15.	«Մեծ նվաճումների սպորտ» «ՀՀ հավաքական թիմերի մարզիկների ֆունկցիոնալ վիճակի արդյունավետության բարձրացումը վիտամինիզացիայի և չարգելված սպորտային հավելյալ սննդով ապահովման միջոցով»	Աջակցություն մարզիկ-ների սպորտային գործունեության, մրցակցային արդյունավե- տության բարձրացմանը	1-ին եռամսյակ	40,000.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
16.	«Մեծ նվաճումների սպորտ» «ՀՀ մարզիկների արդյունավետության բարձրացումը սպորտային հոգեբանության առաջատար մեթոդների ներդրման և կիրառման միջոցով»	Սպորտային գործունեության իրականացման տարբեր փուլերի համապա-տասխան մարզիկների հոգեբանական պատրաստականության վիճակի բարելավում	1-ին եռամսյակ	4,000.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
17.	«Մասսայական սպորտ» «Մասսայական սպորտին առնչվող ծառայություններ»	Տարիքային և uոցիալական տարբեր խմբերի անձանց համար ֆիզիկական դաuտիարակության անընդհատության և ֆիզիկական կուլտուրայով ու uպորտով զբաղվելու անընդհատության ապահովում, բնակչության շրջանում առողջ ապրելակերպի արմատավորում, անհատի բազմակողմանի ու ներդաշնակ զարգացման գործում ֆիզիկական կուլտուրայի և սպորտի դերի կարևորում	Տարվա ընթացքում	50,000.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
18.	«Մասսայական սպորտ» «Հայաստանի Հանրապետության վարչապետի գավաթ» սիրողական խճուղային հեծանվավազքի մրցաշարի անցկացում	Հանրապետությունում հեծանվային սպորտի և առողջ ապրելակերպի մասսայականացում, «Հեծանիվը որպես շրջակա միջավայրը աղտոտվածությունից զերծ պահելու միջոց» գաղափարի քարոզում	3-րդ եռամսյակ	25,724.2	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
19.	«Մասսայական սպորտ» «Հայաստանի Հանրապետության վարչապետի գավաթ» սիրողական սեղանի թենիսի մրցաշարի անցկացում	Ժամանցի, ակտիվ հանգստի կազմակերպ-ման և առողջ ապրելակերպի ձևավորման գործում սեղանի թենիս մարզաձևի դերի բարձրացում	4-րդ եռամսյակ	25,196.1	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն
20.	«Մասսայական սպորտ» «Հայաստանի Հանրապետության վարչապետի գավաթ» սիրողական լողի մրցաշարի անցկացում	Հայաստանի Հանրապե-տությունում լող մարզաձևի մասսայա-կանացում	3-րդ եռամսյակ	20,155.2		Հայաստանի Հանրապետության կրթության, գիտության, մշակույթի և սպորտի նախարարություն
21.	«Մասսայական սպորտ» «Հայաստանի Հանրապետության վարչապետի գավաթ» կրոսավազքի մրցաշարի անցկացում	Տարիքային և uոցիալական տարբեր խմբերի անձանց համար ֆիզիկական դաստիարա-կության անընդհա-տության և ֆիզիկական կուլտուրայով ու uպորտով զբաղվելու մատչելիության ապահովում	4-րդ եռամսյակ	41,690.3	Հայաստանի Հանրապետության պետական բյուջե ՀՀ օրենսդրությամբ չարգելված միջոցներ	Հայաստանի Հանրապետության կրթության, գիտության, մշակույթի և սպորտի նախարարություն
22.	Իրականցվող առողջ ապրելակերպի և մարզական զանգվածային միջոցառումների հաղթողների և մրցանակակիրների հետ հարցազրույցների կազմակերպման, նրանց հեռուստահաղորդաշա- րերին հյուրընկալելու, միջոցով բնակչության շրջանում առողջ ապրելակերպի քարոզչության իրականացում	Առողջարարական և մարզական զանգվածային աշխատանքների վերաբերյալ հանրությանը իրազեկման միջոցով, նրանց կենցաղում առողջ կենսակերպի, ֆիզկուլ-տուրայի և սպորտի՝ որպես ֆիզիկական և հոգևոր առողջության կարևորագույն բաղադրիչի կարևորման արմատավորում	Տարվա ընթացքում	Ֆինանսավորում չի պահանջվում:		Հայաստանի Հանրապետության կրթության, գիտության, մշակույթի և սպորտի նախարարություն «Հանրային հեռուստաընկերու-թյուն» ՓԲԸ, «Հանրային կապերի և տեղեկատ-վության կենտրոն» ՓԲԸ
23.	«Մասսայական սպորտ» «Համաշխարհային ունիվերսիադային Հայաստանի ուսանողական մարզական պատվիրակության մասնակցության ապահովում»	Հայաստանի Հանրապետության համալսարանական մարզական պատվիրակությունները ունիվերսիադաներին ներկայանում են Հայաստանի Հանրապետության ուսանող լավագույն մարզիկներով և հավաքական թիմերի մարզիչներով: Հայաստանի Հանրապետության համալսարանական մարզական պատ- վիրակությունների մասնակցություն համալսարանական սպորտի միջազգային ֆեդերացիայի (ՖԻՍՈՒ) կողմից կազմակերպվող կրթական սեմինար- ներին, վեհաժողովին և կոնֆերանսին՝ ներկայացնելով Հայաս- տանի Հանրապե-տությունում համալսարա-նական սպորտի առկա վիճակը և զարգացման հեռանկարները:	2-րդ եռամսյակ	19,350.0	Հայաստանի Հանրապետության պետական բյուջե	Հայաստանի Հանրապետության կրթության, գիտության, մշակույթի և սպորտի նախարարություն

Հայաստանի Հանրապետության վարչապետի աշխատակազմի ղեկավար

Ա. Հարությունյան

30.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ