Համաձայն «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին մասի՝

1. Հայաստանի Հանրապետության փոխվարչապետի 2021 թվականի ապրիլի 7-ի Հայաստանի Հանրապետության առողջապահության նախարարու- թյան «Դեղերի և բժշկական պարագաների ապահովման ազգային կենտրոն» պետական ոչ առևտրային կազմակերպության հասցեով ստացված բեռի ներմուծման ծրագրի մասին N 278-Ա որոշման 1-ին կետում կատարել հետևյալ փոփոխությունները՝

1) «Հայ-ամերիկյան բժշկական ասոցիացիայի (Armenian American Medical Association) կողմից» բառերը փոխարինել «Հայ-ամերիկյան բժշկական ասոցիացիայի (Armenian American Medical Association) կողմից ԱՄՆ-ի «Հայաստան-Արցախ» հիմնադրամի միջոցով» բառերով.

2) «3,084 կգ ընդհանուր քաշով, 50,000 ԱՄՆ-ի դոլարին համարժեք դրամ արժողությամբ՝ ներառյալ փոխադրման ծախսերը» բառերը փոխարինել «3,260 կգ ընդհանուր քաշով, 50,000 ԱՄՆ-ի դոլարին համարժեք դրամ արժողությամբ, փոխադրման ծախսերը կազմել են 5,800 ԱՄՆ-ի դոլար» բառերով.

3) որոշմանը կից բեռի բաշխման ցանկը շարադրել նոր խմբագրությամբ՝ համաձայն հավելվածի: