ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

25 հունիսի 2020 թվականի N 357-Ա

«ՎԱՐԴԱՆՅԱՆ ԸՆՏԱՆԻՔ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՇԱՐԺԱԿԱՆ ՌԵՆՏԳԵՆ ՍԱՐՔԻ ՆՎԻՐԱԲԵՐՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Վարդանյան ընտանիք» բարեգործական հիմնադրամի կողմից իրականացվող` 10,200 եվրոյին համարժեք դրամ արժողությամբ «Շարժական ռենտգեն սարքի նվիրաբերում» ծրագիրը՝ համաձայն հավելվածի:

2. «Վարդանյան ընտանիք» բարեգործական հիմնադրամին` նշված ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. Ավինյան
2020 թ. հունիսի 25 Երևան

Հավելված ՀՀ փոխվարչապետի 2020 թ. հունիսի 25-ի N 357-Ա որոշման

«ՇԱՐԺԱԿԱՆ ՌԵՆՏԳԵՆ ՍԱՐՔԻ ՆՎԻՐԱԲԵՐՈՒՄ»

Ծ Ր Ա Գ Ի Ր

1.	Ծրագրի նպատակը	«Մուրացան» համալսարանական hիվանդանոցային համալիր ՊՈԱԿ-ին շարժական ռենտգեն սարքի նվիրաբերում
2.	Ծրագրի բարեգործական որակման նպատակը	Ակնկալվում է ծրագրի շրջանակներում օգտվել ՀՀ հարկերի, տուրքերի և պարտադիր վճարների գծով օրենքով սահմանված արտոնություններից:
3.	Բարեգործը	«Վարդանյան ընտանիք» բարեգործական հիմնադրամ (ՀՀ, քաղ. Երևան, Մասիսի 31, ՀՎՀՀ՝ 02269952)
4.	Ծրագիրը կատարողը	«Վարդանյան ընտանիք» բարեգործական հիմնադրամ (ՀՀ, քաղ. Երևան, Մասիսի 31, ՀՎՀՀ՝ 02269952)
5.	Ծրագրի իրականացման վայրը և բնագավառը	«Մուրացան» համալսարանական hիվանդանոցային համալիր ՊՈԱԿ (ՀՀ, ք. Երևան 0075, Մուրացանի փող., 114 շենք)՝ առողջապահության բնագավառ:
6.	Ծրագրի բյուջեն	10 200 (տասը հազար երկու հարյուր) եվրոյին համարժեք ՀՀ դրամ
7.	Բարեգործություն ստացողը	«Մուրացան» համալսարանական հիվանդանոցային համալիր ՊՈԱԿ (ՀՀ, ք. Երևան 0075, Մուրացանի փող., 114 շենք): Ընտրությունը կատարվել է համաձայն բարեգործությունը ստացողի աջակցության խնդրանքի:
8.	Ծրագրի իրականացման տևողությունը	2020 թվականի հուլիսի 1-ից մինչև 2021 թվականի նոյեմբերի 1-ը:
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Առողջության խանգարումներ ունեցող երեխաների համար նախատեսվում է «Մուրացան» համալսարանական հիվանդանոցային համալիր ՊՈԱԿ-ին նվիրաբերել թվով 1 հատ SAXO 4T շարժական ռենտգեն սարք 10 200 եվրոյին համարժեք ՀՀ դրամ ընդհանուր արժողությամբ: Միջոցառումը նախատեսվում է իրականացնել 2020 թվականի հուլիսի 1-ից մինչև 2021 թվականի նոյեմբերի 1-ն ընկած ժամանակահատվածում:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Տվյալ ծրագրի շրջանակներում նախատեսվում է թվով 1 հատ SAXO 4T շարժական ռենտգեն սարքի ներմուծում 10 200 եվրոյին համարժեք ՀՀ դրամ ընդհանուր արժեքով:
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Չի նախատեսվում:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Ծրագրի արդյունավետության նկատմամբ վերահսկողությունն իրականացվելու է «Վարդանյան ընտանիք» բարեգործական հիմնադրամի հոգաբարձուների խորհրդի կողմից; Հայաստանի Հանրապետության Կառավարության 2003 թ-ի հունվարի 16-ի N 66-Ն որոշմամբ հաստատված «Բարեգործական ծրագրերը բարեգործական որակելու և գրանցելու կարգի» 25-րդ կետով սահմանված կարգով հաշվետվությունների ներկայացում լիազորված մարմնին:

(հավելվածը փոփ. 22.12.20 N 823-Ա, 18.06.21 N 500-Ա)

Հայաստանի Հանրապետության փոխվարչապետ

Տ. Ավինյան