ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 698-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել ԱՄՆ-ի «Ֆոքըս օն չիլդրեն նաու, ինկ» բարեգործական հիմնադրամի ֆինանսավորմամբ «Ֆոքըս օն չիլդրեն նաու, ինկ» բարեգործական հիմնադրամի հայաստանյան մասնաճյուղի կողմից իրականացվող՝ 15,991,000 դրամ ընդհանուր արժողությամբ «Մանկական խաղահրապարակների տեղադրում Հայաստանի Հանրապետության մարզային համայնքներում» ծրագիրը՝ համաձայն հավելվածի:

2. Սահմանել, որ «Ֆոքըս օն չիլդրեն նաու, ինկ» բարեգործական հիմնադրամի հայաստանյան մասնաճյուղի կողմից (ՀՎՀՀ՝ 00130776) «Մագնոն» ԲԲԸ-ի հետ (ՀՎՀՀ` 05501766) 2021 թվականի հուլիսի 9-ին կնքված պայմանագրում նշված գործարքը, որով նախատեսվում են մանկական խաղահրապարակի սարքավորումների պատրաստման և տեղադրման աշխատանքներ՝ 15,991,000 դրամի չափով՝ առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. «Ֆոքըս օն չիլդրեն նաու, ինկ» բարեգործական հիմնադրամի հայաստանյան մասնաճյուղին՝ ծրագրի ավարտից հետո մեկամսյա ժամկետում Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Ս. ՊԱՊԻԿՅԱՆ
Երևան

08.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 698-Ա որոշման

«ՄԱՆԿԱԿԱՆ ԽԱՂԱՀՐԱՊԱՐԱԿՆԵՐԻ ՏԵՂԱԴՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԱՅԻՆ ՀԱՄԱՅՆՔՆԵՐՈՒՄ» ԾՐԱԳԻՐԸ

1.	Ծրագրի նպատակը	Մանկական խաղահրապարակների տեղադրում
2.	Ծրագրի բարեգործական որակման նպատակը	Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից
3.	Բարեգործը	«Ֆոքըս օն չիլդրեն նաու, ինկ» բարեգործական կազմակերպություն, 6850 Քենդի պողոտա, սենյակ 102, Ռեսեդա, Կալիֆորնիա 91355, Լոս Անջելես
4.	Ծրագրի կատարողը	«Ֆոքըս օն չիլդրեն նաու, ինկ» ԲԿ հայաստանյան մասնաճյուղ, ք.Երևան, Վ. Համբարձումյան 2 շ, 37 բն, ՀՎՀՀ՝ 00130776
5.	Ծրագրի իրականացման վայրը և բնագավառը	ՀՀ Տավուշի մարզ՝ Աճարկուտի համայնք, Մովսեսի համայնք, ՀՀ Սյունիքի մարզ՝ Գորիսի համայնք, Բարձրավանի համայնք, ՀՀ Արմավիրի մարզ՝ Մրգաշատի համայնք, Մյասնիկյանի համայնք, ՀՀ Կոտայքի մարզ՝ Հրազդանի համայնք, ՀՀ Լոռու մարզ՝ Վանաձորի համայնք՝ սոցիալական բնագավառ
6.	Ծրագրի բյուջեն	15,991,000 դրամ
7.	Բարեգործությունն ստացողը	ՀՀ Տավուշի մարզ՝ Աճարկուտի համայնք, Մովսեսի համայնք, ՀՀ Սյունիքի մարզ՝ Գորիսի համայնքի թիվ 4 մանկապարտեզ, Բարձրավանի համայնքի մանկապարտեզ, ՀՀ Արմավիրի մարզ՝ Մրգաշատի համայնքի մանկապարտեզ, Մյասնիկյանի համայնքի մանկապարտեզ, ՀՀ Կոտայքի մարզ՝ Հրազդանի համայնքի թիվ 5 մանկապարտեզ, ՀՀ Լոռու մարզ՝ Վանաձորի համայնքի թիվ 5 մանկապարտեզ
8.	Ծրագրի իրականացման տևողությունը	12.08.2021 թ - 25.11.2021 թ.
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	1-ին փուլ՝ 12.08.2021թ. - 31.08.2021 թ. խաղային սարքերի պատվիրում և պատրաստում 12,603,000 դրամ 2-րդ փուլ՝ 01.09.2021 թ. - 30.09.2021 թ. սարքերի տեղադրում, 3,388,000 դրամ 3-րդ փուլ՝ 01.10.2021 թ. - 01.11.2021 թ. խաղահրապարակի հանձնումը համայնքին 4-րդ՝ փուլ՝ 01. 11.202 1թ. - 25.11.2021 թ. հանձնման-ընդունման ակտերի ստորագրում
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Պայմանագրերը՝ կնքված 09․07․2021 թ. «Ֆոքըս օն չիլդրեն նաու, ինկ» ԲԿ-ի և «Մագնոն» ԲԲԸ-ի միջև - խաղահրապարակների սարքավորումների արժեքը՝ 15.991.000 դրամ
11.	Ծրագրի իրականացման հետ կապված կազմակերպչական ծախսերը	Կազմակերպչական ծախսեր չեն նախատեսվում:
12.	Համագործակցությունը պետական կառավարման , տեղական ինքնակառավարման մարմինների, այլ կազմակերպությունների հետ	Նախատեսվում է համագործակցություն տեղական ինքնակառավարման մարմինների հետ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ

Հայաստանի Հանրապետության փոխվարչապետ

Ս. ՊԱՊԻԿՅԱՆ

08.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ