ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 426-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2018 ԹՎԱԿԱՆԻ ՍԵՊՏԵՄԲԵՐԻ 17-Ի N 1218-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով՝

1. Հայաստանի Հանրապետության վարչապետի 2018 թվականի սեպտեմբերի 17-ի «Պետական պահպանության ծառայության զինծառայողների միասնական համազգեստի և տարբերանշանների նկարագիրը հաստատելու մասին» N 1218-Լ որոշման N 1 հավելվածի 3-րդ կետում կատարել հետևյալ փոփոխությունները.

1) 3-րդ ենթակետը շարադրել հետևյալ խմբագրությամբ՝

«3) ականջակալներով գլխարկ` բնական կամ արհեստական մորթուց, բաղկացած է միջնամասից, կողամասերից, հատակից, ականջակալներով ծոծրակամասից և ճակատային մասից (հովհար): Միջնամասի ներքևի հատվածում ամրացված է զարդապարան: Ականջակալները` բնական կամ արհեստական մորթուց: Ճակատային մասի (հովհարի) առջևի կենտրոնական մասում ամրացվում է գլխարկանշան,».

2) 8-րդ ենթակետից հանել «կիսածավալուն,» բառը.

3) 11-րդ ենթակետից հանել «և ծոցագրպան` ատրճանակի համար» բառերը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

22.04.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 22 ապրիլի 2021 թվական: